<p><strong>Lakshimi Raave Maa Intiki Serial Today Episode</strong>: జీ తెలుగు ఛానెల్‌లో అత్యంత ప్రజాధరణతో దూసుకుపోతున్న లక్ష్మీరావే మా ఇంటికి సీరియల్‌లో ఈరోజు ట్విస్ట్‌ అదిరిపోతుంది. నర్సును వెతుక్కుంటూ వచ్చిన ప్రియంవద భర్త అక్కడ ప్రియంవదను చూసి ఆశ్చర్యపోతాడు. లక్ష్మీకూడా తాను కాపాడింది ఇతన్నే అని చెప్పడంతో అందరూ షాక్‌ తింటారు. ప్రియంవద తాను విడిపోవడానికి కారణాలు చెప్పడంతో సూర్యనారాయణ నర్సును నిజం చెప్పమని బెదిరిస్తాడు. దీంతో ఆమె జరిగిన విషయం మొత్తం చెప్పేయడంతో ఈరోజు ఏపిసోడ్ చాలా ఆసక్తిగా సాగుతుంది.</p>
<p><strong>ఇంటికి వచ్చేసిన ప్రియంవద భర్త</strong><br /> నర్సును గుర్తుపట్టి శ్రీలక్ష్మీ ఆమెకు ప్రియంవదకు ఉన్న సంబంధం చెప్పడంతో సూర్యనారాయణ నర్సును నిజం చెప్పమని బెదిరిస్తాడు. ప్రియంవద మాత్రం చెప్పొద్దని సైగ చేస్తుంటుంది. ఇంతలో ఆ ఇంట్లోకి ప్రియంవద భర్త రావడంతో ‌అందరూ షాక్ తింటారు. వెంటనే అతన్ని గుర్తుపట్టిన శ్రీలక్ష్మీ పరుగెత్తుకుంటూ వెళ్లి లోపలికి తీసుకొస్తుంది. ఇతను నీకు ముందే తెలుసా అని సూర్యనారాయణ ప్రశ్నించగా...చావుబతుకుల మధ్య ఉన్న ఇతన్ని కాపాడి ఆస్పత్రిలో చేర్పించింది నేనే అని చెబుతుంది. అతను ఎవరో కాదని ప్రియంవద భర్త అని చెబుతారు. నా చెల్లిని మోసం చేసి 20 ఏళ్ల తర్వాత ఏం ముఖం పెట్టుకుని మళ్లీ వచ్చావని అజయ్‌ భూపతి బావమరిదిపై మండిపడతాడు.అయినా భార్యను వెతుక్కుంటూ రావడానికి నీకు 20 ఏళ్లు పట్టిందా అని నిలదీస్తాడు. అతను ఎక్కడ నిజం చెప్పేస్తాడేమోనని భయపడిపోయిన ప్రియంవద...అతని ముఖం చూడాలంటేనే నాకు అసహ్యమేస్తోందని వెంటనే బయటకు గెంటేయమని అంటుంది. ఇన్నాళ్లు ఎక్కడున్నావని అజయ్ భూపతి అడగ్గా....సెంట్రల్‌ జైలులో ఉన్నానని అంటాడు. మీ చెల్లిని పెళ్లిచేసుకోవడం వల్లే చేయని తప్పునకు 20ఏళ్లు జైలులో ఉండాల్సి వచ్చిందని చెబుతాడు. అతని మాటలు నమ్మొద్దని ప్రియంవద చెప్పినా...సూర్యనారాయణ అతని వాదన కూడా విందామంటాడు.</p>
<p><strong>నిజం చెప్పిన ప్రియంవద భర్త</strong><br /> ప్రియంవదను పెళ్లిచేసుకునేప్పుడు నా దగ్గర బాగా డబ్బు ఉందని...కానీ ఆ తర్వాత యాక్సిడెంట్‌లో మా అమ్మానాన్న చనిపోవడంతో నేను దివాలా తీశానని చెబుతాడు. దీంతో ప్రియంవద నా దగ్గర డబ్బులేదని చెప్పి నాకు చెప్పకుండా ఇంట్లో నుంచి వెళ్లిపోయిందని అంటాడు. ఆ సమయంలో ఆమె 7 నెలల గర్భవతి అని చెబుతాడు. నాకు తెలియకుండా వేరేచోట ఉన్నా...పురిటినొప్పులతో ఆస్పత్రిలో చేరిందని తెలుసుకుని అక్కడికి వెళ్లానని..కానీ అప్పటికే బిడ్డను మాయం చేసిన ప్రియంవద ఆ కేసు నాపై వేయించి 20 ఏళ్లుగా జైలులో ఉంచిందని చెబుతాడు. ఇటీవలే జైలు నుంచి విడుదలై బిడ్డను వెతుక్కుంటూ వచ్చానని నిజం చెబుతాడు. మరి ఆ బిడ్డ ఏమైందని అడగ్గా...ఇతను చెబుతున్నదంతా అబద్ధాలని ప్రియంవద నమ్మించే ప్రయత్నం చేస్తుంది.</p>
<p><strong>అసలు విషయం చెప్పిన నర్సు</strong><br /> మీరు ఎంత బెదిరించినా ప్రియంవద నోరు విప్పదని...కానీ ఆరోజు ఆమె పక్కన ఉన్న నర్సు...ఇప్పుడు ఇక్కడ ఉందని ప్రియంవద భర్త చెబుతాడు. దీంతో సూర్యనారాణ ఆమెను బెదిరిస్తాడు.పోలీసులను పిలిచి జైలుకు పంపిస్తానని చెప్పడంతో భయపడిపోయిన నర్సు....పెద్దయ్య కాళ్లపై పడి నిజం చెప్పేస్తుంది. ఆరోజు బిడ్డను చూపించడానికి అమ్మగారి దగ్గరకు వెళ్తే...బిడ్డ ముఖం చూసేందుకు కూడా ఇష్టపడలేదని అంటుంది. ఆ బిడ్డను బయటపడేస్తే బంగారు గాజులు ఇస్తానని ఆశపెట్టిందని అంటుంది. నేను తీసుకెళ్లి బిడ్డను బయటపడేస్తుండగా ఓ మహారాజు వచ్చి తాను ఆ బిడ్డను పెంచుకుంటునానని చెప్పి తీసుకెళ్లిపోయాడని చెబుతుంది.ఈ విషయం విన్న ఇంట్లో వాళ్లంతా ప్రియంవదను అసహ్యించుకుంటారు. అసలు నువ్వు ఆడదానివేనా అని నిలదీస్తారు. ఓ బిడ్డకు జన్మినిచ్చి కూడా 20ఏళ్లుగా ఏం తెలియనట్లు నాటకమాడావా అని వదినలు నిలదీస్తారు. తలచుకుంటే మాకే ఆబిడ్డ ఏమైందోనని గాబరాగా ఉందని....నీకు కనీసం చీమకుట్టినట్లు కూడా లేదని మండిపడతారు. ఇలాంటి కూతురు నాకు పుట్టినందుకు బాధగా ఉందని సూర్యనారాయణ అంటాడు. </p>
4 months ago
10 
