<p>హీరోలు సేవ చేయడం సహజమే. హీరోల పేరుతో కొంత మంది అభిమానులు కూడా సేవ చేయడం మనం చూస్తున్నాం. అయితే హీరోల పేరుతో అభిమానులు చేసే సేవ, చేపట్టే కార్యక్రమాలు ఒక్కోసారి లేనిపోని చిక్కులు తెచ్చి పెడతాయి. అందుకు తాజా ఉదాహరణ... మ్యాన్ ఆఫ్ మాసెస్ ఎన్టీఆర్ (NTR) రాజకీయ రంగ ప్రవేశం గురించి జరుగుతున్న చర్చ. తిరుపతి 'ఊరూ వాడ' కార్యక్రమం. అసలు, ఈ కార్యక్రమానికి ఎన్టీఆర్‌కు సంబంధం లేదనేది హీరో సన్నిహిత వర్గాల నుంచి వినబడుతున్న సమాచారం.</p>
<p><strong>అభిమానులు చేపట్టిన ప్రోగ్రామ్...</strong><br /><strong>తిరుపతి ప్రెస్‌మీట్‌లో 'నో' ఎన్టీఆర్!</strong><br />''వంద కోట్లతో సేవా యజ్ఞం... ఊరూ వాడ వస్తున్నాం'' అంటూ మే 12, 2026న ఓ అభిమాని (Raw NTR Twitter Handle) నుంచి ట్వీట్ వచ్చింది. వంద కోట్లు, పల్లె ప్రాంతాల పర్యటన అనేసరికి ఎన్టీఆర్ ఆదేశాలతో జరుగుతున్న ప్రోగ్రామ్ అని పలువురు భావించారు. దాంతో భవిష్యత్ రాజకీయ అవసరాలు, రాజకీయ రంగ ప్రవేశం కోసం ఇప్పట్నించీ పావులు కదుపుతున్నారని గుసగుసలు మొదలు అయ్యాయి. ఆ వార్తలు ఎన్టీఆర్ వరకు వెళ్ళడంతో ఆయన ఆఫీసు నుంచి ఓ ప్రకటన వచ్చింది. </p>
<p>'ఊరూ వాడ' పేరును ఎన్టీఆర్ ఆఫీసు ప్రతినిధులు ప్రస్తావించలేదు. కానీ, ''ఎన్టీఆర్ పేరుతో కొంత మంది అభిమానులు నిధుల సేకరణ, సామాజిక సేవా కార్యక్రమాలు చేపడుతున్నట్టు మా దృష్టికి వచ్చింది. వాటికీ, ఎన్టీఆర్‌కు ఎటువంటి సంబంధం లేదు'' అని ఓ ప్రకటనలో పేర్కొన్నారు. 'ఊరూ వాడ'ను మే 12న అనౌన్స్ చేస్తే... ఎన్టీఆర్ ఆఫీసు నుంచి మే 13న ప్రకటన వచ్చింది.</p>
<p>Also Read<strong>: <a title="Thamizh Murugan Vs God of War - ధనుష్ 'తమిళ్ మురుగన్'... ఎన్టీఆర్ - త్రివిక్రమ్ సినిమాకు కౌంటరా?" href="https://telugu.abplive.com/entertainment/cinema/thamizh-murugan-vs-ntr-trivikram-god-of-war-dhanush-vetrimaaran-new-movie-announcement-sparks-debate-253144" target="_self">Thamizh Murugan Vs God of War - ధనుష్ 'తమిళ్ మురుగన్'... ఎన్టీఆర్ - త్రివిక్రమ్ సినిమాకు కౌంటరా?</a></strong></p>
