Kishan Reddy: మెట్రో లోన్ ఆగిన విషయమే తెలియదు - రేవంత్ ఆరోపణలపై కిషన్ రెడ్డి ఘాటు కౌంటర్

<p><strong>&nbsp;Revanth Reddy Metro Allegations On Kishan Reddy:</strong> హైదరాబాద్ మెట్రో రైల్ రెండో దశ నిధుల నిలిపివేత వ్యవహారం తెలంగాణ రాజకీయాల్లో ఒక్కసారిగా కాక రేపింది. ఇండియన్ రైల్వే ఫైనాన్స్ కార్పొరేషన్ &nbsp;ఇవ్వాల్సిన రూ. 13,600 కోట్ల లోన్&zwnj;ను కేంద్ర మంత్రి కిషన్ రెడ్డి అడ్డుకున్నారంటూ ముఖ్యమంత్రి రేవంత్ రెడ్డి సోమవారం చేసిన సంచలన ఆరోపణలకు.. మంగళవారం కిషన్ రెడ్డి ఘాటుగా కౌంటర్ ఇచ్చారు. నాంపల్లిలోని బీజేపీ రాష్ట్ర కార్యాలయంలో ఏర్పాటు చేసిన ప్రెస్ మీట్&zwnj;లో &nbsp;రేవంత్ రెడ్డి వ్యాఖ్యలపై తీవ్ర అసహనం, ఆగ్రహం వ్యక్తం చేశారు. ప్రాజెక్టును ఆపాలని తానేందుకు చెబుతానని, తన వల్లే కేంద్ర ప్రాజెక్టులు ఆగిపోతాయా అంటూ ప్రశ్నించారు. సీఎం పదవిలో ఉన్న రేవంత్ రెడ్డి కనీస అవగాహన లేకుండా, అనాలోచితంగా తనపై బురదజల్లడమే ఫ్యాషన్&zwnj;గా మార్చుకున్నారని మండిపడ్డారు.</p> <p><strong>రేవంత్ సర్టిఫికెట్ అవసరం లేదు !&nbsp;</strong></p> <p>తెలంగాణ అభివృద్ధి కోసం తాము చేస్తున్న పనులకు సీఎం రేవంత్ రెడ్డి సర్టిఫికేట్ ఇవ్వాల్సిన అవసరం లేదని కిషన్ రెడ్డి కుండబద్దలు కొట్టారు. తాను రేవంత్ రెడ్డికి కాదు.. కేవలం తెలంగాణ ప్రజలకు మాత్రమే జవాబుదారీని అని స్పష్టం చేశారు. ఒక్క రహదారుల రంగానికే రాష్ట్రంలో కేంద్రం రూ. 1.75 లక్షల కోట్లు కేటాయించిందని గుర్తుచేశారు. రాష్ట్ర హక్కుల కోసం తాము కాంగ్రెస్ నేతల దగ్గర పాఠాలు నేర్చుకోవాల్సిన పని లేదని, ఒక కేంద్ర మంత్రిగా తన బాధ్యతలను తాను సమర్థవంతంగా నిర్వహిస్తున్నానని చెప్పారు.</p> <p><strong>రాష్ట్ర ప్రయోజనాల కోసం ఎప్పుడూ ముందుంటాం!&nbsp;</strong></p> <p>తెలంగాణ కోసం తాను చేసిన పోరాటాలను ఈ సందర్భంగా కిషన్ రెడ్డి మీడియా ముందు ప్రస్తావించారు. ప్రత్యేక రాష్ట్ర సాధన కోసం ఢిల్లీ వేదికగా రెండు సార్లు తాను స్వయంగా ధర్నాలు చేశానని, పార్లమెంట్&zwnj;లో బిల్లు ఆమోదం పొందే వరకు ఆమరణ దీక్ష చేసిన చరిత్ర తనదని గుర్తుచేశారు. రైల్వే స్టేషన్ల ఆధునీకరణ కోసం నాడు <a title="కేసీఆర్" href="https://telugu.abplive.com/topic/kcr" data-type="interlinkingkeywords">కేసీఆర్</a>&zwnj;కు, నేడు సీఎం రేవంత్ రెడ్డికి చొరవ తీసుకుని లేఖలు రాసింది తానేనని స్పష్టం చేశారు. రేవంత్ రెడ్డి అడిగితేనే కాకుండా, రాష్ట్ర ప్రయోజనాల కోసం తాము ఎప్పుడూ ముందుంటామని వివరించారు. రాజకీయ కక్షలతో ప్రాజెక్టులను అడ్డుకునే సంస్కృతి కాంగ్రెస్ పార్టీది కావచ్చు కానీ, భారతీయ జనతా పార్టీకి ఆ అలవాటు లేదని కిషన్ రెడ్డి గట్టిగా చెప్పారు.&nbsp;</p> <p><strong>లోన్ నిలిపోయిందని తెలియదు!&nbsp;</strong></p> <p>హైదరాబాద్ మెట్రో విస్తరణ కోసం చురుగ్గా పనిచేయాలని, నిధుల సాధనపై దృష్టి పెట్టాలని గతంలో తానే స్వయంగా <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a>కి లేఖ రాసిన విషయాన్ని ఈ సందర్భంగా బహిర్గతం చేశారు. మెట్రో నిధుల నిలిపివేతతో తనకు ఎలాంటి సంబంధం లేదని, రాష్ట్ర ప్రభుత్వం తమ వైఫల్యాలను, ఆలస్యాన్ని కప్పిపుచ్చుకోవడానికే కేంద్రంపై తప్పుడు ప్రచారం చేస్తోందని ధ్వజమెత్తారు. లోన్ నిలిచిపోయిందన్న విషయం తనకు తెలియదన్నారు. &nbsp;హైదరాబాద్ మెట్రో ఫేజ్-2 ప్రాజెక్టు చుట్టూ జరుగుతున్న ఈ రాజకీయ యుద్ధం తెలంగాణలో తీవ్ర చర్చనీయాంశంగా మారింది. ఒకవైపు మెట్రో లోన్ల బదిలీలో కేంద్రం వివక్ష చూపుతోందని <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> విమర్శిస్తుంటే.. మరోవైపు రాష్ట్ర ప్రభుత్వ అనాలోచిత విధానాల వల్లే ప్రాజెక్టులు నలుగుతున్నాయని <a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> తిప్పికొడుతోంది. &nbsp;</p> <p>&nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/health/how-many-hours-of-sleep-do-you-need-to-stay-healthy-250578" width="631" height="381" scrolling="no"></iframe></p>