<p><strong>Kia Cars Extended Warranty Diwali Discounts:</strong> కియా ఇండియా, తన ప్రముఖ కార్లు - Seltos, Sonet, Syros & Carens Clavis మోడళ్లకు 7 ఏళ్ల ఎక్స్‌టెండెడ్‌ వారంటీ ప్రోగ్రామ్‌ను ప్రారంభించింది. కొత్తగా కారు కొనేవాళ్లు & ఇప్పటికే కారు కొన్నవాళ్లు - ఇద్దరూ ఈ సదుపాయాన్ని పొందవచ్చు. అదనంగా, దీపావళి సీజన్‌ను పురస్కరించుకుని, కియా, తన కార్లపై ₹1.60 లక్షల వరకు భారీ డిస్కౌంట్లు ప్రకటించింది.</p>
<p><strong>7 ఏళ్ల వారంటీ ప్రోగ్రామ్‌ వివరాలు</strong><br />కియా ప్రస్తుతం 3 ఏళ్ల స్టాండర్డ్‌ వారంటీని అందిస్తోంది. కానీ ఈ కొత్త ఆఫర్‌ ద్వారా కస్టమర్లు వారంటీని 5 సంవత్సరాల నుంచి గరిష్టంగా 7 సంవత్సరాల వరకు పొడిగించుకోవచ్చు. 5 ఏళ్ల ఎక్స్‌టెండెడ్‌ వారంటీ ఉన్న కస్టమర్లు “5+2 ఇయర్స్‌” అప్‌గ్రేడ్‌ ప్లాన్‌ ద్వారా కేవలం రూ. 32,170 (పన్నులు మినహా) చెల్లించి 7 సంవత్సరాలకు అప్‌గ్రేడ్‌ చేసుకోవచ్చు. కొత్త కస్టమర్లకు పూర్తి 7 ఏళ్ల ఎక్స్‌టెండెడ్‌ ప్లాన్‌ ధర రూ. 47,249 (పన్నులు మినహా).</p>
<p><strong>కియా వారంటీలో ఏమేం కవర్‌ అవుతాయి?</strong><br />ఈ వారంటీ ప్రోగ్రామ్‌ ద్వారా, కారు మెకానికల్‌ లేదా ఎలక్ట్రికల్‌గా ఫెయిల్‌ అయితే (రిపేర్లు వస్తే), అవి వారంటీ కవరేజ్‌లోకి వస్తాయి. అంతేకాదు, వాహనం అమ్మినప్పుడు కూడా ఈ వారంటీ ట్రాన్స్‌ఫర్‌ అవుతుంది. అంటే, కియా కార్ల రీసేల్‌ విలువ కూడా పెరుగుతుంది.</p>
<p>ప్రస్తుతం 7 ఏళ్ల ఎక్స్‌టెండెడ్‌ వారంటీని హోండా, రెనాల్ట్‌, టయోటా వంటి బ్రాండ్లు కూడా అందిస్తున్నాయి.</p>
<p><strong>దీపావళి ఆఫర్లు - రూ. 1.60 లక్షల వరకు తగ్గింపు</strong></p>
<p>కియా డీలర్‌షిప్‌లు దేశవ్యాప్తంగా దీపావళి ప్రత్యేక డిస్కౌంట్లు ప్రకటించాయి. GST 2.0 సవరణల కారణంగా ధరలు తగ్గిన నేపథ్యంలో, ఈ ఆఫర్లు మరింత ఆకర్షణీయంగా మారాయి.</p>
<p><strong>Kia Syros</strong> - రూ. 1.60 లక్షల వరకు తగ్గింపు<br />సైరోస్‌ SUV ధరలు రూ. 8.67 లక్షల నుంచి రూ. 15.94 లక్షల మధ్య ఉన్నాయి. ఇందులో 120hp 1.0L టర్బో పెట్రోల్‌ & 116hp 1.5L డీజిల్‌ ఇంజిన్‌ ఆప్షన్లు ఉన్నాయి. మాన్యువల్‌, ఆటోమేటిక్‌ గేర్‌బాక్స్‌ రెండూ అందుబాటులో ఉన్నాయి.</p>
<p><strong>Kia Seltos</strong> - రూ. 1.47 లక్షల వరకు తగ్గింపు<br />సెల్టోస్‌ ధరలు రూ. 10.79 లక్షల నుంచి రూ. 19.81 లక్షల వరకు ఉన్నాయి. 1.5L నేచురల్‌ పెట్రోల్‌, 1.5L టర్బో పెట్రోల్‌, 1.5L డీజిల్‌ ఇంజిన్‌లు అందుబాటులో ఉన్నాయి. ఆటోమేటిక్‌ గేర్‌బాక్స్‌తో కూడిన టర్బో వేరియంట్‌లు ఎక్కువగా డిమాండ్‌లో ఉన్నాయి.</p>
<p><strong>Kia Carens & Carens Clavis</strong> - రూ. 1.42 లక్షల వరకు తగ్గింపు<br />కారెన్స్‌ ప్రీమియం (O) వేరియంట్‌ రూ. 10.99 లక్షల వద్ద ప్రారంభమవుతుంది. క్లావిస్‌ ధర రూ. 11.08 లక్షల నుంచి రూ. 20.71 లక్షల వరకు ఉంది. వీటిలో 1.5L పెట్రోల్‌, టర్బో పెట్రోల్‌, డీజిల్‌ ఆప్షన్లు ఉన్నాయి.</p>
<p><strong>Kia Sonet</strong> - రూ. 1.03 లక్షల వరకు తగ్గింపు<br />సోనెట్‌ కాంపాక్ట్‌ SUV ధరలు రూ. 7.30 లక్షల నుంచి రూ. 14 లక్షల వరకు ఉన్నాయి. 1.2L పెట్రోల్‌, 1.0L టర్బో పెట్రోల్‌, 1.5L డీజిల్‌ ఇంజిన్‌ ఆప్షన్లతో ఇది లభిస్తోంది. ఇది యువతలో అత్యంత పాపులర్‌ మోడల్‌.</p>
<p>కియా ఇండియా, ఈ పండుగ సమయంలో, ఈ రెండు ఆఫర్లతో (7 ఏళ్ల వారంటీ & దీపావళి డిస్కౌంట్లు) కస్టమర్లకు డబుల్‌ బెనిఫిట్‌ ఇచ్చింది.</p>
1 month ago
2 
