<p>టాలీవుడ్ హీరోల్లో ఎప్పటికప్పుడు డిఫరెంట్ కథలు ఎంపిక చేసుకుంటూ ప్రేక్షకులకు కొత్తదనం అందించడానికి ప్రయత్నించే యంగ్ హీరోల్లో వరుణ్ తేజ్ (Varun Tej) ఒకరు. ఆయన హీరోగా రూపొందుతున్న లేటెస్ట్ సినిమా 'కొరియన్ కనకరాజు' (Korean Kanakaraju Movie). ఆ సినిమా టీజర్ విడుదలైంది. సోషల్ మీడియాలో రెబల్ స్టార్ ప్రభాస్ రిలీజ్ చేశారు. అది ఎలా ఉందో చూడండి. </p>
<p><strong>పెనుగొండ నుంచి కొరియాకు!</strong><br />Korean Kanakaraju Teaser Review: క్రాస్ కల్చర్ హారర్ కామెడీగా 'కొరియన్ కనకరాజు' తెరకెక్కుతోంది. రాయలసీమ నుంచి కొరియా వరకు హీరో చేసిన ప్రయాణమే సినిమా కథ. క్లుప్తంగా చెప్పాలంటే... కొరియాకు చెందిన ఓ దెయ్యం రాయలసీమలో మనిషిని ఆవహిస్తే? ఆ తర్వాత ఏమైంది? అనేది సినిమా చూసి తెలుసుకోవాలి.</p>
<p>వరుణ్ తేజ్ క్యారెక్టర్ విషయానికి వస్తే... కనకరాజుది పెనుగొండ. ఎటువంటి కారణం లేకపోతే తాను మందు తాగనని చెబుతాడు. ప్రతి రోజూ ఏదో ఒక కారణం చెప్పి స్నేహితుడు (సత్య)తో కలిసి మందు తాగుతాడు. తమ ఊరికి వచ్చిన ఓ కొరియన్ అమ్మాయితో కనకరాజు ప్రేమలో పడతాడు. ఆమె కోసం కొరియా వెళతాడు. అయితే... కొరియా వెళ్ళడానికి ముందు తమ ఊరిలో ఉన్నపుడు ఓ కొరియన్ గ్యాంగ్‌స్టర్ ఆత్మ కనకరాజును ఆవహిస్తుంది. కొరియా అనేసరికి బుల్లెట్ ట్రైన్ కంటే స్పీడుగా మనుషుల దగ్గుకు వస్తాడు. ఆ తర్వాత ఏమైంది? అనేది సినిమా చూసి తెలుసుకోవాలి.</p>
<p>Also Read<strong>: <a title="Don't Trouble The Trouble Teaser - డోంట్ ట్రబుల్ ది ట్రబుల్ టీజర్ రివ్యూ: నవ్వుల మేజిక్... ఫాంటసీ కథతో ఫహద్ ఫాజిల్ సినిమా" href="https://telugu.abplive.com/entertainment/cinema/fahadh-faasil-dont-trouble-the-trouble-teaser-review-watch-video-253302" target="_self">Don't Trouble The Trouble Teaser - డోంట్ ట్రబుల్ ది ట్రబుల్ టీజర్ రివ్యూ: నవ్వుల మేజిక్... ఫాంటసీ కథతో ఫహద్ ఫాజిల్ సినిమా</a></strong></p>
<p><iframe title="Korean Kanakaraju Teaser | Varun Tej | Merlapaka Gandhi | Thaman S | Satya | Ritika Nayak" src="https://www.youtube.com/embed/8JntxQgaAw4" width="756" height="425" frameborder="0" allowfullscreen="allowfullscreen"></iframe></p>
<p><strong>ఆగస్టు 7న థియేటర్లలోకి 'కొరియన్ కనకరాజు'</strong><br />Korean Kanakaraju Release Date: కనకరాజు పాత్రలో వరుణ్ తేజ్ సహజంగా నటించారు. రాయలసీమ యాసలో డైలాగులు చెప్పిన తీరు ఎంతో సహజంగా ఉంది. లాంగ్ హెయిర్ లుక్‌లో మాస్ అప్పీల్‌తో ఆకట్టుకున్నారు. కొరియన్ కనకరాజుగా స్టైలిష్ గెటప్ విజిల్స్ వేయించేలా ఉంది. కొరియన్ అమ్మాయి పాత్రలో రితికా నాయక్ అందంగా కనిపించారు.</p>
<p>Also Read<strong>: <a title="Nag Ashwin - 'కల్కి' క్లైమాక్స్‌పై విమర్శలు... రిప్లై ఇచ్చిన నాగ్ అశ్విన్ - నేను ఏం చేస్తున్నానో నాకు తెలుసు" href="https://telugu.abplive.com/entertainment/cinema/nag-ashwin-reacts-to-kalki-2898-ad-climax-criticism-karna-controversy-says-i-know-what-im-doing-253287" target="_self">Nag Ashwin - 'కల్కి' క్లైమాక్స్‌పై విమర్శలు... రిప్లై ఇచ్చిన నాగ్ అశ్విన్ - నేను ఏం చేస్తున్నానో నాకు తెలుసు</a></strong></p>
<p>దర్శకుడు మేర్లపాక గాంధీ కామెడీ టేకింగ్‌తో టీజర్‌లో హైలైట్. రాయలసీమ నేపథ్యాన్ని, కొరియా వాతావరణాన్ని చక్కగా మేళవిస్తూ వినోదాత్మకంగా కథను తెరకెక్కించారని టీజర్ చూస్తే అర్థం అవుతోంది. కామెడీ, హారర్, ఫాంటసీ, యాక్షన్ అంశాలను మేళవించి తెరకెక్కించిన ఈ సినిమాను యూవీ క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్ సంస్థలు నిర్మించాయి. ఆగస్టు 7న సినిమాను ప్రేక్షకుల ముందుకు తీసుకు రానున్నారు. </p>
<p>వరుణ్ తేజ్, రితికా నాయక్ జంటగా... సత్య ప్రధాన పాత్రలో నటించిన 'కొరియన్ కనకరాజు' సినిమాకు రచన - దర్శకత్వం: మేర్లపాక గాంధీ, నిర్మాతలు: రాజీవ్ రెడ్డి - సాయి బాబు జాగర్లమూడి, సంగీతం: థమన్ ఎస్, సినిమాటోగ్రాఫర్: మనోజ్ రెడ్డి.</p>
<p>Also Read<strong>: <a title="Lenin Box Office Collection Day 3 - లెనిన్ ఫస్ట్ వీకెండ్ కలెక్షన్లు... అయ్యగారి కెరీర్‌లో నంబర్ వన్ - అఖిల్ దూకుడు" href="https://telugu.abplive.com/entertainment/cinema/lenin-three-days-first-weekend-box-office-collection-bhagyashri-borse-akhil-akkineni-253275" target="_self">Lenin Box Office Collection Day 3 - లెనిన్ ఫస్ట్ వీకెండ్ కలెక్షన్లు... అయ్యగారి కెరీర్‌లో నంబర్ వన్ - అఖిల్ దూకుడు</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/actor-varun-tej-career-best-and-must-watch-films-182849" width="631" height="381" scrolling="no"></iframe></p>
3 months ago
8 
