<p>తమిళ, తెలుగు భాషల్లో ఒకప్పటి అగ్ర కథానాయిక - నటి, రాజకీయ నాయకురాలు ఖుష్బూ, దర్శకుడు సుందర్ సి దంపతుల పెద్ద కుమార్తె అవంతిక సుందర్ (Avantika Sundar Wedding) పెళ్లి గోవాలో ఘనంగా జరిగింది. ఓ రిసార్ట్‌లో అత్యంత వైభవంగా కుమార్తె వివాహాన్ని వేడుకలా జరిపించారు. చెన్నైకి చెందిన మర్చంట్ నేవీ ఆఫీసర్ శ్రవణ్ శ్రీనివాసన్ (Avantika Sundar Husband)తో జూన్ 25న, అంటే ఈ గురువారం ఏడడుగులు వేశారు అవంతిక.</p>
<p><strong>80స్ స్టార్స్ రీ యూనియన్...</strong><br /><strong>ప్రత్యేక ఆకర్షణగా టాలీవుడ్ స్టార్స్!</strong><br />అవంతిక సుందర్, శ్రవణ్ శ్రీనివాస్ వివాహాన్ని సన్నిహితుల మధ్య చేయాలని మొదట్లో భావించినప్పటికీ... సినీ, రాజకీయ ప్రముఖులను ఆహ్వానించి ఘనంగా చేశారు.</p>
<p><img src="https://feeds.abplive.com/onecms/images/uploaded-images/2026/06/26/fbaed71f800c14f56d4586afc0fd8dcf1782488501312313_original.jpg" /></p>
<p>అవంతిక - శ్రవణ్ వివాహ వేడుకలో టాలీవుడ్ నుంచి మెగాస్టార్ చిరంజీవి, కింగ్ అక్కినేని నాగార్జున, విక్టరీ వెంకటేష్ ప్రత్యేక ఆకర్షణగా నిలిచారు. ఈ ముగ్గురితో ఖుష్బూ సినిమాలు చేశారు. హిందీ నుంచి అనిల్ కపూర్, జాకీ ష్రాఫ్ వంటి 80స్ సూపర్ స్టార్లు సైతం హాజరయ్యారు. నూతన వధూవరులను ఆశీర్వదించారు.</p>
<p>Also Read<strong>: <a title="Maa Inti Bangaram First Week Collections - మళ్ళీ పెరిగిన బంగారం కలెక్షన్లు... ఫస్ట్ వీక్ టోటల్ ఎంత? ఏడో రోజు ఎన్ని కోట్లు వచ్చాయంటే?" href="https://telugu.abplive.com/entertainment/cinema/maa-inti-bangaram-first-week-collections-samantha-movie-7th-day-thursday-box-office-india-net-251685" target="_self">Maa Inti Bangaram First Week Collections - మళ్ళీ పెరిగిన బంగారం కలెక్షన్లు... ఫస్ట్ వీక్ టోటల్ ఎంత? ఏడో రోజు ఎన్ని కోట్లు వచ్చాయంటే?</a></strong><br /> <br /><strong>అవంతిక పెళ్ళికి హాజరైన త్రిష</strong><br />ఖుష్భూ సుందర్ కుమార్తె వివాహ వేడుకకు హాజరైన సెలబ్రిటీల లిస్టులో స్టార్ హీరోయిన్, సౌత్ క్వీన్ త్రిష కృష్ణన్ కూడా ఉన్నారు. సోషల్ మీడియాలో త్రిష, ఆ పక్కన చిరంజీవి - సురేఖ దంపతులు ఉన్న వీడియో వైరల్ అవుతోంది.</p>
<p>80స్ స్టార్స్ రీ యూనియన్స్ ప్రతి ఏడాది జరుగుతాయి. వాటికి అందరూ ఓ థీమ్ డిసైడ్ అవుతారు. డ్రస్ లు అదే కలర్ లో ఉంటాయి. ఇప్పుడీ పెళ్లి వేడుకకు కూడా ఆ తరహాలో గోల్డ్ & బేజ్ కలర్ థీమ్ డిసైడ్ చేశారు. దాంతో అతిథులు అందరూ సాంప్రదాయ దుస్తుల్లో, పట్టు వస్త్రాల్లో మెరిసిపోయారు. </p>
<p><iframe title="Mega Star Chiranjeevi ఒకే వేదికపై టాలీవుడ్ బాలీవుడ్ హీరోలు #KhushbuSundar #TollywoodStars" src="https://www.youtube.com/embed/bWMvt4qVtZA" width="315" height="576" frameborder="0" allowfullscreen="allowfullscreen"></iframe></p>
