<p><strong>India Clinch Twin Kabaddi Gold Medals In Nagoya Asian Games:</strong> ఆసియా గేమ్స్ 2026 వేదికగా భారత కబడ్డీ జట్లు అద్భుతమైన డబుల్ ధమాకాతో సరికొత్త చరిత్రను లిఖించాయి. శనివారం నగోయాలో జరిగిన హోరాహోరీ ఫైనల్ పోరుల్లో పురుషులు, మహిళల జట్లు రెండూ బలమైన ప్రత్యర్థి ఇరాన్‌ను మట్టికరిపించి స్వర్ణ పతకాలను ముద్దాడాయి. తొలుత జరిగిన మహిళల ఫైనల్లో భారత్ 37-34 తేడాతో విజయం సాధించగా, ఆ తర్వాత జరిగిన పురుషుల ఫైనల్లో భారత జట్టు 40-34తో ఇరాన్‌పై చిరస్మరణీయ విజయాన్ని అందుకుంది. దీంతో ఈ మెగా ఈవెంట్ కబడ్డీలో భారత్ పూర్తి ఆధిపత్యాన్ని చాటుతూ గోల్డెన్ డబుల్ సాధించింది. ఉత్కంఠభరితంగా సాగిన పురుషుల తుది సమరంలో ఒక దశలో ఇరు జట్లు 20-20తో సమంగా నిలిచాయి. అయితే ఆఖరి క్షణాల్లో భారత ఆటగాళ్లు సంయమనం పాటిస్తూ పక్కా వ్యూహంతో రైడింగ్, డిఫెన్స్‌లలో పాయింట్లు కొల్లగొట్టి మ్యాచ్‌ను చేతుల్లోకి తీసుకున్నారు.</p>
<blockquote class="twitter-tweet">
<p dir="ltr" lang="en">One more golden chapter! The crown stays with India 👑🇮🇳<a href="https://x.com/hashtag/ProKabaddi?src=hash&ref_src=twsrc%5Etfw">#ProKabaddi</a> <a href="https://x.com/hashtag/IndiavIran?src=hash&ref_src=twsrc%5Etfw">#IndiavIran</a> <a href="https://x.com/hashtag/AsianGames2026?src=hash&ref_src=twsrc%5Etfw">#AsianGames2026</a> <a href="https://x.com/hashtag/RaidForGlory?src=hash&ref_src=twsrc%5Etfw">#RaidForGlory</a> <a href="https://t.co/qmpeskKJTH">pic.twitter.com/qmpeskKJTH</a></p>
— ProKabaddi (@ProKabaddi) <a href="https://x.com/ProKabaddi/status/2103788756994286005?ref_src=twsrc%5Etfw">September 26, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>పురుషుల విభాగంలో తొమ్మిదో స్వర్ణం.. చరిత్రను తిరగరాసిన వైనం</strong><br />ఆసియా క్రీడల కబడ్డీ చరిత్రలో భారత పురుషుల జట్టుకు ఇది తొమ్మిదో స్వర్ణ పతకం కావడం విశేషం. 1990 నుంచి వరుసగా ఏడుసార్లు పసిడి పతకాలను కొల్లగొట్టిన భారత జట్టుకు 2018 జకార్తా క్రీడల్లో బ్రేక్ పడింది. ఆ సమయంలో ఇరాన్ ఛాంపియన్‌గా నిలవగా, భారత్ కాంస్య పతకంతో సరిపెట్టుకుంది. అయితే 2023 హాంగ్జౌ క్రీడల్లో తిరిగి టైటిల్‌ను గెలుచుకున్న భారత పురుషుల జట్టు, ఇప్పుడు నగోయాలోనూ అదే జోరును కొనసాగించి తమ ఆధిపత్యాన్ని మరింత పటిష్టం చేసుకుంది.</p>
<blockquote class="twitter-tweet">
<p dir="ltr" lang="en">GOLD FOR THE KABADDI QUEENS! 🚨🥇<br /><br />The Indian Women’s Kabaddi team edge past Iran to clinch the GOLD medal at the 20th Asian Games Aichi-Nagoya 2026! 🤼‍♀️<br /><br />Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.<a href="https://x.com/hashtag/SonySportsNetwork?src=hash&ref_src=twsrc%5Etfw">#SonySportsNetwork</a> <a href="https://x.com/hashtag/SonyLIV?src=hash&ref_src=twsrc%5Etfw">#SonyLIV</a>… <a href="https://t.co/JNMEfevxD8">pic.twitter.com/JNMEfevxD8</a></p>
— Sony Sports Network (@SonySportsNetwk) <a href="https://x.com/SonySportsNetwk/status/2103840937516658740?ref_src=twsrc%5Etfw">September 26, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>తొలి అర్ధభాగంలోనే లీడ్.. మహిళల జట్టు అద్భుత పోరాటం</strong><br />అంతకుముందు జరిగిన మహిళల విభాగం ఫైనల్లో భారత అమ్మాయిలు అద్భుత ప్రదర్శనతో ఆకట్టుకున్నారు. తొలి అర్ధభాగం ముగిసే సమయానికి భారత్ 22-16తో స్పష్టమైన ఆధిక్యంలో నిలిచింది. అయితే రెండో అర్ధభాగంలో ఇరాన్ తీవ్రంగా పోరాడి 18-15తో పాయింట్లు రాబట్టి భారత్‌పై ఒత్తిడి తెచ్చింది. మొదటి అర్ధభాగంలో లభించిన పాయింట్ల కుషన్ భారత మహిళల జట్టును విజయతీరాలకు చేర్చింది. 2018 జకార్తా క్రీడల్లో రజతంతో సరిపెట్టుకున్న భారత మహిళల జట్టు, మిగిలిన అన్ని ఎడిషన్లలోనూ స్వర్ణ పతకాలను సొంతం చేసుకుని రికార్డు నెలకొల్పింది.</p>
<p><strong>మైదానంలో విక్టరీ ల్యాప్.. వందేమాతరం నినాదాలతో హోరెత్తిన స్టేడియం</strong><br />ఈ చారిత్రక విజయాల అనంతరం భారత క్రీడాకారులు జాతీయ జెండాతో మైదానమంతా విక్టరీ ల్యాప్ కొడుతూ సంబరాలు చేసుకున్నారు. స్టేడియంలో వందేమాతరం అంటూ నినదిస్తూ భారత జట్టు సభ్యులు తమ దేశభక్తిని, క్రీడాస్ఫూర్తిని చాటుకున్నారు. ఒకే రోజు రెండు స్వర్ణాలు సాధించి భారత్ తన ఖండాంతర కబడ్డీ ఆధిపత్యాన్ని ప్రపంచానికి మరోసారి చాటిచెప్పింది.</p>
1 month ago
2 
