<p>Kavya Sri Natraj: తెలుగు బుల్లితెర ప్రేక్షకులకు ఎంతో సుపరిచితురాలైన నటి కావ్య శ్రీ నటరాజ్. 'గోరింటాకు', 'చిన్ని' వంటి పాపులర్ సీరియల్స్ ద్వారా తెలుగు ఇండ్లలో మంచి గుర్తింపు తెచ్చుకుంది. కావ్య శ్రీ కెరీర్, విద్య, రెమ్యూనిరేషన్, ఆమెకు సంబంధించిన ఆసక్తికరమైన విశేషాలు తెలుసుకుందాం. </p>
<h3> సీరియల్ కెరీర్ </h3>
<p>కావ్య శ్రీ మొదట కన్నడ టెలివిజన్ పరిశ్రమ ద్వారా తన నటనను ప్రారంభించింది. కన్నడలో 'నీలి' అనే సీరియల్ ఆమెకు నటిగా మంచి పేరును తెచ్చింది. ఆ తర్వాత 'నాయకి', 'మహాకాళి' వంటి కన్నడ సీరియల్స్‌లో నటించింది. స్టార్ మా లో ప్రసారమైన 'గోరింటాకు' సీరియల్ ద్వారా కావ్య తెలుగు బుల్లితెరకు పరిచయమైంది. ఈ సీరియల్ సాధించిన విజయం ఆమెకు తెలుగు రాష్ట్రాల్లో విపరీతమైన క్రేజ్ తెచ్చిపెట్టింది. ఆ తర్వాత 'అమ్మకు తెలియని కోయిలమ్మ', అలాగే ఈటీవీలో ప్రసారమవుతున్న 'చిన్ని' సీరియల్స్‌లో లీడ్ రోల్స్ పోషించింది. </p>
<p>కేవలం నటనకే పరిమితం కాకుండా కావ్య శ్రీ మంచి యాంకర్, హోస్ట్‌గా కూడా రాణించింది. కన్నడ పాపులర్ రియాలిటీ షో 'బిగ్ బాస్ కన్నడ సీజన్ 9' లో కంటెస్టెంట్‌గా పాల్గొని తన నిజ జీవిత వ్యక్తిత్వంతో ప్రేక్షకులను ఆకట్టుకున్నారు. అలాగే తెలుగులో 'నీతోనే డాన్స్' వంటి షోలలోనూ సందడి చేసింది. </p>
<h3>చదువు, విద్యాభ్యాసం </h3>
<p>కావ్య శ్రీ <a title="కర్ణాటక" href="https://telugu.abplive.com/topic/Karnataka" data-type="interlinkingkeywords">కర్ణాటక</a> రాజధాని బెంగళూరులో పుట్టి పెరిగింది. ఆమె తన స్కూల్, కాలేజీ విద్యను బెంగళూరులోనే పూర్తిచేసింది. కాలేజీ రోజుల్లోనే ఆమెకు నటన, గ్లామర్ రంగంపై ఆసక్తి పెరిగింది. చదువు పూర్తైన వెంటనే ఆమె మోడలింగ్, ఆడిషన్స్ వైపు అడుగులు వేసి టీవీ రంగంలోకి ప్రవేశించింది.</p>
<h3>సోషల్ మీడియా </h3>
<p>కావ్య శ్రీ సోషల్ మీడియాలో చాలా యాక్టివ్‌గా ఉంటుంది. ప్రత్యేకంగా ఇన్‌స్టాగ్రామ్‌లో ఆమెకు భారీ సంఖ్యలో ఫాలోవర్స్ ఉన్నారు. తన సీరియల్ షూటింగ్ అప్‌డేట్స్, ట్రెడిషనల్ అండ్ మోడ్రన్ ఫొటోషూట్స్, రీల్స్, వ్యక్తిగత విశేషాలను అభిమానులతో నిరంతరం పంచుకుంటూ ఉంటుంది. </p>
<p>Also Read: <a title="చూడచక్కని తెలుగమ్మాయి 'రూప ముగ్గుల'.. రియల్ లైఫ్ ఆసక్తికర విషయాలు" href="https://telugu.abplive.com/entertainment/tv/who-is-roopa-muggula-check-out-her-real-life-story-salary-cute-pics-250675" target="_self">చూడచక్కని తెలుగమ్మాయి 'రూప ముగ్గుల'.. రియల్ లైఫ్ ఆసక్తికర విషయాలు</a></p>
