<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జూన్ 10న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>ఫీలైన హరికృష్ణ..</strong></p>
<p>విహారి బొట్టు పెట్టుకోను అని చెప్పడంతో సిరి పాప పండుని ఎత్తుకోమని విహారి నుదిటిని తన నుదిటితో తాకి బొట్టు పెడుతుంది. హరికృష్ణ ఆ సీన్ చూసి చాలా ఎమోషనల్ అవుతాడు. తర్వాత విహారి ఫైల్ తీసుకొని వెళ్లిపోతాడు. యమున చాలా హ్యాపీగా ఫీలవుతుంది. పంతులు పూజ చేసి అర్చన చేసిన చీరని యమునకు ఇచ్చి మీ కోడలికి ఇవ్వమని అంటాడు. యమున సహస్రకు ఇస్తే సహస్ర వద్దని అంత చీప్ చీర కట్టుకోనని చెప్పేస్తుంది. పద్మాక్షి, సహస్ర ఇద్దరూ వెళ్లిపోతారు. దాంతో యమున పండుకి చీర ఇచ్చి ఎవరైనా ముత్తుయిదువుకి ఇచ్చేయమని అంటుంది. </p>
<p><strong>తల్లికి చీర ఇచ్చిన సిరి..</strong></p>
<p>సిరి పాప లక్ష్మీ తన చీర చింపి తన చేతికి కట్టు కట్టడం గుర్తు చేసుకొని ఆ చీర తీసుకొని లక్ష్మీ దగ్గరకు వెళ్తుంది. అప్పుడే విహారి వెళ్లిపోవడం చూసిన హరికృష్ణ ప్రసాదం తీసుకొని సూపర్‌మెన్‌కి ఇస్తానని తీసుకొని విహారి దగ్గరకు వెళ్తాడు. సిరిని చూసి లక్ష్మీ ప్రసాదం పెడతానని అంటే ప్రసాదం ఇవ్వడం కంటే ముందు మీకు ఒకటి ఇవ్వాలి అని గుడిలో పంతులు ఇచ్చారు అని నానీ ఎవరైనా ముత్తుయిదువులకు ఇవ్వమని చెప్పిందని చెప్పి సిరి ఇస్తుంది. లక్ష్మీ చీర తీసుకొని ప్రసాదం సిరి పాపకి ఇస్తుంది. మీరు నవ్వితే చాలా బాగుంటారు ఆంటీ.. లోపల నుంచి నవ్వితే ఇంకా బాగుంటారు అని అంటుంది. లక్ష్మీ సిరి మాటలకు చాలా హ్యాపీగా ఫీలవుతుంది. </p>
<p><strong>తండ్రికి ప్రసాదం ఇచ్చిన హరికృష్ణ..</strong></p>
<p>హరికృష్ణ విహారి వెనక పరుగులు తీసి సూపర్ మెన్ ఆగండి అని విహారిని పిలుస్తాడు. నన్ను సూపర్ మెన్ అంటున్నావేంటి అని విహారి అడిగితే ఆపదలో ఉన్న వాళ్లని కాపాడావు కదా.. అందుకే అని అంటాడు. ఇక ప్రసాదం తినమని హరికృష్ణ అంటే వద్దు అని విహారి అంటాడు. తినండి సూపర్ మెన్ తింటే కచ్చితంగా బాగుంది అంటారు.. మా అమ్మ చేసింది అదిరిపోతుందని అంటాడు. హరికృష్ణ వెళ్లిన తర్వాత విహారి తింటాడు. చాలా హ్యాపీగా ఫీలవుతాడు. నాకు తెలుసు సూపర్ మెన్ నువ్వు తింటావని.. బాగుంది కదా అని హరికృష్ణ అంటే బాగుంది అని విహారి అంటాడు. </p>
<p><strong>ఈ ప్రసాదం ఎవరు ఇచ్చారు.. </strong></p>
