<p><strong>Lakshimi Raave Maa Intiki Serial Today Episode</strong>: శ్రీలక్ష్మీ పెళ్లి జరుగుతుంటే...ఎలా పారిపోవాలో మ్యాడీ,సింధూ ప్లాన్ వేసుకుంటుంటారు. శ్రీలక్ష్మీకి ఇలాంటి వాడితో దేవుడు ముడిపెట్టాడేంటని సూర్యనారాయణ, ఇందిర బాధపడుతుంటారు. ఎంతో మంచి తెలివి, ఒద్దిక కలిగిన అమ్మాయికి ఇలాంటి వాడిని ఇచ్చి ఎలా పెళ్లి చేస్తున్నారని అనుకుంటారు. ఆ దేవుడి ఎలా ముడిపెడితే అలా జరుగుతుందని ఇందిర అంటుంది. ఇంతలో మ్యాడీ, సింధూ పెళ్లిమండపంలో నుంచి జారుకుంటుండగా....సూర్యనారాయణ చూసి పిలుస్తాడు. శ్రీలక్ష్మి కోసం బంగారు నగలు తెచ్చామని...వాటిని నీ చేతులతోనే ఆమెకు ఇవ్వమని చెప్పి సూర్యనారాయణ సింధూకు చెబుతాడు. వాటిని తీసుకుని సింధూ, మ్యాడీ శ్రీలక్ష్మీ వద్దకు వెళ్తారు.<br /> పెళ్లి బట్టలు మార్చుకోవడానికి వెళ్లిన బుల్లిరాజుకు కొబ్బరిబోండాల్లో మందు కలిపి ఇస్తారు వాళ్ల ప్రెండ్స్‌. నంచుకోవడానికి కూరలేదని చెప్పి వాళ్లను వంటల వద్దకు పంపిస్తాడు బుల్లిరాజు. అక్కడికి వెళ్లి కూర కావాలని అడగగా.....ఇంకా దేవుడి వద్ద పెట్టలేదని ఇవ్వడం కుదరదని కోటేశ్వరరావు చెబుతాడు. అడిగింది స్వయంగా పెళ్లికొడకు బుల్లిరాజని చెప్పగా....పెళ్లి అయ్యేవరకు పెళ్లికొడుకు ఏం తినకూడదని...ఆ విషయం అతనికి చెప్పండని చెప్పి పంపిస్తాడు కోటేశ్వరరావు. ఉత్త చేతులతో తిరిగి వచ్చిన స్నేహితులను చూసి బుల్లిరాజు కోపంతో రగిలిపోతాడు. కూర అడిగితే వాళ్లు ఇవ్వడం లేదని చెప్పడంతో తాగిన మైకంలో బుల్లిరాజు అక్కడికి వెళ్లి గొడవపడతాడు. మగపెళ్లివారికి చేసే మర్యాదలు ఇవేనా అంటూ నిలదీస్తాడు. దేవుడి వద్ద పెట్టలేదని ఇవ్వలేదని...దీనికి గొడవ ఎందుకు బాబు నేను తీసుకొస్తాను మీరు పదండని కోటేశ్వరరావు బ్రతిమాలడతాడు. కానీ బుల్లిరాజు వినిపించుకోకుండా కోటేశ్వరరావును కోడతాడు. దీంతో పెళ్లికి వచ్చిన వారంతా నిశ్చేష్టులై చూస్తారు. ఇంతలో శ్రీలక్ష్మీని వాళ్ల చెల్లె వెళ్లి పిలుచుకుని వస్తుంది. తన తండ్రిపైనే చేయి చేసుకున్న బుల్లిరాజును చూసి కోపంతో రగిలిపోతుంది. బుల్లిరాజు చెంప పగులగొడుతుంది. <br /> కాబోయే భర్తపైనే చేయి చేసుకుంటావా అని బుల్లిరాజు అక్క మండిపడుతుంది. ఇలాంటి తాగుబోతు వెధవకు మర్యాద ఇవ్వాల్సిన అవసరం లేదని శ్రీలక్ష్మీ అంటుంది. వీడు ఎంత తాగుబోతు, తిరుగుబోతు వెదవే మీతోపాటు మీచెంచాగాళ్లందరికీ తెలుసని నాకు తెలుసు అంటుంది. వీడికి పిల్లని ఇవ్వడానికి ఎవరూ ముందుకు రాకపోవడంతోనే నన్ను పెళ్లి చేసుకుంటున్నాడన్న సంగతి కూడా తెలుసని అంటుంది. నన్ను నీకు ఇచ్చి పెళ్లి చేస్తున్న మా నాన్న కాళ్లు కడికి ఆ నీళ్లు నెత్తిన చల్లుకోవాల్సిన నువ్వు....మా నాన్నపైనే చేయి చేసుకుంటావా అని మండిపడుతుంది. నీ సంగతి మొత్తం తెలిసినా....కేవలం మా అమ్మానాన్న చెప్పారని ఈ పెళ్లికి ఒప్పుకున్నానని బుల్లిరాజుపై మండిపడుతుంది. ఊర్లో కుక్కకైనా గౌరవిస్తానుగానీ..ఇలాంటి తాగుబోతు వెదవకు గౌరవం ఇవ్వనని అంటుంది. ముుందు వీడు ఎప్పుడు తాగాలి, ఎప్పుడు తాగకూడదో నేర్పమని వాళ్ల అక్కకు సూచిస్తుంది.<br /> శ్రీలక్ష్మీ కొట్టడంతోపాటు అందరి ముందు తన పరువు తీస్తోందని ఉక్రోశంతో ఆమెపైకి చేయి ఎత్తుతాడు బుల్లిరాజు...అప్పుడే సూర్యనారాయణ అక్కడికి వచ్చి వాడి చేయి పట్టుకుని నిలువరిస్తాడు. ఆడపిల్లపై చేయి ఎత్తుతావా అంటూ ఒక్కటిస్తాడు. దీంతో అక్కడ ఉన్నవాళ్లంతా కలిసి బుల్లిరాజును పిచ్చికొట్టుడు కొడతారు. పెళ్లిబట్టలన్నీ చించివేస్తారు. బుల్లిరాజుతో శ్రీలక్ష్మీ పెళ్లి అవుతోందని ఆనందపడుతున్న మ్యాడీ, సింధూ ఈ తంతు చూసి ఎంతో బాధపడతారు. తాను పారిపోయేందుకు వేసుకున్న ప్లాన్ చెడిపోయేలా ఉందని సింధూ కంగారుపడుతుంది.</p>
2 months ago
9 
