<p><strong>Karthika Deepam Edi Nava Vasantham Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కార్తీకదీపం 2" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 17వ తేదీన) రాత్రికి ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>నీ కొడుకు నిన్ను చంపేస్తాడు.. </strong></p>
<p>మాలిని దగ్గరకు జ్యోత్స్న వెళ్లి హాయ్ అత్తా.. ఒంటి మీద ఒక్క గీత కూడా అవ్వకుండా వదిలేశావ్ ఎలా అత్త.. నేను అంటే నీకు అంత ప్రేమా అని అడగగానే మాలిని షాక్ అయిపోతుంది. ఎవరో వచ్చి నన్ను తీసుకుపోయారు.. ఎక్కడో దాచారు.. రాత్రి వచ్చి కళ్లకి గంతలు కట్టి నడిరోడ్డు మీద వదిలేశారు.. నేను కనిపించకపోతే నీ కొడుకు మర్చిపోతాడు అనుకున్నావ్.. కానీ ఇంతలా మనసులో పెట్టుకొని తిరుగుతాడు అని అనుకోలేదు కదా.. నన్ను ఏదో ఒకటి చేసేదానివి కానీ నీ కొడుకు నిన్ను అనుమానించడం తట్టుకోలేకపోయావ్.. కనిపించకపోతే పరిస్థితి ఇలా ఉంటే నేను లేకపోతే ఇంకెలా ఉంటుంది. దానికి కారణం నువ్వే అని తెలిస్తే ఇంకెలా ఉంటుంది. నీ భర్త పక్కన నీ ఫొటో నీ కొడుకే పెడతాడు అని జ్యోత్స్న అంటుంది. ఒకప్పుడు మీ అమ్మ ఇలాగే నా భర్తని దూరం చేసింది ఇప్పుడు నువ్వు నా కొడుకుని దూరం చేయాలి అనుకుంటున్నావా.. అయినా ఏ ఆధారంతో మాట్లాడుతున్నావ్ అని మాలిని అడుగుతుంది. అన్నింటికీ ఆధారాలు అవసరం లేదు.. నువ్వు నన్ను భయంతో వదిలేశావ్.. ఒకవేళ నన్ను ఏమైనా చేస్తే నీ కొడుకే నీ ఫొటోకి దండ వేస్తాడు జాగ్రత్త అని మాలిని అంటుంది. ఇదంతా నీ కొడుక్కి నా మీద ఉన్న ప్రేమ అత్త నీకు అది అర్థమైంది అని తెలుస్తుంది అందుకే భయపడి నన్ను వదిలేశావ్ అని మాలిని అంటుంది. పోయి ఈ మాటలు నా కొడుక్కి చెప్పు నమ్ముతాడో లేదో చూద్దాం.. పీఏవి పీఏగా ఉండు అని మాలిని అంటుంది. పీఏ అంటే సూరజ్ ప్రేమించిన అమ్మాయి అని చెప్పాను కదా.. అని జ్యోత్స్న అంటుంది. నీ కొడుకుని నీకు దూరం చేస్తా.. వాడి నీడని కూడా నీకు దూరం చేస్తా అని జ్యోత్స్న అంటే రెచ్చిపోకే సుమిత్ర కూతురా అని మాలిని అంటుంది. ఇంతలో సూరజ్ వచ్చి మాలిని ఎదురుగానే జ్యోత్స్న చేయి పట్టుకొని జ్యోత్స్నని తన ఇంటికి తీసుకెళ్తారు.</p>
<p><strong>సూరజ్ ఫైర్..</strong></p>
<p>సూరజ్‌ జ్యోత్స్నని అందరి ముందుకు తీసుకెళ్లి ఈ అమ్మాయే జ్యోత్స్న.. మీరు మా ఇంటికి వచ్చి రచ్చ చేసింది ఈ అమ్మాయి కోసమే.. నేను మా అమ్మని కూడా నిలదీయాల్సి వచ్చింది.. ఇప్పుడు అర్థమైందా ఈమె కనిపించకుండా ఉండటం వెనక మేం లేమని అంటాడు. చెప్తే సరిపోతుందా అని కార్తీక్ అంటే మిస్టర్ కార్తీక్ అని సూరజ్ అరుస్తాడు. సూరజ్ అని దీప అంటే నేను ఇలాగే పిలుస్తాను.. ఇంతకు ముందు మీ మీద చాలా గౌరవం ఉండేది కానీ పోయింది అంటాడు. జ్యోత్స్న కిడ్నాప్ వెనుక మీరు లేకపోతే జ్యోత్స్న నేరుగా ఇంటికి వచ్చేది అలా కాకుండా ఆఫీస్‌కి వచ్చింది.. అక్కడి నుంచి వీడియో కాల్ చేయించారు అంటే అర్థమవుతుంది అని కార్తీక్ అంటాడు. దానికి సూరజ్ మీ బావ అడుగుతున్నాడు కదా మాట్లాడు అంటే నేను దేనికి మాట్లాడాలో నాకు తెలుసు అని జ్యోత్స్న అంటుంది. నువ్వు సైలెంట్‌గా ఉంటే మేమే తప్పు చేశామని అర్థమవుతుంది అని అంటాడు. </p>