<p>సిరి ప్రసాదం తీసుకొని వెళ్లి యమునకు ఇస్తుంది. యమున అది తిని బాగుంది అని చెప్పి లక్ష్మీని గుర్తు చేసుకొని ఎవరు ఇచ్చారు.. తనని నాకు చూపించమ్మా అని అడుగుతుంది. యమునని సిరి తీసుకెళ్లే టైంకి లక్ష్మీని ఎవరో కిడ్నాప్ చేసి తీసుకెళ్లిపోతారు. </p>
<p><strong>ఇదంతా చేసింది సుభాషా..</strong></p>
<p>విహారికి ఆఫీస్‌ వాళ్లు కాల్ చేసి మాకు డబ్బులు ఇచ్చింది ఎవరో మీకు ఫొటో పెడతాం అని చెప్పి విహారికి సుభాష్‌ ఫొటో పంపిస్తారు. వీడా అని విహారి అనుకుంటూ అక్కడే అంబికతో మాట్లాడుతున్న సుభాష్‌ దగ్గరకు వెళ్లి కొడతాడు. ఇంట్లో అందరూ ఏమైందని అడిగితే మన కంపెనీ మూత పడటానికి ఉద్యోగులకు వీడు డబ్బులు ఇవ్వడానికి ప్రయత్నించాడని చెప్పి కొడతాడు. </p>
<p><strong>నేను అలా చేశా.. </strong></p>
<p>అంబిక విహారిని ఆపి తనే సుభాష్‌కి డబ్బు ఇచ్చి ఇవ్వమని చెప్పానని చెప్తుంది. నువ్వు ఎందుకు అలా చేశావ్ అని అందరూ అంబికను అడిగితే వాళ్లు డబ్బు మనుషులా లేక నమ్మకంగా పని చేస్తారా అని తెలుసుకోవడానికి ఇలా చేశాను అంటుంది. దాంతో అందరూ సైలెంట్ అయిపోతారు. నువ్వు చేసింది మంచి పనే కానీ అందరికీ చెప్పాల్సింది అని పద్మాక్షి అంటే అందరికీ చెప్పి ఇలాంటి పనులు చేయలేం అని అంబిక అంటుంది. </p>
<p><strong>పద్దు నాన్నని కూల్ చేయ్..</strong></p>
<p>విహారి కోపంగా ఉంటే సిరి పాప పద్మాక్షితో పద్దు నాన్నని కూల్ చేయ్ అని అంటుంది. నేనేం చేయాలి అని పద్మాక్షి అడిగితే నువ్వు పెద్ద సుద్ద పప్పు పద్దు.. నాన్నని లోపలికి వెళ్లమని చెప్పు అని సిరి అంటుంది. దాంతో పద్మాక్షి విహారిని లోపలికి వెళ్లమని అంటుంది. లక్ష్మీని కిడ్నాప్ చేయించిన వ్యాపారి లక్ష్మీకి వ్యాపారం వదిలేయమని అంటుంది. నన్ను ఆపేయమని చెప్పడం కాదు.. మీరు వ్యాపారం చేయాలి అంటే క్వాలిటీ మెంటైన్ చేయండి.. నిజంగా దమ్ము ధైర్యం ఉంటే నాతో పోటీ పడండి అని అంటుంది. అది చెప్పిన దాంట్లో లాజిక్ ఉందిరా,, నన్ను ఎదురించే వాళ్లు ఎవరూ లేరు.. ఇంతకు మించి ఎక్కువ చేస్తే అప్పుడు చేద్దాం అని ఆవిడ అంటుంది. సుభాష్ అంబికతో నా మీద విహారి చేయి చేసుకుంటే ఎందుకు ఆపలేదు అంటే ఇంతకంటే ఎక్కువ చేస్తే మన ఇద్దరినీ బయటకు గెంటేసేవాడు అని అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong> ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.</strong></p>
4 months ago
12 
