<p><strong>Vinod Kambli News:</strong> భారత మాజీ క్రికెటర్ వినోద్ కాంబ్లీ ఆరోగ్యం క్రమక్రమంగా మెరుగవుతోంది. మూత్ర ఇన్ఫెక్షన్, మెదడులో రక్తం గడ్డ కట్టడంతో ఆస్పత్రిలో చేరిన ఈ మాజీ క్రికెటర్ తాజాగా కోలుకుంటున్నట్లు ఆస్పత్రి వర్గాలు తెలిపాయి. ఇక, తాజాగా అతను నర్స్ తో కలిసి హుషారుగా స్టెప్పులు వేసిన వీడియతో తెగ వైరలైంది. తాను బాగానే ఉన్నట్లు, క్రమంగా కోలుకుంటున్నట్లు అభిమానులకు భరోసా కలిగేలా ఈ వీడియో ఉంది. ఈ వీడియలో చక్ దే ఇండియా పాటకు డ్యాన్స్ చేసిన కాంబ్లీ.. నర్స్ తో కలిసి హుషారుగా పాటలకు స్టెప్పులేస్తూ కనిపించాడు. అతడిని చూస్తుంటే ఏమాత్ర అసౌకర్యంగా లేనట్లు కనిపిస్తోంది. దీంతో కాంబ్లీ అభిమానులు హేపీగా ఫీలవుతున్నారు. ప్రస్తుతం ఈ వీడియో సోషల్ మీడియా వైరల్ అవుతోంది. కాంబ్లీ త్వరగా కోలుకోవాలని కోరుతూ, షేర్లు, లైకులతో ఈ వీడియోను అభిమానులు షేర్ చేస్తున్నారు. </p>
<blockquote class="twitter-tweet" data-media-max-width="560">
<p dir="ltr" lang="en">Vinod Kambli 's recovery: Shaking legs on Chak De India title in hospital <a href="https://twitter.com/hashtag/ShahRukhKhan?src=hash&ref_src=twsrc%5Etfw">#ShahRukhKhan</a> <a href="https://t.co/lCykEUxkOf">pic.twitter.com/lCykEUxkOf</a></p>
— ℣ (@Vamp_Combatant) <a href="https://twitter.com/Vamp_Combatant/status/1874076951247544668?ref_src=twsrc%5Etfw">December 31, 2024</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>దీన స్థితిలో కాంబ్లీ....</strong><br />మరోవైపు ఇటీవలే కోచ్ రామకాంత్ అచ్రేకర్ స్మారక కార్యక్రమం కోసం ఇటీవల సచిన్, కాంబ్లీ ఒకే వేదికను పంచుకున్నారు. అయితే కనీసం లేచి నిలబడలేని స్థితిలో కాంబ్లీ కనిపించడంతో అభిమానులు షాకయ్యారు. బీసీసీఐ మాజీ క్రికెటర్లకు ఇచ్చే రూ.30 వేల పెన్షన్ పైనే బతుకు వెళ్ల దీస్తున్నట్లు వివరించాడు. అయితే కాంబ్లీ దీన స్థితిపై భారత మాజీ కెప్టెన్ కపిల్ దేవ్ స్పందించాడు. కాంబ్లీకి సాయం చేసేందుకు 1983 గెలిచిన భారత జట్టు సభ్యులంతా సిద్ధంగా ఉన్నామని, అయితే కాంబ్లీ ఒక షరతుకు ఒప్పుకోవాలని కపిల్ సూచించాడు. వెంటనే అతను రిహాబిలిటేషన్ సెంటర్ కు వెళ్లాలని కోరాడు. తాగుడు వ్యసనానికి బానిస కావడంతో కాంబ్లీ ఆరోగ్యం క్షీణించిదన్న ప్రచారం ఉంది. తాజాగా దీనిపై కాంబ్లీ స్పందించాడు. తాను కపిల్ పెట్టిన షరతు ప్రకారం రిహబిలిటేషన్ సెంటర్ కు వెళ్లేందుకు సిద్ధంగా ఉన్నాని పేర్కొన్నాడు. ఇటీవల తన ఆరోగ్యం చాలా పాడైపోయిందని, తన భార్య దగ్గరుండి మరీ చూసుకుంటుందని వివరించాడు. ఇప్పటికే మూడు ఆస్పత్రులకు తనను తీసుకెళ్లిందని, మూత్రం ఆగకపోవడమనే సమస్యను తను ఎదుర్కొంటున్నట్లు వెల్లడించాడు. తన కుమారుడు క్రిస్టియానో, పదేళ్ల కూతురు నిత్యం తనను అంటి పెట్టుకుని చూసుకుంటున్నారని వివరించాడు </p>
<p><strong>సచిన్ ఎంతో చేశాడు..</strong><br />మరోవైపు తన చిన్ననాటి స్నేహితుడు సచిన్ ను తాను గతంలో అపార్థం చేసుకున్నట్లు గతంలో కాంబ్లీ వివరించాడు. నిజానికి సచిన్ తనకెంతో సాయం చేశాడని, రెండుసార్లు హాస్పిటల్ బిల్లులు కూడా చెల్లించినట్లు తెలిపాడు. ఒకదశలో సచిన్ తన కోసం ఏమీ చేయలేదని నిరాశపడ్డానని, అయితే తనకోసం చేయాల్సిందంతా సచిన్ చేశాడని వివరించాడు. కెరీర్ సమయంలో ఎలా ఆడాలో సచిన్ చెప్పేవాడని గుర్తు చేసుకున్నాడు. తన ప్రొత్సాహం వల్లే జట్టులోకి తొమ్మిది సార్లు కంబ్యాక్ చేసినట్లు వెల్లడించాడు. క్రికెటర్లకు గాయాలు ఆటలో సహజమని, వాటిని తట్టుకుని ముందుకు వెళ్లినవారే నిలబడుతారని పేర్కొన్నాడు. వాంఖడే వేదికగా తను చేసిన డబుల్ సెంచరీని ఎప్పటికీ మర్చిపోలేనని కాంబ్లీ తెలిపాడు. 1991-2000 మధ్య అంతర్జాతీయ క్రికెట్ ఆడిన కాంబ్లీ.. 17 టెస్టులు, 104 వన్డేలు ఆడాడు. 17 టెస్టుల్లో 54 సగటుతో 1084 పరుగులు చేశాడు. ఇందుల నాలుగు సెంచరీలు ఉండగా, అత్యధిక స్కోరు 227. ఇక 104 వన్డేల్లో 32.59 సగటుతో 2477 పరుగులు చేశాడు. ఇందులో రెండు సెంచరీలు ఉండగా, అత్యధిక స్కోరు 106 కావడం విశేషం. </p>
<p>Also Read:<a title=" <strong>Ind Vs Aus Test Series: సిడ్నీ టెస్టులో కోహ్లీ, విరాట్ తప్పుకుంటారా? తప్పిస్తారా? సెలెక్టర్లపై మాజీ క్రికెటర్ ఫైర్</strong>" href="https://telugu.abplive.com/sports/cricket/former-india-cricketer-surinder-khanna-took-a-dig-at-virat-kohli-and-rohit-sharma-over-their-poor-form-in-recent-matches-in-the-longest-format-of-the-game-192387" target="_blank" rel="nofollow noopener"> <strong>Ind Vs Aus Test Series: సిడ్నీ టెస్టులో కోహ్లీ, విరాట్ తప్పుకుంటారా? తప్పిస్తారా? సెలెక్టర్లపై మాజీ క్రికెటర్ ఫైర్</strong></a></p>
11 months ago
8 
