<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 25న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. </p>
<p><strong>నష్ట జాతకుడిని తీసుకురావొద్దు.. </strong><br /> <br />లక్ష్మీ అంత్యక్రియలు చేసిన తర్వాత విహారి క్రిష్‌ని తనతో పాటు ఇంటికి తీసుకెళ్తాడు. బాబుని లోపలికి తీసుకెళ్తుంటే పద్మాక్షి ఆపి వస్తే నువ్వు ఒక్కడివే రా కానీ నీతో పాటు ఆ నష్టజాతకుడిని తీసుకురావొద్దని అని అంటుంది. ఏంటి ఆ మాటలు అత్తయ్యా అని విహారి బాబుని తీసుకొని లోపలికి వస్తాడు. నేనేం తప్పు మాట్లాడలేదురా.. చిన్న వయసులోనే అమ్మని పొగొట్టుకున్నాడు.. తండ్రి ఎవరో తెలీదు మరి వాడిని ఏం అంటారు అని పద్మాక్షి అంటుంది. చిన్న పిల్లాడిని పట్టుకొని అలా అంటారేంటి అని విహారి అంటాడు. మా అమ్మ తప్పుగా అనలేదు అని సహస్ర అంటే తప్పేంటా.. వాళ్ల అమ్మని ఎవరో కిడ్నాప్ చేశారు.. వాళ్ల నుంచి తప్పించుకొని వస్తుంటే లోయలో పడి చనిపోయింది అని విహారి అంటే.. నా వల్ల మీరు గొడవ పడొద్దు విహారి గారు.. మీరు అన్నది నిజమే అండీ నేను నష్టజాతకుడిని మా అమ్మ చనిపోయింది..నేను ఇక్కడి నుంచి వెళ్లిపోతా అని క్రిష్ అంటే విహారి, సిరి ఆపుతారు. </p>
<p><strong>ఎక్కడికి వెళ్తావ్.. ఎక్కడ ఉంటావ్..</strong></p>
<p>విహారి క్రిష్‌ని ఆపి ఎక్కడికి వెళ్తావ్‌రా.. ఎక్కడ ఉంటావ్.. ఒక్కడివే ఎక్కడ ఉండగలవురా.. ఎలా బతుకుతావ్‌ అని విహారి అడుగుతాడు. అనాథాశ్రమంలో జాయిన్ చేద్దాం అని అంబిక అంటే అత్తయ్యా అని విహారి అరుస్తాడు. నేను వెళ్లిపోతా అని క్రిష్ అంటే నువ్వు ఎక్కడికీ వెళ్లడానికి వీళ్లేదురా.. నేను ఇంకా ప్రాణంతో ఉన్నానురా.. ఈ రోజు నేను ఇలా ఉండటానికి మీ అమ్మే కారణం.. ఇక నుంచి క్రిష్ నా వాడు.. నాతో ఉంటాడు.. వాడిని ఈ ఇంటి నుంచి వెళ్లమంటే నన్ను కూడా వెళ్లమన్నట్లే.. మీకు క్రిష్ ఇక్కడ ఉండటం ఇష్టం లేకపోతే వెళ్లిపోవచ్చు అని అంటాడు. పద్మాక్షి వాళ్లు షాక్ అయిపోతారు. </p>
<p><strong>ALSO READ: <a title="Karthika Deepam 2 Serial Today July 23rd: కార్తీకదీపం 2 సీరియల్: ఒకడు అగ్నిపర్వతం.. ఒకడు మహాసముద్రం.. వీళ్లురా నా మనవళ్లు..! RRR రేంజ్‌లో కార్తీక్, సూరజ్‌ల ఎలివేషన్!" href="https://telugu.abplive.com/entertainment/tv/karthika-deepam-2-serial-today-episode-july-23rd-2026-written-update-in-telugu-in-star-maa-jio-hotstar-254243" target="_self">Karthika Deepam 2 Serial Today July 23rd: కార్తీకదీపం 2 సీరియల్: ఒకడు అగ్నిపర్వతం.. ఒకడు మహాసముద్రం.. వీళ్లురా నా మనవళ్లు..! RRR రేంజ్‌లో కార్తీక్, సూరజ్‌ల ఎలివేషన్!</a></strong> </p>
