<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(ఆగస్టు 10న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. </p>
<p><strong> ఒక్క చేతితో విసిరి పడేశారు.. </strong></p>
<p>ఆంజనేయస్వామి క్రిష్‌కి ముడుపు కట్టి తల మీద పెట్టి.. ఇద్దరు పిల్లలను భుజం మీద ఎక్కించుకొని గుడి దగ్గరకు తీసుకెళ్తుంటారు. మధ్యలో ఓ పెద్ద చెట్టు ఉండటంతో స్వామి ఒక్క చేతితో అటు విసిరి పడేస్తారు. అది చూసి పిల్లలు ఇద్దరూ నోరెళ్లబెడతారు. మాకు ఇంత బలం రావాలి అంటే ఏం చేయాలి అని పిల్లలు అడిగితే ఆత్మ విశ్వాసం ఉండాలి అని స్వామి చెప్తారు. </p>
<p><strong>ALSO READ: <a title="Karthika Deepam 2 Serial Today August 10th: కార్తీకదీపం 2 సీరియల్: జ్యోత్స్న సంచలన నిర్ణయం! సూరజ్ మీద ప్రేమ కారణమా?" href="https://telugu.abplive.com/entertainment/tv/karthika-deepam-2-serial-today-episode-august-10th-2026-written-update-in-telugu-in-star-maa-jio-hotstar-255910" target="_self">Karthika Deepam 2 Serial Today August 10th: కార్తీకదీపం 2 సీరియల్: జ్యోత్స్న సంచలన నిర్ణయం! సూరజ్ మీద ప్రేమ కారణమా?</a></strong></p>
<p><strong>నా కూతురికి ఏమైనా అయితే ఊరుకోను..</strong></p>
<p>పిల్లలకు ఏం కాకూడదు అని యమున దేవుడికి దండం పెట్టుకుంటుంది. సహస్ర వచ్చి అత్తయ్యా ఇంకా పిల్లల గురించి ఏం తెలీడం లేదు అని ఏడుస్తుంది. పద్మాక్షి యమునతో నీకే ఇంట్లో తికానా లేదు నువ్వు వేరే ఎవరో కన్న వాళ్ల పిల్లలను ఇంటికి తీసుకురావడం అంతా మా ఖర్మ.. ఆ రోజే విహారితో వాడికి ఇంట్లోకి తీసుకురావొద్దు అని చెప్తే ఇంత వరకు వచ్చేది కాదు కదా.. అని పద్మాక్షి యమున మీద కేకలేస్తుంది. పిల్లలకు ఏమైనా అయితే ఆ పాపం మీదే అని అంబిక యమునని అంటుంది. ఇక సహస్ర అయితే నా కూతురికి ఏమైనా అయితే నేను ఎవరినీ వదిలి పెట్టను అని అంటుంది. దానికి పుట్టిన ఒక్కగానొక్క కూతురు.. నీకు నీ కొడుకుకి అదంటే ఇష్టం లేకపోవచ్చు కానీ మాకు మాత్రం చాలా ప్రేమ ఉందమ్మా అని పద్మాక్షి అంటుంది. దానికి యమున అలా అంటారేంటి వదిన.. సిరి అంటే మాకు ప్రాణం కదా. అదే కదా ఈ ఇంటి వారసురాలు అనిఅంటుంది. అంబిక మనసులో వారసురాలా.. అందుకే ఆ వారసురాల్ని అడవిలోనే చంపేస్తున్నా అని అనుకుంటుంది. పద్మాక్షి యమునతో పిల్లలు దొరకగానే వాడిని ఇంట్లోకి తీసుకొస్తే ఊరుకునేది లేదు అని పద్మాక్షి అంటే సిరి దొరికే వరకు ఇక్కడే ఉంచి తర్వాత పంపేద్దాం అని యమున అంటే సహస్ర, పద్మాక్షి, అంబిక ఒప్పుకోరు. మనం ఎవరు చెప్పినా విహారి వినడు.. వాడు అనుకున్నదే చేస్తాడు.. ఈ టైంలో వాడితో నేనేం చెప్పను.. మీరు చెప్తే ఆపను అని యమున అంటుంది. </p>
<p><strong>ALSO READ: <a title="Iron-Rich Foods : ఐరన్ లోపం రాకుండా ఉండాలంటే.. ఆహారంలో ఈ ఫుడ్స్ చేర్చుకుంటే మంచిది" href="https://telugu.abplive.com/photo-gallery/lifestyle/iron-rich-foods-7-foods-you-should-add-to-your-diet-to-prevent-iron-deficiency-255870" target="_self">Iron-Rich Foods : ఐరన్ లోపం రాకుండా ఉండాలంటే.. ఆహారంలో ఈ ఫుడ్స్ చేర్చుకుంటే మంచిది</a></strong></p>
<p><strong>మీ భయం పోగొడతా.. </strong></p>
