<p><strong>Karthika Deepam Idi Nava Vasantham Serial Today Episode </strong>కార్తీక్, దీపలు సత్యరాజ్‌ని కలుస్తారు. నా కంపెనీని ఈ దుస్థితికి తీసుకొచ్చిన నిన్ను జ్యోత్న్స కంపెనీ నుంచి తీసేశారని తెలిసి చాలా సంతోషంగా ఉందని అంటారు. మీరు ఎందుకు వచ్చారని అడిగితే దీప తన వెంట తెచ్చిన బాక్స్ ఓపెన్ చేసి సత్యరాజ్‌కి రుచి చూపిస్తుంది. రుచి బాగుందని కొత్తగా ఉందని ఆయన చెప్తారు. </p>
<p>దీప తనకు అన్ని రకాల వంటలు వచ్చిన చెప్తుంది. కార్తీక్ రెస్టారెంట్ తనకు ఇవ్వమని నెల రోజుల్లో బెటర్ మెంట్ చూపిస్తామని అంటాడు. దాంతో సత్యరాజ్ మాకు నడిపించడం రాదని అంటున్నావా అని అడుగుతాడు. నన్ను ఈ స్థితికి తీసుకొచ్చిన నిన్ను ఎలా నమ్మాలి అని అడుగుతారు. ఆయన నిజాయితీ మనిషి అని మనకోసం ప్రాణాలు అడ్డు పెడతారని దీప ఎమోషనల్ అయి చెప్తుంది. ఒక్క అవకాశం ఇస్తే మీ రెస్టారెంట్ దివాలా తీయడానికి కారణం అయిన కార్తీక్ బాబే నెంబర్ వన్ స్థితికి తీసుకొస్తాడని అంటాడు. మీకు ఏం కావాలి అని అడిగితే బిజినెస్‌లో 25 పర్సెంట్ షేర్ కావాలని అంటాడు. మీ డీల్ బాగుంది కానీ నేను రెస్టారెంట్ నడపలేనని అంటాడు సత్యరాజ్. మీకు అవకాశం ఇవ్వడం వల్ల నాకు లాభం లేదని మీ మరదలు ఇంతకు ముందే బ్రహ్మాండమైన ఆఫర్ ఇచ్చిందని అంటాడు. వాళ్లని వెళ్లిపోమని చెప్తే దీప సత్యరాజ్‌ని బతిమాలుతుంది. నా కోసం ఎవరి దగ్గర నువ్వు చేతులు చాచొద్దని కార్తీక్ అంటాడు. మీరు ఇక వెళ్లిపోండి అని సత్యరాజ్ చెప్తే ఆలోచించండి అని బయట వెయిట్ చేస్తాం అని కార్తీక్ అంటాడు.</p>
<p>జ్యోత్స్న వెయిట్ చేస్తుంటుంది. కార్తీక్ వాళ్లు రావడంతో ఇంత సేపు ఏం మాట్లాడారు.. ఇక వెళ్లిపోండి రెస్టారెంట్ నాదే అంటుంది. జ్యోత్స్న మాటలకు కార్తీక్ సెటైర్లు వేస్తాడు. జ్యోత్స్న దీపతో ఆశకి హద్దు ఉండాలి నీకు ఓ బాయ్ గ్లాస్ మంచి నీళ్లు ఇవ్వడు అలాంటిది నీకు రెస్టారెంట్ కావాలి అని అంటుంది. ఇంతలో సత్యరాజ్ వచ్చి తన రెస్టారెంట్‌ని కార్తీక్‌కే ఇస్తున్నానని అంటాడు. దీప, కార్తీక్ చాలా సంతోషిస్తారు. జ్యోత్స్న బిత్తరపోతుంది. కార్తీక్ బాబు మనమే గెలిచామని అంటుంది. జ్యోత్స్న సత్యరాజ్‌ని ప్రశ్నిస్తుంది. దాంతో సత్యరాజ్ నేను రెస్టారెంట్ అమ్మడం లేదు వీళ్లకి ఇస్తున్నా వీళ్లు రన్ చేస్తారని అంటుంది. దీప పాదం శని అని తను కాలు పెడితే సగం రేటుకి కూడా కొనరని అంటాడు. దాంతో సత్యరాజ్ జ్యోత్స్నని వెళ్లిపోమని చెప్తుంది. </p>
<p>మమల్ని వెళ్లిపోమని చెప్పి మళ్లీ మాకు ఎందుకు ఇస్తున్నారని కార్తీక్ అడుగుతాడు. ఇంతలో సత్యరాజ్ కొడుకు మనవడు వస్తారు. గతంలో సత్యరాజ్ మనవడిని కొందరు కిడ్నాప్ చేస్తే ఆ రౌడీల నుంచి దీప బాబుని కాపాడిందని చెప్తాడు. దీపని తన కొడుకు గుర్తు పట్టి విషయం చెప్పడంతో మీకు రెస్టారెంట్ ఇస్తున్నానని చెప్తాడు. ఇక నుంచి రెస్టారెంట్ మీద ముందుండి నడిపించి లాభాలు తీసుకురండి అని చెప్తాడు. ఇక 25 శాతం వాటాకి కూడా ఓకే అంటాడు. మేనేజర్ వచ్చి దీప కార్తీక్‌లకు సారీ చెప్తే ఆయనతో కార్తీక్ ఎవరి వేషాలు చూసి తక్కువ అంచనా వేయొద్దని చెప్తాడు. </p>
<p>జ్యోత్స్న ఇంటికి వెళ్లి కార్తీక్‌కి రెస్టారెంట్ ఇచ్చారని చెప్తాడు. మరోవైపు కార్తీక్ దీపని తీసుకొని తాత దగ్గరకు వచ్చి తాతని పిలుస్తాడు. కార్తీక్‌ని దిగజారిపోయావ్ అని పారు అంటే నీ అంతలా ఎవరూ దిగజారిపోరు అని కార్తీక్ అంటాడు. దాంతో శివన్నారాయణ నా భార్యని నా ముందే అంటావా అంటాడు. నా భర్తని అనొచ్చా అని దీప అడుగుతుంది. జ్యోత్స్న దీపతో కుటుంబాల మధ్య గొడవ పెట్టి విడగొట్టావ్.. ఇప్పుడు మనషుల మధ్య గొడవ పెడుతున్నావ్.. ఇప్పుడు నీ కోసం మళ్లీ మా అమ్మానాన్నని విడగొడతావా అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong>Also Read: చిరంజీవి లక్ష్మీ సౌభాగ్యవతి సీరియల్: ఇంట్లో వరసగా అపశకునాలు.. లక్ష్మీ ఆందోళన నిజం అవుతుందా!!</strong></p>
9 months ago
7 
