<p>'వారణాసి' (Varanasi Movie) మొదలు కావడానికి ముందు సంగతి... సూపర్ స్టార్ మహేష్ బాబు (Mahesh Babu) పాస్ పోర్ట్ లాక్కున్నట్టు, ఆయన్ను తన బోనులో బంధించినట్టు దర్శక ధీరుడు ఎస్ఎస్ రాజమౌళి (SS Rajamouli) ఇచ్చిన ఎక్స్‌ప్రెషన్ ఎంత వైరల్ అయ్యిందో ప్రత్యేకంగా చెప్పాల్సిన అవసరం లేదు. జక్కన్నతో సినిమా అంటే టూర్లు, షికార్లు అంటూ మహేష్ తిరగలేదని ఫ్యాన్స్, ఆడియన్స్ అనుకున్నారు. కట్ చేస్తే... సినిమా సినిమాయే, టూర్లు టూర్లే అన్నట్టు ఉంది మహేష్ పరిస్థితి. మళ్ళీ ఆయన మరో టూర్ వేశారు. </p>
<p><strong>ఫ్రాన్స్‌లో ఫ్యామిలీతో మహేష్ బాబు</strong><br />'వారణాసి' షూటింగ్ మొదలైన తర్వాత మహేష్ బాబు టూర్లకు వెళ్ళారు. ఇప్పుడు వేసిన టూర్ స్పెషాలిటీ ఏమిటంటే... ఫ్యామిలీతో కలిసి ఫ్రాన్స్ వెళ్లారు. ప్రస్తుతం 'వారణాసి' చిత్రీకరణకు చిన్న విరామం ఇచ్చి హాలిడే ఎంజాయ్ చేస్తున్నారు. </p>
<p>గ్లోబ్ ట్రాటింగ్ అడ్వెంచర్ డ్రామాగా 'వారణాసి' తెరకెక్కుతున్న సంగతి తెలిసిందే. గ్లోబ్ ట్రాటర్ మాత్రమే కాదు... మహేష్ టైమ్ ట్రాటర్ కూడా అంటూ సినిమాపై మరిన్ని అంచనాలు పెంచారు రాజమౌళి. సినిమాలో రుద్ర పాత్రలో మహేష్ నటిస్తున్నారు. అలాగే, ఆయన శ్రీరాముడిగా కూడా కనిపించనున్నారు.</p>
<p>'బాహుబలి', 'ఆర్ఆర్ఆర్' తర్వాత రాజమౌళి స్థాయి ఆస్కార్ అవార్డుల వరకు వెళ్ళింది. 'ఆర్ఆర్ఆర్'లోని 'నాటు నాటు...' పాటకు ఆస్కార్ వచ్చిన సంగతి తెలిసిందే. దాంతో జక్కన్న దర్శకత్వంలో సినిమా అంటే హాలీవుడ్ ప్రేక్షకులు సైతం ఎదురు చూసే పరిస్థితి ఏర్పడింది. దాంతో కేవలం ఇండియన్ ఆడియన్స్ మాత్రమే కాదు... పాన్ వరల్డ్ ప్రేక్షకులు 'వారణాసి' కోసం ఎదురు చుస్తున్నారు. </p>
<p>Also Read<strong>: <a title="New Age Megastar - ఇప్పుడు రామ్ చరణ్ 'న్యూ ఏజ్ మెగాస్టార్'... ప్రధాని ఇచ్చిన ట్యాగ్, అనౌన్స్ చేసిన చిరంజీవి" href="https://telugu.abplive.com/entertainment/cinema/ram-charan-is-new-age-megastar-says-chiranjeevi-at-peddi-mega-blockbuster-event-251443" target="_self">New Age Megastar - ఇప్పుడు రామ్ చరణ్ 'న్యూ ఏజ్ మెగాస్టార్'... ప్రధాని ఇచ్చిన ట్యాగ్, అనౌన్స్ చేసిన చిరంజీవి</a></strong></p>
<p>కొంత కాలంగా మహేష్ బాబు 'వారణాసి' షూటింగ్ సెట్స్‌పైనే ఎక్కువ సమయం గడుపుతున్నారు. తదుపరి షూటింగ్ షెడ్యూల్ ప్రారంభం కావడానికి ముందు తన కుటుంబంతో కలిసి ఫ్రాన్స్‌కు విహారయాత్రకు వెళ్లారు. ఇటీవల 'వారణాసి' భారీ షెడ్యూల్ ఒకటి ముగిసింది. దాని కోసం వారణాసి నగరాన్ని తలపించే సెట్‌ను ప్రత్యేకంగా నిర్మించారు. ఫ్రాన్స్ విహారయాత్ర ముగిసిన తర్వాత మళ్ళీ టీమ్‌తో జాయిన్ అవుతారు మహేష్. ఆ షెడ్యూల్ కోసం రాజమౌళి అండ్ టీమ్ రెడీ అవుతోంది.</p>
<p>Also Read<strong>: <a title="Trisha Celebrates Vijay Birthday - విజయ్‌తో బ్రేకప్ రూమర్లకు చెక్ పెట్టిన త్రిష... బర్త్ డే సెలబ్రేషన్స్‌ ఫోటోతో మళ్ళీ ట్రెండింగ్‌లోకి" href="https://telugu.abplive.com/entertainment/cinema/trisha-ends-vijay-breakup-rumors-with-one-birthday-photo-251426" target="_self">Trisha Celebrates Vijay Birthday - విజయ్‌తో బ్రేకప్ రూమర్లకు చెక్ పెట్టిన త్రిష... బర్త్ డే సెలబ్రేషన్స్‌ ఫోటోతో మళ్ళీ ట్రెండింగ్‌లోకి</a></strong></p>
<p>దుర్గా ఆర్ట్స్ అధినేత కె.ఎల్. నారాయణ నిర్మాణ సారథ్యంలో రూపొందుతున్న 'వారణాసి'లో మహేష్ బాబు సరసన కథానాయికగా గ్లోబల్ స్టార్ ప్రియాంక చోప్రా నటిస్తున్నారు. మలయాళ నటుడు పృథ్వీరాజ్ సుకుమారన్ విలన్ రణ కుంభ పాత్ర పోషిస్తున్నారు. వచ్చే ఏడాది ఏప్రిల్ 7వ తేదీన ప్రపంచవ్యాప్తంగా థియేటర్లలో సినిమాను విడుదల చేయడానికి చిత్ర బృందం రెడీ అవుతోంది.</p>
<p>Also Read<strong>: <a title="Chiru Leaks About Samantha Pregnancy - చిరు లీక్స్‌... సమంత ప్రెగ్నెన్సీ కన్ఫర్మ్ చేసిన మెగాస్టార్... బంగారానికి ఇచ్చిన రివ్యూ ఏమిటంటే?" href="https://telugu.abplive.com/entertainment/cinema/chiranjeevi-confirms-samantha-pregnancy-reviews-maa-inti-bangaram-251360" target="_self">Chiru Leaks About Samantha Pregnancy - చిరు లీక్స్‌... సమంత ప్రెగ్నెన్సీ కన్ఫర్మ్ చేసిన మెగాస్టార్... బంగారానికి ఇచ్చిన రివ్యూ ఏమిటంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/priyanka-chopra-telugu-dialogues-surprises-fans-at-varanasi-event-goes-viral-227401" width="631" height="381" scrolling="no"></iframe></p>
4 months ago
10 
