<p><strong>Kanpur Crime News:</strong> ఉత్తరప్రదేశ్‌లోని కాన్పూర్‌లో దారుణమైన ఘటన జరిగింది. ఇందులో బాధితులు, నిందితులు కూడా మైనర్లే కావడం సంచలనంగా మారింది. 13 ఏళ్ల అబ్బాయి మరో 8 ఏళ్ల బాలుడితో కలిసి ఆరేళ్ల చిన్నారిపై అత్యాచారానికి ఒడిగట్టారు. జాజ్‌మౌ పోలీస్ స్టేషన్ పరిధిలో ఈ ఘోరమైన ఘటనపై కేసు నమోదు అయ్యింది. </p>
<p>పక్క పక్కనే ఉన్న చిన్నారులు ఈ దారుణానికి పాల్పడ్డారు. 13 ఏళ్లు, 8 సంవత్సరాల వయస్సు గల పిల్లలు ఉద్దేపూర్వకంగానే చిన్నారిని తమ ఇంటికి పిలిచారు. ఐదు రూపాయలు ఇస్తాం చాక్లెట్ కొనుక్కోవచ్చని చెప్పి ఇంట్లోకి తీసుకెళ్లారు. ఇంట్లోకి వెళ్లిన తర్వాత ఆ ఇద్దరు అసభ్యంగా ప్రవర్తించారు. ఆమె ప్రతిఘటించింది. అయినా సరే బాలిక కాళ్లు చేతులు పట్టేసి బలత్కారం చేశారు. బాధ ఎక్కువ కావడంతో ఏదోలా వారి నుంచి అతి కష్టమ్మీద విడిపించుకొని బయటపడింది. </p>
<p>ఏడుస్తూ ఇంటికి వచ్చిన బాలిక జరిగిన విషయాన్ని తల్లితో చెప్పింది. విషయం తెలుసుకున్న తల్లి షాక్ అయ్యింది. ఇంటి పక్కనే ఉంటున్న పిల్లలు ఇలాంటి పని చేస్తారని అనుకోని ఆ తల్లి నిర్ఘాంతపోయింది. విషయాన్ని కుటుంబ సభ్యులకు చెప్పింది. అందరూ ఒక్కసారిగా ఆశ్చర్యానికి గురయ్యారు. ఇది సింపుల్‌గా తీసుకునే విషయం కాదని పోలీసు స్టేషన్‌కు వెళ్లారు.</p>
<p>అత్యాచారం గురించి తెలుసుకున్న పోలీసులు వెంటనే స్పాట్‌కు వచ్చారు. కేసు నమోదు చేసుకున్నారు. కుటుంబ సభ్యులతో మాట్లాడి బాలికను వైద్య పరీక్షలకు ఆసుపత్రికి తరలించారు. బాలికను పరీక్షించిన వైద్యులు అత్యాచారం జరిగినట్టు నిర్దారించారు. వైద్య పరీక్షల రిపోర్ట్‌ ఆధారంగా కేసును దర్యాప్తు చేస్తున్నారు. ఇద్దరు మైనర్ నిందితులను అదుపులోకి తీసుకొని విచారిస్తున్నారు. </p>
2 months ago
3 