<p>దేశ ప్రధాని నరేంద్ర మోడీ, అలాగే తమిళనాడు ముఖ్యమంత్రి జోసెఫ్ విజయ్‌లను వ్యక్తిగతంగా కలిసి తమ కుమార్తె వివాహానికి హాజరు కావాల్సిందిగా ఖుష్బూ - సుందర్ కుటుంబం ఆహ్వాన పత్రికలు అందించింది. అయితే, తమ తమ బిజీ షెడ్యూల్స్ వాళ్ళిద్దరూ ఈ వివాహ వేడుకకు హాజరు కాలేకపోయారు.</p>
<p>Also Read<strong>: <a title="Puri Jagannadh Charmy Kaur - ఛార్మి కంట్రోల్‌లో పూరి... పెళ్ళాం పిల్లల్ని వదిలేశాడు... కెరీర్ నాశనం చేసుకున్నాడు" href="https://telugu.abplive.com/entertainment/cinema/puri-jagannadh-downfall-started-after-charmy-kaur-entered-his-life-azaz-khan-makes-shocking-allegations-251620" target="_self">Puri Jagannadh Charmy Kaur - ఛార్మి కంట్రోల్‌లో పూరి... పెళ్ళాం పిల్లల్ని వదిలేశాడు... కెరీర్ నాశనం చేసుకున్నాడు</a></strong></p>
<p><iframe title="Tollywood Hero's ఖుష్బూ కూతురి పెళ్లిలో టాలీవుడ్ స్టార్ట్స్ #KhushbuSundar #TollywoodStars" src="https://www.youtube.com/embed/n_6N1Rm7Egw" width="315" height="576" frameborder="0" allowfullscreen="allowfullscreen"></iframe></p>
<p><strong>త్వరలో వెండితెరకు అవంతిక!</strong><br />Avantika Sundar Debut Movie: సాధారణంగా హీరోయిన్లు తమ కెరీర్ ముగిసిన తర్వాత పెళ్లి గురించి ఆలోచిస్తారు. కానీ, అవంతిక వివాహమైన తర్వాత కెరీర్ స్టార్ట్ చేస్తున్నారు. మలయాళ సినిమా 'ఆరంభం', తమిళ సినిమా 'అటాకర్'లో ఆమె నటిస్తున్నారు. త్వరలో వెండితెరకు పరిచయం కానున్నారు. తమ కుమార్తెది ప్రేమతో పాటు పెద్దలు కుదిర్చిన వివాహం అని ఖుష్బూ తెలిపారు. ప్రస్తుతం ఈ పెళ్లి ఫోటోలు, వీడియోలు ఇంటర్నెట్‌లో వైరల్ అవుతున్నాయి.</p>
<p>Also Read<strong>: <a title="Peddi Collections Day 22 - పెద్దిగాడికి నాలుగో వారంలోనూ కలెక్షన్లు... ఇప్పుడు కోటి కంటే తక్కువ - రామ్ చరణ్ సినిమా బాక్సాఫీస్ రిపోర్ట్" href="https://telugu.abplive.com/entertainment/cinema/peddi-day-22-collections-ram-charan-movie-drops-below-one-crore-daily-know-three-weeks-india-net-ww-box-office-251689" target="_self">Peddi Collections Day 22 - పెద్దిగాడికి నాలుగో వారంలోనూ కలెక్షన్లు... ఇప్పుడు కోటి కంటే తక్కువ - రామ్ చరణ్ సినిమా బాక్సాఫీస్ రిపోర్ట్</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/actress-trisha-krishnan-memorable-roles-hit-films-in-telugu-varsham-athadu-to-krishna-pournami-king-etc-203903" width="631" height="381" scrolling="no"></iframe></p>
4 months ago
10 
