<p><strong>Karthika Deepam Edi Nava Vasantham Serial Today Episode</strong> | బుల్లితెర ప్రేక్షకులను విశేషంగా ఆకట్టుకుంటున్న "కార్తీకదీపం 2" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 23వ తేదీన) రాత్రికి ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>కుర్చీని తన్ని సూరజ్‌ని వాయించేసిన జ్యోత్స్న..</strong></p>
<p>జ్యోత్స్న వర్క్‌ సరిగా చేయలేదు అని సూరజ్ అరుస్తాడు. పేపర్లు విసిరేసి.. నీకు అర్హత లేదు.. పని చేయడం చేత కాదు.. రికమండేషన్ మీద జాబ్ తెచ్చుకొని మా ప్రాణాలు తీస్తారు. జాజ్ చేయడం చేతకాకపోతే వెళ్లిపో.. నీకు వర్క్ రాదు అని ఒప్పుకోవడం కూడా చేతకాదు అందుకే నిన్ను నేను రిజక్ట్ చేస్తున్నా.. పని చేయడానికి యోగ్యత లేని నీలాంటి దాన్ని ఎప్పుడైనా రిజెక్ట్ చేస్తా అని సూరజ్ అరుస్తాడు. అప్పటి వరకు విన్న జ్యోత్స్న ఒక్క సారిగా అక్కడున్న కుర్చీని తన్ని సూరజ్‌ని లాగి పెట్టి కొట్టి కాలర్ పట్టుకొని ఏంట్రా నాకు యోగ్యత లేదా.. రికమండేషన్ మీద వచ్చానా.. ఎవడ్రా రికమండేషన్ మీద వచ్చింది.. మీతాత దక్షిణామూర్తి నన్ను తీసుకొచ్చి మరీ ఇచ్చాడురా.. ఈ ఉద్యోగం.. ఆ రోజు మీ తాత ఏం అన్నాడో వినలేదా.. నీ చెవిలో దూది ఉందా.. అని అడిగితే జ్యోత్స్న అని సూరజ్ అరిస్తే విను.. నేను చెప్పాలి నువ్వు వినాలి.. ఒకప్పుడునేను ఈ ఆఫీస్‌లో సీఈఓని.. షార్ట్‌కర్ట్‌లో ఛైర్మన్‌ అయిపోయి ఇలా రెచ్చిపోతావా.. నువ్వు పొగరు చూపిస్తే పొగరుకే అంబాసిడర్‌ని.. నేను నీకు పీఏగా కాదు నువ్వు నాకు బాస్‌గా పనికి రావురా.. పోరా అని పాత జ్యోత్స్నలా అల్లాడించేస్తుంది. తీరా చూస్తే ఇదంతా జ్యోత్స్న ఊహ.</p>
<p><strong>పౌరుషం ఉంటే వెళ్లిపో..</strong></p>
<p>సూరజ్ ఎన్ని మాటలు అన్నా జ్యోత్స్న సైలెంట్‌ అయిపోతుంది. నీలాంటి వాళ్లు నాకు అవసరం లేదు.. వర్క్ చేతకాకపోతే ఇక్కడి నుంచి వెళ్లిపో అని అరుస్తాడు. జ్యోత్సన సైలెంట్‌గా వెళ్లిపోతూ ఒక్క సారి ఆగుతుంది. ఒక్క నిమిషం ఆగి కింద పడిన పేపర్లు మొత్తం ఏరుతుంది. సారీ సార్ మీకు నచ్చేలా షెడ్యూల్ చేయలేదు.. మళ్లీ ప్లాన్ చేసి తీసుకొస్తా.. మీ విలువైన టైం వృథా చేసినందుకు క్షమించండి అని అంటూ వర్క్‌లో మునిగిపోతుంది. మాలిని జ్యోత్స్నని చూసి ఎన్నాళ్లు భరిస్తావో నేను చూస్తా అని అనుకుంటుంది. కార్తీక్, దీపలు జాలిగా చూస్తాడు.</p>
<p><strong>ఓడిపోయా బావ.. </strong></p>