<p><strong>వాడిలో నన్ను చూసుకుంటున్నా.. </strong></p>
<p>క్రిష్ తల్లిని గుర్తు చేసుకొని ఏడుస్తూ ఉంటాడు. విహారి ఓదార్చడానికి వెళ్తే హగ్ చేసుకొని పెద్దగా ఏడుస్తాడు. రేయ్ ఏడ్వకురా.. మీ అమ్మని తిరిగి తీసుకురాలేను కానీ నీకు ఏ లోటు రాకుండా చూసుకుంటారా అని అంటాడు. క్రిష్ ఏడుస్తూ బ్యాట్‌మెన్ నాకు మా అమ్మే గుర్తొస్తుంది. నువ్వు ఇలా నాతో ఉంటే మా అమ్మే ఉన్నట్లు ఉందని ఏడుస్తాడు. క్రిష్‌ని చూసి విహారి కూడా ఏడుస్తాడు. యమున కూడా క్రిష్‌ని ఓదార్చుతుంది. పండు వచ్చి బయటకు తీసుకెళ్తా క్రిష్‌ని పండు తీసుకెళ్తాడు. యమున విహారితో ఏంట్రా నువ్వు వాడికి ఓదార్చకుండా నువ్వు ఏడుస్తున్నావ్ అని యమున అంటే అమ్మ వాడిలో నేను నన్ను చూసుకుంటున్నా.. అంత వయసు ఉన్నప్పుడే నాన్న చనిపోయారు కదా అని విహారి అంటాడు. ఏంటోరా యాదృశ్చికంగా మీ నాన్న యాక్సిడెంట్‌లో చనిపోయారు.. క్రిష్ వాళ్ల అమ్మ కూడా చనిపోయింది.. కానీ నీకు కుటుంబం ఉంది.. వాడికి ఎవరూ లేరు అని యమున అంటుంది. </p>
<p><strong>యాక్సిడెంట్ ఎవరు చేశారో వదలను.. </strong></p>
<p>విహారి తల్లితో ఈ యాక్సిడెంట్ ఎవరు చేశారో వాళ్లని వదలను.. వాళ్లమ్మని పొట్టన పెట్టుకున్న వాళ్లని వదలను అని అంటాడు. అవునురా వాళ్లని వదలకురా అని యమున అంటుంది. అమ్మ పద్మాక్షి అత్త సహస్ర క్రిష్‌ని వదలరు నువ్వే చూసుకో అని అంటాడు. ఇక విహారికి ఆఫీస్‌ నుంచి కాల్ వస్తుంది. అంబిక అది విని డెలికేట్స్ మీటింగ్ నాశనం చేయాలి అనుకుంటుంది. </p>
<p><strong>సాక్ష్యాల కోసం వేట..</strong></p>
<p>జేడీ, కేడీలు సాక్ష్యాల కోసం స్పాట్‌కి వెళ్లి వెతుకుతూ ఉంటారు. అక్కడే సెల్ టవర్ చూసి జేడీ కేడీతో సెక్యూరిటీ కోసం సీసీ కెమెరా పెడతారు అది చూస్తే క్లారిటీ వస్తుందని అంటుంది. మరోవైపు ఇంట్లో అందరూ భోజనం చేస్తూ ఉంటారు. క్రిష్‌కి మాత్రం కింద భోజనం పెడతారు. ఇంతలో విహారి ఇచ్చి కింద ఎందుకు పెట్టారు అని అంటే నాకు కింద తినడమే అలవాటు అని క్రిష్ అంటాడు. ఎంత చెప్పినా వినలేదు అని యమున అంటుంది. క్రిష్‌ని మీదకు రమ్మని విహారి అంటే పద్మాక్షి కోపంగా చూడటంతో క్రిష్ వద్దు అంటాడు. దాంతో విహారి మీదకు తీసుకెళ్లి కూర్చొపెడతాడు. క్రిష్ కూర్చొగానే పద్మాక్షి, సహస్ర, అంబిక లేచేస్తారు. వాడు కూర్చొంటే మేం కూర్చొమని అంటారు. దీంతో ఇవాళ్టి ఎపిసోడ్ పూర్తయిపోతుంది. </p>
<p><br /><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
3 months ago
7 
