Mahabharata Story Like Salar: మహాభారతంలో సలార్ లాంటి స్టోరీ - ఒక్క అవమానం ఇద్దరి స్నేహితుల తలరాతను మార్చేసింది!

<p><strong>Mahabharata Salaar Story:&nbsp; </strong>ప్రభాస్, పృథ్వీరాజ్ సుకుమారన్ మూవీ సలార్ స్టోరీ తెలుసుకదా... ప్రాణ స్నేహితులు శత్రువులుగా ఎలా మారారు అనే బ్యాక్&zwnj;డ్రాప్ లో తెరకెక్కిన మూవీ. త్వరలో సలార్ - పార్ట్ 2 రాబోతోంది. అయితే ఈ మూవీ కథకు మూలం ఇదేనా అనిపించేలాంటి స్టోరీ మహాభారతంలో ఉంది. అదే&nbsp; ద్రోణాచార్యుడు, ద్రుపదుడు మధ్య వైరం . మహాభారతంలో ఇది ప్రముఖ ఘట్టం.</p> <p><strong>బాల్య మిత్రులు</strong></p> <p>ద్రోణుడు-ద్రుపదుడు ఇద్దరూ బాల్యమిత్రులు. భరద్వాజ మహర్షి ఆశ్రమంలో ఇద్దరూ విద్య అభ్యసించారు. ఆసమయంలో ద్రుపదుడు వాగ్ధానం చేశాడు..నేను రాజు అయిన తర్వాత నా రాజ్యం నీతో పంచుకుంటాను అని.&nbsp;</p> <p><strong>కొన్నాళ్ల తర్వాత..</strong></p> <p>పేదనాడైన ద్రోణుడు..తన భాహ్య కృపి, తనయుడు అశ్వత్థాముడి కోసం సహాయం కోరుతూ ద్రుపదుడి వద్దకు వెళ్లాడు. ఇచ్చిన వాగ్ధానం మరిచిపోయిన ద్రుపదుడు..ద్రోణుడిని అవమానించాడు. స్నేహం ఎప్పుడూ సమానుల మధ్యే ఉంటుంది..నువ్వు బ్రాహ్మణుడిని, నేను రాజును.. మనం సమానులం కాదని చెప్పి ఓ గోవుని బహుమతిగా ఇచ్చి పంపించేశాడు. ఈ అవమానం ద్రోణుడి హృదయంలో నాటుకుపోయింది.</p> <p><strong>ప్రతీకారం మొదలు..</strong></p> <p>హస్తినాపురం చేరుకున్న ద్రోణాచార్యుడు పాండవులు, కౌరవులకు గురువుగా మారాడు. విద్యలు నేర్పించారు. ఆ తర్వాత గురుదక్షిణగా &nbsp; &nbsp;పాంచాల రాజు ద్రుపదుడిని తీసుకురావాలని కోరాడు. &nbsp;ఇది కేవలం యుద్ధం మాత్రమే కాదు, సంవత్సరాల క్రితం జరిగిన అవమానానికి ప్రతీకారం కూడా.&nbsp;</p> <p><strong>పాంచాల రాజుతో యుద్ధం</strong></p> <p>గురువు ఆజ్ఞలు విన్న వెంటనే, కౌరవులు, పాండవులు ఇద్దరూ యుద్ధానికి సిద్ధమయ్యారు. &nbsp;దుర్యోధనుడు, కర్ణుడు, ఇతర కౌరవ యోధులు ద్రుపదుడిని సులభంగా ఓడించగలమనే నమ్మకంతో, ఒక భారీ సైన్యాన్ని నడిపించి పాంచాల రాజ్యంపై దాడి చేశారు. అయితే, పాంచాల సైన్యం గట్టి ప్రతిఘటనను ఎదుర్కోవడంతో, యుద్ధ గమనం మారడం ప్రారంభమైంది. ద్రుపద మహారాజు స్వయంగా యుద్ధభూమిలోకి ప్రవేశించి అద్భుతమైన శౌర్యాన్ని ప్రదర్శించాడు. అతని బాణాలు, యుద్ధ నైపుణ్యం కౌరవ సైన్యాన్ని అడ్డుకోలేకపోయాయి. దుర్యోధనుడు, అతని సహచర యోధులు వెనుదిరగవలసి వచ్చింది. కౌరవుల ఈ ఓటమి అందరికీ పెద్ద దెబ్బగా పరిణమించింది.