<p><strong>నా కూతురేమందో చెప్పు..</strong></p>
<p>సూరజ్ నువ్వు వెళ్లు అని జ్యోత్స్న అంటే నువ్వు బాగానే ఉన్నావ్ నీ కోసం మేం మేం తన్నుకుంటున్నాం.. జ్యోత్స్న మీ కోసం దక్షిణామూర్తి తాత కుటుంబం మీ మీద వేసినవన్నీ నిందలే.. గొడవలు మొదలైనప్పుడు నేను మా అమ్మ కడుపులో ఉన్నాను.. ఏవీ చూడలేదు అంది.. కానీ ఇప్పుడు నేను ఇది చూశా అనవసరంగా మా అమ్మ మీద నింద వేసి.. తనని కూడా చంపేయాలి అని చూస్తున్నారు.. మా అమ్మకి ఏమైనా అయితే ఎవరు బాధ్యత తీసుకుంటారు అని అడుగుతాడు. జ్యోత్స్న చెప్పినవన్నీ నిజమే అని శివన్నారాయణ అంటాడు. ఇక సూరజ్ జ్యోత్స్న ఎక్కడికీ పోలేదు మీరే దాచి పెట్టారు అని అంటాడు. జ్యోత్స్నని మీ చుట్టాల ఇంట్లో దాచేసి మీ మీద ఇంత దాడి చేశారు అని అంటాడు. అందరూ కోపంతో రగిలిపోతారు. ఈ గొడవలు అన్నీంటికీ కారణం నువ్వే అని శివన్నారాయణని అంటాడు. నీ అర్థం లేని ఆవేశం వల్లే ఇంత జరుగుతుంది అని సూరజ్ రేగిపోతాడు. మా నాన్నని ఇంకొక్క మాట అంటే ఊరుకోను అని దశరథ్ అంటాడు. </p>
<p><strong> నా ఫ్యామిలీ గురించి మాట్లాడే హక్కు నీకు లేదు..</strong></p>
<p>సూరజ్‌ని జ్యోత్స్న ఆపి నా ఫ్యామిలీ గురించి మాట్లాడే హక్కు నీకు లేదు.. వెళ్లి నువ్వు మీ అమ్మని అడుగు.. ఇచ్చి మిమల్ని నిలదీస్తారు. మీరు చేసిన పనులు అలాంటివి అని జ్యోత్స్న సూరజ్‌ని అంటుంది. దానికి సూరజ్ మేం చేసింది మోసం కాదు ప్రతీకారం.. మీ బుద్ధులు ఇలాంటివి కాబట్టి మీకు ఈ గతి పట్టింది.. అని అంటాడు. ఏంట్రా ఎక్కువ మాట్లాడుతున్నావ్.. అని జ్యోత్స్న అంటే నేను నీ ఛైర్మన్‌ని అని మర్యాద లేకుండా మాట్లాడుతున్నావ్ అని సూరజ్ అంటాడు. దానికి జ్యోత్స్న ఆఫీస్‌లో ఛైర్మన్‌వి నా ఇంటి దగ్గర కాదు.. నువ్వు తిడితే నీకు రెట్టించి నేను తిడతా.. నేను శివన్నారాయణ మనవరాలిని పొగరు దండిగా ఉంటుంది. నీకు మీ అమ్మ దేవత అయితే.. నాకు మీ అమ్మ దేవత.. మీ అమ్మ చెప్పింది నీకు వేదం అయితే మా అమ్మ చెప్పింది నాకు వేదం అని జ్యోత్స్న అంటుంది. </p>
<p><strong>కార్తీక్‌నే ప్రేమించింది కదా.. </strong></p>
<p>సూరజ్ జ్యోత్స్నతో నువ్వు ఇలాగే ఉండు కానీ ఏమైపోయావో అందరికీ చెప్పు అని అంటాడు. నువ్వు చెప్పమంటే నేను చెప్పాలా అని జ్యోత్స్న అంటే మరి కార్తీక్ చెప్పమంటే చెప్తావా అని అడుగుతాడు. నా భర్త పేరు ఎందుకు అని దీప అడిగితే ఒకప్పుడు జ్యోత్స్న ప్రేమించింది మీ ఆయన్నే కదా వదినా.. పిల్లి మెడలో గంట కట్టినట్లు జ్యోత్స్న మెడలో పెళ్లి అని కట్టారు.. కదా అందుకే వెంట పడింది కదా.. ఇప్పుడేదో మారిపోయింది అన్నంత మాత్రనా ప్రేమ పోదు కదా.. అందుకే కార్తీక్‌ని అడమను అని సూరజ్ అంటాడు. అప్పుడు కూడా నేను నమ్మను.. నువ్వు ఎక్కడ జ్యోత్స్నకి దూరం అయిపోతావ్ అని మీ అమ్మ తనని దాచింది.. నీ ఆరాటం చూసి వదిలేసింది.. నీ కళ్లు తెరుచుకునే రోజు దగ్గర్లోనే ఉంది.. మీ తాతని తీసుకెళ్లు అని కార్తీక్ అంటాడు. సూరజ్ దక్షిణామూర్తిని తీసుకెళ్లిపోతాడు. దీంతో ఇవాళ్టి ఎపిసోడ్ పూర్తయిపోతుంది.</p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
2 weeks ago
2 