<h3>రెమ్యూనిరేషన్ </h3>
<p>తెలుగు, కన్నడ రెండు పరిశ్రమలలోనూ క్రేజ్ ఉన్న నటి కావడం వల్ల బుల్లితెరపై అత్యధిక పారితోషికం అందుకునే నటీమణులలో కావ్య శ్రీ ఒకరిగా నిలిచింది. ఆమె సీరియల్స్‌లో ఒక్కో రోజు కాల్‌షీట్‌కు గానూ రూ.15,000 నుండి రూ.25,000 వరకు రెమ్యూనిరేషన్ తీసుకుంటున్నట్లు టాక్.</p>
<p>Also Read: <a title="బుల్లితెరపై 'రోజా'.. మలేషియాలో సీక్రెట్ మ్యారెజీ.. హైదరాబాదీ ప్రియాంక నల్కారి రియల్ లైఫ్ విషయాలు" href="https://telugu.abplive.com/entertainment/tv/from-hyderabad-to-roja-stardom-the-real-life-and-secret-marriage-of-priyanka-nalkari-250568" target="_self">బుల్లితెరపై 'రోజా'.. మలేషియాలో సీక్రెట్ మ్యారెజీ.. హైదరాబాదీ ప్రియాంక నల్కారి రియల్ లైఫ్ విషయాలు</a></p>
<h3>ఆసక్తికర విషయాలు </h3>
<p>కావ్య కన్నడ అమ్మాయి అయినప్పటికీ, తెలుగు ప్రేక్షకుల ప్రేమను చూసి కేవలం 6 నెలల్లోనే స్పష్టంగా తెలుగు మాట్లాడటం నేర్చుకుంది. ఇప్పుడు తన డైలాగ్స్ తానే సొంతంగా సులువుగా చెప్పగలగుతుంది. కావ్య కేవలం ఎమోషనల్ క్యారెక్టర్స్ మాత్రమే కాకుండా, నెగటివ్ షేడ్స్ ఉన్న పాత్రలు, గ్లామరస్ రోల్స్ చేయడానికి కూడా ఇష్టపడుతుంది. పాత్రల్లో వైవిధ్యం చూపించడమే తన లక్ష్యమని ఆమె చెబుతుంటుంది.</p>
<h3>నిఖిల్‌తో రిలేషన్‌షిప్, బ్రేకప్ </h3>
<p>'గోరింటాకు' సీరియల్ కో-స్టార్, బిగ్ బాస్ తెలుగు 8 విన్నర్ నిఖిల్, కావ్య శ్రీ కొంతకాలం ప్రేమలో ఉన్నట్లు వార్తలు వచ్చాయి. వారిద్దరూ కలిసి పలు షోలు, ఆల్బమ్స్ కూడా చేశారు. అయితే ఆ తర్వాత వ్యక్తిగత కారణాల వల్ల ఇద్దరూ విడిపోయారు. ఇటీవల ఒక ఇంటర్వ్యూలో కావ్య మాట్లాడుతూ.. ఆ బంధం నుండి తాను బయటకు వచ్చేశానని, ప్రస్తుతం తన దృష్టి అంతా కెరీర్‌పైనే ఉందని స్పష్టం చేసింది. అయితే విశేషం ఏమిటంటే.. మళ్లీ వీరిద్దరూ స్క్రీన్‌పై 'చిన్ని' సీరియల్‌లో కలిసి నటిస్తూ ఫ్యాన్స్‌ను ఆశ్చర్యపరిచారు.</p>
<p>Also Read: <a title="ఆ చిరునవ్వు వెనుక విషాద గతం.. ఐశ్వర్య పిస్సే జీవితం 'అగ్నిసాక్షి'" href="https://telugu.abplive.com/entertainment/tv/aishwarya-pisse-the-tragic-past-behind-the-beautiful-smile-of-agnisakshi-fame-250482" target="_self">ఆ చిరునవ్వు వెనుక విషాద గతం.. ఐశ్వర్య పిస్సే జీవితం 'అగ్నిసాక్షి'</a></p>
4 months ago
2 