<p>జ్యోత్స్న కాఫీ తాగుతూ జరిగింది తలచుకొని బాధ పడుతూ ఉంటుంది. సూరజ్ కూడా జ్యోత్స్న క్షమాపణ చెప్పడం గుర్తు చేసుకొని ఆలోచనలో పడతాడు. కార్తీక్, దీపలు వచ్చి జరిగింది చూస్తే వెళ్లిపోతావ్ అనుకున్నా జ్యోత్స్న అని కార్తీక్ అంటాడు. వెళ్లిపోవాలి అనుకున్నా కానీ ఓడిపోయా బావ.. గొప్పింటికి బిడ్డగా రావడం గెలుపు అనుకున్నా.. కన్న తల్లికి దూరం అవ్వడం ఓటమి అని లేటుగా అర్థం అయింది.. అమ్మానాన్నలను ప్రేమించడం గెలుపు అనుకున్నా.. వాళ్ల కోసం ఏం చేయలేకపోవడం ఓటమి అని లేటుగా అర్థం అయింది.. ఇష్టమైన వాడిని ప్రేమించడం గెలుపు అనుకున్నా కానీ వాడు నన్ను కాదు అనుకొని వెళ్లిపోవడం ఓటమి అని లేటుగా అర్థం అయింది.. ఇక్కడ చేరడం మాలిని అత్త మీద గెలుపు అనుకున్నా సూరజ్ ముందు ఓడిపోవడం ఓటమి అని లేటుగా అర్థం అయింది.. ఓడిపోయాను బావ.. ఓడిపోతూ ఉన్నాను అని అంటుంది. నువ్వు ఓడిపోవడం లేదు.. నేర్చుకుంటున్నావ్ జ్యోత్స్న.. పనులు చేయించుకోవడం తెలిసిన నువ్వు పనులు చేసుకోవడం నేర్చుకుంటున్నావ్.. నువ్వు ఓడిపోవడం లేదు నిన్ను నువ్వు గెలవడానికి నేర్చుకుంటున్నావ్ అని దీప అంటే పాత జ్యోత్స్న అయితే సూరజ్‌ చెంప వాయించేదానివి.. కానీ నిన్ను నువ్వు కంట్రోల్‌లోకి తెచ్చుకొని ఒక మెట్టు ఎక్కావ్ అని అంటాడు.</p>
<p><strong>మా డాడీ కోసమే.. </strong></p>
<p>వెళ్లిపోయిన నువ్వు ఎందుకు ఆగిపోయావ్.. ఎవరు నిన్ను ఆపింది అని దీప అడిగితే మా డాడీ. మా డాడీకి నా మీద పెట్టుకున్న నమ్మకం గుర్తొచ్చింది అంటుంది. సూరజ్‌తో జాగ్రత్త.. ఇలాంటివి నీకు మళ్లీ మళ్లీ ఎదురవుతాయి. మాలిని పిన్నితో కూడా జాగ్రత్త పిన్ని పాము లాంటిది కాటేస్తుంది. అడుగులు జాగ్రత్తగా వేయాలి అని అంటాడు. మనకి టైం దొరుకుతుంది. దొరికినప్పుడు నువ్వు వదలొద్దు జ్యోత్స్న అత్తకి మనం చుక్కలు చూపించాలి అని దీప చెప్తుంది. </p>
<p><strong>పోలీస్ ఎంక్వైరీ.. </strong></p>
<p>జ్యోత్స్న సూరజ్‌కి రీ షెడ్యూల్ చేసి ఇస్తుంది. మాలిని సూరజ్ మాట్లాడుకుంటూ ఉంటారు. ఇంతలో పోలీస్ వచ్చి కార్తీక్, దీపల్ని పిలుస్తారు. జ్యోత్స్న మిస్ అయిన నాలుగు రోజులు ఏమైందో అని ఎంక్వైరీ చేస్తారు. ఎవరో ఎత్తుకుపోయారు.. బ్లాక్‌మెయిల్ చేశారు. ఓ చోట బంధించారు అని అంటుంది. ఎవరు అని పోలీస్ అంటే తెలీదు అని జ్యోత్స్న చెప్తుంది. మీరు చూడలేదా అంటే కళ్లకి గంతలు కట్టారు. చూడలేదు అని అంటుంది. ఎవరి మీద అయినా అనుమానం ఉందా అని పోలీస్ అడిగితే ఉంది అని జ్యోత్స్న అంటుంది. ఎవరు అని పోలీస్ అంటే జ్యోత్స్న చేయి చూపిస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
1 week ago
2 
