<p>Luxury Car Smuggling: మలయాళ సినిమా స్టార్ దుల్కర్ సల్మాన్ ఇంట్లో కస్టమ్స్ అధికారులు సోదాలు నిర్వహించారు. లగ్జరీ వెహికల్ స్మగ్లింగ్ కేసులో భాగంగా ఈ సోదాలు నిర్వహిస్తున్నారు. భూటాన్ ద్వారా అక్రమంగా లగ్జరీ కార్లను ఇంపోర్ట్ చేసి, టాక్స్ ఎగ్గొట్టే స్మగ్లింగ్ రాకెట్‌కు సంబంధించిన కేసు . దుల్కర్ సల్మాన్ మాత్రమే కాకుండా, పృథ్వీరాజ్ సుకుమారన్ వంటి మలయాళ స్టార్ల ఇళ్లలోనూ సోదాలు చేస్తున్నారు. </p>
<blockquote class="twitter-tweet">
<p dir="ltr" lang="en">The Customs and Central Excise team is conducting searches at <a href="https://twitter.com/hashtag/DulquerSalmaan?src=hash&ref_src=twsrc%5Etfw">#DulquerSalmaan</a>'s home in Kochi and <a href="https://twitter.com/hashtag/PrithvirajSukumaran?src=hash&ref_src=twsrc%5Etfw">#PrithvirajSukumaran</a>'s in Thevara as part of Operation Numkoor, investigating a scheme involving the import of Bhutan-registered vehicles to India for tax evasion. <a href="https://t.co/6tlLoOiuVC">pic.twitter.com/6tlLoOiuVC</a></p>
— Southwood (@Southwoodoffl) <a href="https://twitter.com/Southwoodoffl/status/1970363653028454556?ref_src=twsrc%5Etfw">September 23, 2025</a></blockquote>
<p>కస్టమ్స్ ప్రివెంటివ్ వింగ్‌లోని అధికారులు 'ఆపరేషన్ నుమ్ఖోర్' పేరుతో కేరళలో 30కి పైగా ప్లేసుల్లో దాడులు చేశారు. నుమ్ఖోర్ అంటే భూటాని భాషలో వాహనం అని అర్థం. ఈ రాకెట్‌లో భూటాన్ ఆర్మీ నుంచి ఆక్షన్‌లో కొన్నామని చెప్పి పాత లగ్జరీ SUVలు ల్యాండ్ క్రూజర్, ప్రాడో, ల్యాండ్ రోవర్ వంటివి ఇండియాకు తీసుకొచ్చి, హిమాచల్ ప్రదేశ్‌లో రిజిస్టర్ చేసి, కేరళలో అమ్ముతున్నారు. ఇవి సెకండ్-హ్యాండ్‌గా డిక్లేర్ చేసి దిగుమతి పన్నులు ఎగ్గొట్టారు. ఒక్కో వాహనంపై వంద శాతం పన్ను ఉంటుంది. భూటాన్ నుంచి 150కి పైగా వెహికల్స్ ఈ విధంగా స్మగ్లింగ్ అయ్యాయని అధికారులు అంచనా.</p>
<p>దుల్కర్ సల్మాన్ పానంపిల్లి నగర్‌లోని ఇలు, పృథ్వీరాజ్ తేవరాలోని ఇలు, కొచ్చి, తిరువనంతపురం, కోజికోడ్, మలప్పురం వంటి ప్లేసుల్లో దాడులు జరిగాయి. ఇండస్ట్రియలిస్టులు, కార్ డీలర్ల ఇళ్లలోనూ సోదాలు చశారు. వెహికల్స్ డాక్యుమెంట్లు చెక్ చేస్తున్నారని అధికారులు చెప్పారు. </p>
<p>ఇలాంటి కేసే హైదరాబాద్‌లోనూ రాజకీయంగా కలకలం రేపుతోంది. హైదరాబాద్ 'కార్ లౌంజ్' ఓనర్ బషరత్ ఖాన్ ను.. మే 2025లో డైరెక్టరేట్ ఆఫ్ రెవెన్యూ ఇంటెలిజెన్స్ (DRI) అరెస్టు చేసింది. ఈ కేసులో అతను USA, జపాన్ నుంచి లగ్జరీ కార్లు రోల్స్ రాయిస్, హమ్మర్ EV, ల్యాండ్ క్రూజర్ వంటివి దుబాయ్, శ్రీలంక రూట్‌లో తీసుకొచ్చి, అండర్‌వాల్యూ చేసి రూ. 25-100 కోట్ల పన్ను ఎగ్గొట్టినట్లుగా ఆరోపణలు ఉన్నాయి. 30కి పైగా కార్లు ఇంపోర్ట్ చేసుకుని వీఐపీలకు అమ్మాడు.</p>
<p>BRS వర్కింగ్ ప్రెసిడెంట్ కేటీఆర్ కుటుంబసభ్యుల పేరుతో ఉన్న కంపెనీ ద్వారా కొన్న ల్యాండ్ క్రూజర్ (రిజిస్టర్ నంబర్ TG09D6666) బషరత్ ఖాన్ ఇంపోర్ట్ చేసిన కారుల్లో ఒకటని కేంద్ర మంత్రి <a title="బండి సంజయ్" href="https://telugu.abplive.com/topic/Bandi-Sanjay" data-type="interlinkingkeywords">బండి సంజయ్</a> కుమార్ ఆరోపించాడు. బషరత్ ఖాన్ ఇంటరోగేషన్‌లో ఈ కారు అతని 8 కార్లలో ఒకటని చెప్పాడని అంటున్నారు. అటు కేరళ లగ్జరీ కార్ల స్మగ్లింగ్ కు..ఇటు హైదరాబాద్ లగ్జరీ కార్ల స్మగ్లింగ్ కు ఇంకా లింకులు బయటపడలేదు. రెండు వేర్వేరు స్మగ్లింగ్ కేసులుగా భావిస్తున్నారు. </p>
<blockquote class="twitter-tweet">
<p dir="ltr" lang="en">Is Car Party running on smuggled luxury cars? <br /><br />Why is <a href="https://twitter.com/hashtag/TwitterTillu?src=hash&ref_src=twsrc%5Etfw">#TwitterTillu</a> seen in land cruisers imported by luxury car scam-accused Basarath Khan, arrested by DRI Ahmedabad? <br /><br />Why are they registered with companies linked to KCR’s family? <br /><br />Were these cars bought at market price or…</p>
— Bandi Sanjay Kumar (@bandisanjay_bjp) <a href="https://twitter.com/bandisanjay_bjp/status/1969953638635434036?ref_src=twsrc%5Etfw">September 22, 2025</a></blockquote>
<p>కొసమెరుపేమిటంటే..దుల్కర్ హీరోగా నటించిన లక్కీ భాస్కర్ సినిమాలో హీరో ఇలా కార్ స్మగ్లింగ్ చేసి డబ్బు సంపాదించే సీన్ ఉంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/sai-pallavi-bikini-show-not-ai-but-real-221093" width="631" height="381" scrolling="no"></iframe></p>
2 months ago
3 