<p>పిల్లలు ఇద్దరూ హనుమాన్‌తో ఇంకా ఎంత దూరం నడవాలి అని అడుగుతారు. ఓపిక ఉండాలి అని స్వామి అంటే ఓపిక ఉంది కానీ ఇందాక వచ్చిన రౌడీలు మళ్లీ వస్తారని భయంగా ఉందని అంటారు. జీవితంలో ఎప్పుడూ దేనికి భయపడకూడదు ధైర్యంగా ఉండాలి అని స్వామి అంటారు. వాళ్లు పెద్దవాళ్లు .. మేం చిన్న పిల్లలం వాళ్లని ఎలా ఎదుర్కొవాలి అని సిరి అంటే మీకు ఆ రౌడీలు అంటే భయం లేకుండా చేస్తా అని పిల్లల్ని మళ్లీ స్వామి వెనక్కి తీసుకెళ్తారు. </p>
<p><strong>రౌడీలను చితక్కొట్టించిన స్వామి.. </strong></p>
<p>పిల్లల్ని తీసుకొని రౌడీల ఎదురుగా వెళ్తారు. రౌడీలు పిల్లల్ని చూసి మీ కోసం వెతికితే మీరే కనిపించారు అని పిల్లల్ని ముట్టుకోబోతే పిల్లలు ఇద్దరూ రౌడీలను కొట్టడం వాళ్ల వెనక స్వామి ఉండి కొట్టడంతో పాతాళంలోకి రౌడీలు దిగిపోతారు. మాలో ఇంత ధైర్యం నింపినందుకు థ్యాంక్స్ అని పిల్లలు చెప్తారు. తర్వాత స్వామి ఓ చెట్టు చూపించి అది దాటితే గుడి ఇక మీరు వెళ్లండి నేను వెళ్తా అని అంటారు. పిల్లలు ఇద్దరూ ఆంజనేయస్వామికి బాయ్ చెప్పేసి వెళ్తూ ఉంటే దారిలో పులి కనిపిస్తుంది. </p>
<p><strong>అమ్మో పులి.. </strong></p>
<p>పిల్లలు ఇద్దరూ పులిని చూసి భయపడి పరుగులు తీసి ఓ చెట్టు ఎక్కి కూర్చొంటారు. పులి గాండ్రింపులు చూసి ఏడుస్తారు. మరోవైపు విహారి, పండు, సంధ్య అటుగా వస్తూ ఉంటారు. పులి గాండ్రింపులకు సిరి భయపడి చెట్టు మీద నుంచి కింద పడిపోబోతే క్రిష్ పట్టుకుంటాడు. అచ్చం దేవుళ్లు సినిమాలో పిల్లలు చెట్టుకు వేలాడినట్లు సిరి వేలాడుతుంది. ఇంతలో విహారి వాళ్లు అక్కడికి వచ్చి విహారి పులిని చూసి పరుగున వెళ్లి రెండు చేతులతో పులి చేతులు పట్టేసి గిరగిరా తిప్పేసి దూరం విసిరేస్తాడు.(నిజానికి ఈ సీన్‌ చూస్తే అది పులా.. పిల్లా అలా విసిరేశాడు అని నవ్వు వస్తుంది) తర్వాత పిల్లల్ని కిందకి దించుతారు. పండు పిల్లల్ని పట్టుకొని ఏడుస్తాడు. </p>
<p><strong>ALSO READ: <a title="Mehendi Care Tips : మెహందీ పెట్టుకుంటున్నారా? రంగు ముదురుగా మారి ఎర్రగా పండాలంటే ఈ చిట్కాలు పాటించండి" href="https://telugu.abplive.com/photo-gallery/lifestyle/how-to-make-mehendi-darker-8-tips-for-a-long-lasting-henna-stain-255873" target="_self">Mehendi Care Tips : మెహందీ పెట్టుకుంటున్నారా? రంగు ముదురుగా మారి ఎర్రగా పండాలంటే ఈ చిట్కాలు పాటించండి</a></strong></p>
<p><strong>గుడికి వెళ్దాం నాన్న..</strong></p>
<p>విహారి పిల్లల్ని ఇంటికి తీసుకెళ్తానని అంటే క్రిష్, సిరి విహారిని బతిమాలుతారు. పండు కూడా చెప్పడంతో విహారి గుడికి వెళ్లడానికి ఒప్పుకుంటాడు. అందరూ కలిసి ఆంజనేయస్వామి గుడికి వెళ్లి దర్శనం చేసుకొని ముడుపు చెల్లిస్తారు. సిరి, క్రిష్‌లు లక్ష్మీకి ఏం కాకూడదు అని మొక్కుకుంటారు. ఇక పంతులు ముడుపు తీసి స్వామి వారికి సమర్పిస్తూ ఉంటే అందులో సీతారాముల బొమ్మ చెక్కి ఉన్న నాణెం చూసి స్వామి వారిని ఆశ్చర్యంగా చూస్తారు. తర్వాత క్రిష్‌ దగ్గరకు వెళ్లి ఈ నాణెం ఎక్కడికి అసలు మీకు ముడుపు ఎవరు కట్టారు అని అడుగుతారు. దారిలో ఒకాయన కనిపించారు.. కాషాయం బట్టలు వేసుకున్నారు అని క్రిష్ చెప్పగానే వచ్చింది సాక్ష్యాత్తు స్వామివారే అని పంతులు సంతోషపడతారు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
2 months ago
5 
