<p>Little Hearts 3 Days Collection: ఇప్పుడు 'లిటిల్ హార్ట్స్'ను చిన్న సినిమా అనడానికి వీల్లేదు. కలెక్షన్స్ పరంగా ఇది పెద్ద సినిమా.‌‌ ప్రేక్షకులను ఎంటర్టైన్ చేసిన విషయంలో ఇది పెద్ద సినిమా. భారీ తారాగణం ఉన్న సినిమాలకు ఏమాత్రం తీసుకొని రీతిలో కలెక్షన్స్ రాబట్టిన సినిమా. ఫస్ట్ వీకెండ్ లిటిల్ హార్ట్స్ దుమ్ము దులిపింది.‌ 10 కోట్ల క్లబ్బులో చేరింది. </p>
<p><strong>'లిటిల్ హార్ట్స్' ఫస్ట్ వీకెండ్ కలెక్షన్స్ ఎంత అంటే?</strong><br />Little Hearts First Weekend Collections: పెయిడ్ ప్రీమియర్స్ వేయడం, యువతను ఎట్రాక్ట్ చేసేలా హీరో మౌళితో పాటు చిత్ర బృందమంతా చేసిన కృషి 'లిటిల్ హార్ట్స్' సినిమాకు కలిసి వచ్చింది. మొదటి‌ రోజ రూ.‌ 1.35 కోట్లు ఓపెనింగ్ లభించింది.‌ ఆ తరువాత రోజు రెండున్నర కోట్లు కలెక్ట్ చేసింది. </p>
<p>ఫస్ట్ వీకెండ్ అయ్యేసరికి బంపర్ కలెక్షన్స్ రాబట్టింది 'లిటిల్ హార్ట్స్'. ఆదివారం ఈ సినిమాకు మూడున్నర కోట్ల (రూ. 3.65 కోట్లు) నెట్ కలెక్షన్ వచ్చింది.‌ దాంతో మూడు రోజుల్లో ఏడు కోట్ల యాభై లక్షల (7.50 కోట్లు)రూపాయల నెట్ రాబట్టిందీ సినిమా. గ్రాస్ విషయానికి వస్తే 10 కోట్ల రూపాయలు దాటిందని సమాచారం. ఒక్క ఓవర్సీస్ నుంచే సినిమాకు మూడు కోట్ల రూపాయల కలెక్షన్ వచ్చినట్లు ట్రేడ్ వర్గాలు తెలిపాయి. ప్రజెంట్ జోరు చూస్తుంటే వీకెండ్ తర్వాత కూడా స్లో అయ్యేలా లేదు.</p>
<p>మౌళి తనూజ్ ప్రశాంత్, శివాని నాగరం జంటగా నటించిన 'లిటిల్ హార్ట్స్'ను ఈటీవీ విన్ ఒరిజినల్ ప్రొడక్షన్ సంస్థతో కలిసి ఆదిత్య హాసన్ నిర్మించారు. ఈ చిత్రానికి సాయి మార్తాండ్ దర్శకత్వం వహించారు.</p>
<p><strong>పాతిక కోట్ల క్లబ్బులో లిటిల్ హార్ట్స్ చేరుతుందా?</strong><br />Little Hearts 2025 To Join 25 Crore Club: రూ.‌ 10 కోట్ల రూపాయల క్లబ్బులో 'లిటిల్ హార్ట్స్' చేరింది.‌ దాంతో ఈ సినిమా మీద ట్రేడ్ వర్గాలలో అంచనాలు పెరిగాయి.‌‌ రోజు రోజుకు సినిమా కలెక్షన్లు పెరుగుతుండడంతో మొదటి వారం అయ్యేసరికి పాతిక కోట్ల క్లబ్బులో సినిమా చేరుతుందా? లేదా? అని చర్చ మొదలు అయింది.‌</p>
<p>Also Read<strong>: <a title="రుక్మిణి ఖాతాలో హ్యాట్రిక్ ఫ్లాప్స్... ఎన్టీఆర్ 'డ్రాగన్'తో పాటు కన్నడ సీక్వెల్‌పై ఆశలు" href="https://telugu.abplive.com/entertainment/cinema/rukmini-vasanth-faces-setback-with-hat-trick-flops-appudo-ippudo-eppudo-ace-madharaasi-before-pan-india-projects-ntr-dragon-kantara-legend-219448" target="_self">రుక్మిణి ఖాతాలో హ్యాట్రిక్ ఫ్లాప్స్... ఎన్టీఆర్ 'డ్రాగన్'తో పాటు కన్నడ సీక్వెల్‌పై ఆశలు</a></strong></p>
<p>'లిటిల్ హార్ట్స్' సినిమాను కోటిన్నర నిర్మాణ వ్యయంలో పూర్తి చేశారు. ఓటీటీ కోసం తీశారు. ఈటీవీ విన్ ఓటీటీలో రిలీజ్ చేయాలనేది ప్లాన్. అయితే ఫన్ వర్కవుట్ అవ్వడంతో 'బన్నీ' వాస్ దగ్గరకు తీసుకు వెళ్లారు. ఆయనకు నచ్చడంతో థియేటర్లలో విడుదల చేశారు. రెండున్నర కోట్లకు బన్నీ వాస్ వంశీ నందిపాటి థియేట్రికల్ రైట్స్ తీసుకున్నారు.‌‌ రెండు రోజుల్లో బ్రేక్ ఈవెన్ సాధించిన ఈ సినిమా... మూడో రోజు నుంచి లాభాల్లోకి వెళ్ళింది. మొదటి వారంలో కాకపోయినా పది రోజుల్లో పాతిక కోట్ల క్లబ్బులో ఈ సినిమా చేరడం పెద్ద విశేషం కాదని ట్రేడ్ వర్గాలు అంచనా వేస్తున్నాయి. </p>
<p>Also Read<strong>: <a title="ఘాటీ vs లిటిల్ హార్ట్స్... బాక్సాఫీస్ కలెక్షన్లలో మౌళి మూవీ ముందు అనుష్క సినిమా గల్లంతు!" href="https://telugu.abplive.com/entertainment/cinema/ghaati-vs-little-hearts-box-office-collection-day-2-mouli-shivani-nagaram-fun-film-races-ahead-of-anushka-shetty-action-drama-219434" target="_self">ఘాటీ vs లిటిల్ హార్ట్స్... బాక్సాఫీస్ కలెక్షన్లలో మౌళి మూవీ ముందు అనుష్క సినిమా గల్లంతు!</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/actress-shivani-nagaram-trending-saree-blouse-designs-for-different-locations-young-ladies-219211" width="631" height="381" scrolling="no"></iframe></p>
3 months ago
3 