&nbsp;</p> <p><strong>రంగంలోకి అర్జునుడు</strong></p> <p>కౌరవుల వైఫల్యాన్ని చూసి, అర్జునుడు యుద్ధ పరిస్థితిని అంచనా వేశాడు. కేవలం సైన్యంతో పోరాడటం సరిపోదని అతను గ్రహించాడు. అర్జునుడు తన సోదరులతో కలిసి, ద్రుపదుడిని నేరుగా సమీపించి పట్టుకోవడానికి ఒక వ్యూహాన్ని రచించాడు. యుద్ధ సమయంలో, భీమసేనుడు తన గదను ధరించి శత్రు సైన్యంపై దాడి చేశాడు. ఏనుగులు, గుర్రాలు, రథాలు భయభ్రాంతులకు గురయ్యాయి. పాంచాల సైన్యంలోని చాలా మంది యోధులు భయభ్రాంతులకు గురయ్యారు. భీముని ఈ భయంకరమైన రూపం పాండవుల విజయానికి మార్గం సుగమం చేసింది. అర్జునుడు, ద్రుపద మహారాజు యుద్ధభూమిలో ఒకరినొకరు ఎదుర్కొన్నారు. ఇరువైపుల నుంచి బాణాల వర్షం కురిసింది. ద్రుపదుడు తన సర్వశక్తులు ఒడ్డి పోరాడాడు, కానీ అర్జునుడి సాటిలేని ధూపవిద్య ముందు అతని వ్యూహం తడబడటం ప్రారంభమైంది. యుద్ధంలో నిర్ణయాత్మక ఘట్టం ఇప్పుడు సమీపించింది. అర్జునుడు తన పదునైన, గురితప్పని బాణాలతో ద్రుపదుని ధనుస్సును ఖండించాడు. ఆ తరువాత వేగంగా కదిలి, రాజును చుట్టుముట్టి బంధించాడు. పాంచాల సైన్యం తమ రాజును రక్షించడంలో విఫలమైంది. ఈ విధంగా, గురుదక్షిణ నెరవేర్చే దిశగా అతిపెద్ద అడుగు పడింది.&nbsp;</p> <p><strong>రెండుగా చీలిన పాంచాల రాజ్యం</strong></p> <p>అర్జునుడు బందీగా ఉన్న ద్రుపదుడిని ద్రోణాచార్యుడి ముందుకు తీసుకువచ్చాడు. ద్రోణుడు తన పాత మిత్రుడికి, గతంలో అతను చేసిన స్నేహ ద్రోహాన్ని గుర్తు చేశాడు. అప్పుడు ద్రోణాచార్యుడు ద్రుపదుడి రాజ్యంలో సగభాగాన్ని స్వాధీనం చేసుకుని, మిగిలిన సగభాగాన్ని తిరిగి ఇచ్చేశాడు. ఈ సంఘటన వారిద్దరి మధ్య కొత్త శకానికి శత్రుత్వానికి పునాది వేసింది.&nbsp;</p> <p><strong>ద్రుపదుడి యాగం</strong></p> <p>ద్రోణుడిపై పగ పెంచుకున్న ద్రుపదుడు..తనను చంపగల సమర్థుడికోసం యాగం చేశాడు. ఆయాగం ఫలితంగా దృష్టద్యుమ్నుడు ( ద్రౌపది సోదరుడు) జన్మించాడు. కురుక్షేత్రం సంగ్రామంలో ద్రోణుడిని చంపినది ధృష్టద్యుమ్నుడే.</p> <p>ద్రోణాచార్యుడు, ద్రుపదుడి ఈ కథ స్నేహంలో అహంకారానికి, అగౌరవానికి అవకాశం ఇవ్వకూడదని తెలియజేస్తుంది. విజయం కేవలం బలంతో కాకుండా, క్రమశిక్షణ, అంకితభావం ,సరైన వ్యూహంతోనే సాధ్యమవుతుందని అర్జునుడి ఉదాహరణ బోధిస్తుంది. &nbsp;</p> <h3 class="abp-article-title"><a title="&nbsp;బాధలో, కష్టంలో ఉన్నప్పుడు 'భగవద్గీత' ఎందుకు చదవమంటారు!" href="https://telugu.abplive.com/spirituality/bhagavad-gita-and-natyashastra-added-to-unescos-why-you-should-read-the-bhagavad-gita-204931" target="_self">బాధలో, కష్టంలో ఉన్నప్పుడు 'భగవద్గీత' ఎందుకు చదవమంటారు!</a></h3> <p><strong>గమనిక:&nbsp;</strong>ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.&nbsp; దీనిని అనుసరించేముందు మీరు విశ్వశించే పండితుల సలహాలు స్వీకరించగలరు.&nbsp;&nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/spirituality/bhagavadgita-sloka-1-artham-telugu-arjuna-vishada-yogam-250062" width="631" height="381" scrolling="no"></iframe></p>