<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 19న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. <br /> <br /><strong>సిరి అవుట్ ఆఫ్ డేంజర్..</strong></p>
<p>సిరికి ట్రీట్మెంట్ చేసిన డాక్టర్ ప్రమాదం ఏం లేదు అని చెప్పడంతో అందరూ హ్యాపీ అయిపోతారు. క్రిష్ దేవుడ్ని దండం పెట్టుకుంటూనే ఉంటాడు. సిరి కళ్లు తెరిచి అందర్ని చూస్తుంది. క్రిష్ కనిపించకపోవడంతో నానీ క్రిష్ ఎక్కడ అని అంటుంది. వాడు ఎందుకే వాడి వల్లే నీకు ఈ పరిస్థితి అని పద్దు అంటే తొందర పడకు క్రిష్ తప్పేం లేదు.. నేనే క్రిష్‌ని బలవంతంగా తీసుకెళ్లా నాకు క్రిష్ని చూడాలని ఉంది ఒక్కసారి పిలవండి అని అడుగుతుంది. నేను తీసుకొస్తా అని మహా వెళ్తుది. మేం అంతా ఉన్నాం కదే అని సహస్ర అంటే లేదమ్మా నేను కనిపించలేదని క్రిష్ చాలా కంగారు పడుతుంటాడు.. నన్ను చూస్తే హ్యాపీ అవుతాడు అని అంటుంది. ఇక మహా క్రిష్ని తీసుకొస్తుంది. అన్నయ్యా భయపడ్డావా అని సిరి అడుగుతుంది. అందరూ ఎమోషనల్‌గా చూస్తారు. నువ్వు వద్దు అన్నా నేను ఆడుకోవడానికి తీసుకెళ్లా అని అంటుంది. </p>
<p><strong>సిరి అసలు ఏమైందమ్మా.. </strong></p>
<p>సిరి విహారితో నేను, బంటి, క్రిష్ దాగుడుమూతలు ఆడుకున్నాం నేను బావి దగ్గర దాక్కున్నా.. బంటీ వచ్చేస్తాడు అనే కంగారులో ఏదో తగిలి బావిలో పడిపోయా.. తర్వాత ఎవరో తీసుకెళ్లిపోయారు అని చెప్తుంది. సిరి అంతా చెప్పడంతో చిన్నపిల్లని అంత నరకం పెట్టిన వాళ్లని వదలకూడదు అని చారుకేశవ అంటాడు. పోలీస్ కంప్లైంట్ ఇద్దాం సంధ్య అదే పనిలో ఉందని అంటాడు. డాక్టర్ వచ్చి అందరూ ఇక్కడుందొద్దు అని సహస్రని మాత్రమే ఉండమని అంటారు. </p>
<p><strong>మహా తయారైంది.. </strong></p>
<p>సుభాష్‌కి అంబిక కాల్ చేసి మహా గురించి తక్కువ అంచనా వేశాం.. సిరిని ఆ మహానే కాపాడింది అని అంటుంది. ఇంతకు ముందు మనకి ఆ లక్ష్మీ అడ్డొచ్చేది ఆ లక్ష్మీ పోయింది అనుకుంటే ఇప్పుడు మహా వచ్చింది అని అంటాడు. అవును సుభాష్ ఆ లక్ష్మీ పోయింది అంటే ఈ మహా తయారైంది.. త్వరలోనే మంచి స్కెచ్ వేసి మహాని ఇంటి నుంచి గెంటేస్తా అని అంబిక అంటుంది. </p>
<p><strong>పట్టించుకోకుండా ఉంటావా..</strong></p>
<p>హాస్పిటల్‌లో అందరూ టెన్షన్ పడుతూ ఉంటే సిరి దగ్గర ఉన్న సహస్ర ఫోన్‌లో లీనమైపోయి యాపిల్ తింటూ ఉంటుంది. సిరి మాస్క్‌ పక్కకి వెళ్లిపోయి ఊపిరి అందక సిరి ఇబ్బంది పడుతూ ఉంటే సహస్ర పట్టించుకోకుండా ఫోన్ చూసుకుంటుంది. ఇంతలో నర్సు వెళ్లి చూసి సహస్రని పిలిచినా చూడదు.. విహారి కూడా అక్కడికి వెళ్లి ఏమైంది అంటే పాప ఆక్సిజన్ మాస్క్ పక్కకి వెళ్తే మేడం పట్టించుకోకుండా అంత నిర్లక్ష్యంగా ఎలా ఉన్నారు అని అంటుంది. విహారి సహస్రని పెద్దగా పిలిస్తే చెవిలో ఇయర్ ఫోన్స్ తీస్తే విహారి కొట్టడానికి చేయి ఎత్తతాడు. ఏమైంది బావ అని సహస్ర అడుగుతుంది. అందరూ లోపలికి వస్తారు ఆక్సిజన్ మాక్స్ పక్కకి వెళ్తే అది చూసుకోకుండా ఫోన్ చూసుకుంటావా అని తిడతాడు. సిరికి ఏం కాలేదు కదా అంటూ సహస్ర వాదిస్తుంటే పద్మాక్షి సహస్రని ఒక్కటి కొట్టి కూతురి కన్నా ఫోన్ ముఖ్యం అయిందా.. తిడుతుంది. ఇక విహారి మహానే సిరి దగ్గర ఉండమని అంటాడు.</p>
<p><strong>ఇంటికి వచ్చిన సిరి.. </strong></p>
<p>ఉదయం సిరిని ఇంటికి తీసుకొని వస్తారు. యమున మహాని పంపి పాపకి దిష్టి తీయాలి ఎర్రనీళ్లు తీసుకురా అని చెప్తుంది. మహా వెళ్తుంది. మహా సిరికి దిష్టి తీస్తుంది. భక్తవత్సలం సిరిని చూసి ఎమోషనల్ అవుతాడు. సిరి తాతయ్య దగ్గరకు వెళ్లి నాకేం కాలేదు కంగారు పడొద్దు అని అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
1 week ago
2 