<p><img src="https://feeds.abplive.com/onecms/images/uploaded-images/2026/07/14/c4cac421311f622da182972e92f692881784014813110313_original.jpg" /><br /><strong>మళ్ళీ తెరపైకి 'ఊరూ వాడ'... ఎందుకు?</strong><br />తమకు సంబంధం లేదని ఎన్టీఆర్ ఆఫీసు పేర్కొనడంతో ఎన్టీఆర్ అభిమాని ట్వీట్ నుంచి మొదలైన 'ఊరూ వాడ' ఊసులు కనుమరుగు అయ్యాయి. వాటి గురించి పెద్దగా ఎవరూ పట్టించుకోలేదు. అయితే... నెల్లూరు నుంచి నిర్వహిస్తున్న ఓ చిన్న 'జమీన్ రైతు'లో దానికి సంబంధించిన వార్త పబ్లిష్ అయ్యింది. 'జనం కోసం నందమూరి అందగాడు వస్తున్నాడు... రాజకీయ రంగ ప్రవేశానికి సన్నాహాలు చేస్తున్నాడు' అంటూ పెద్ద పెద్ద అక్షరాలతో వార్తను ప్రచురించారు. ఓ పార్టీకి సోషల్ మీడియాలో సపోర్ట్ చేసే కొన్ని హ్యాండిల్స్ ఆ వార్తను వైరల్ చేశాయి. దాంతో ఎన్టీఆర్ పొలిటికల్ ఎంట్రీ గురించి మళ్ళీ చర్చ మొదలైంది.</p>
<p>Also Read<strong>: <a title="Ram Charan Vs NTR - రామ్ చరణ్ vs ఎన్టీఆర్... 'ఆర్ఆర్ఆర్' తర్వాత బిజినెస్‌లో అప్పర్ హ్యాండ్ ఎవరిది?" href="https://telugu.abplive.com/entertainment/cinema/ram-charan-vs-ntr-post-rrr-pre-release-business-comparison-explained-devara-game-changer-war-2-peddi-249245" target="_self">Ram Charan Vs NTR - రామ్ చరణ్ vs ఎన్టీఆర్... 'ఆర్ఆర్ఆర్' తర్వాత బిజినెస్‌లో అప్పర్ హ్యాండ్ ఎవరిది?</a></strong></p>
<p><img src="https://feeds.abplive.com/onecms/images/uploaded-images/2026/07/14/da988a11069bbb4a1b0c11d75077efda1784014848160313_original.jpg" /><br />జూలై 18న తిరుపతిలో 'ఊరూ వాడ' గురించి ప్రెస్ మీట్ నిర్వహిస్తున్నారు. ఆ విలేకరుల సమావేశంలో ఎన్టీఆర్ రాజకీయ రంగప్రవేశం గురించి ప్రకటన వచ్చే అవకాశం ఉందంటూ విస్తృతంగా ప్రచారం జరిగింది. ఆ రాజకీయ ఊహాగానాలకూ, 'ఊరూ వాడ'కు ఎటువంటి సంబంధం లేదని 'రా ఎన్టీఆర్' ట్విట్టర్ హ్యాండిల్ వెల్లడించింది. దాన్ని అభిమాన సంఘాల నుంచి వచ్చిన ప్రకటనగా కొందరు రిపోర్ట్ చేశారు.</p>
<p>Also Read<strong>: <a title="అడ్రస్ పెట్టు... అడ్రస్ పెట్టు... అభిమానికి కుకీస్ పంపిన ఎన్టీఆర్" href="https://telugu.abplive.com/entertainment/cinema/jr-ntr-actually-delivered-cookies-to-fan-address-pettu-tweet-on-x-went-viral-249633" target="_self">అడ్రస్ పెట్టు... అడ్రస్ పెట్టు... అభిమానికి కుకీస్ పంపిన ఎన్టీఆర్</a></strong></p>
<p><strong>ఎన్టీఆర్ వస్తున్నారా? అసలు వాస్తవం ఏమిటి?</strong><br />హీరోలకు ఎంతో మంది అభిమానులు ఉంటారు. కోట్లాది మందితో ప్రతి రోజూ హీరో మాట్లాడటం కుదిరే పని కాదు. ప్రతి ఒక్కరికీ ఆదేశాలు ఇవ్వడం జరిగే వ్యవహారం కాదు. అభిమానులు చూపించే ప్రేమకు కృతజ్ఞత చెప్పడం తప్ప వాళ్ళను ఎక్కడ కట్టడి చేయగలరు? 'ఊరూ వాడా' కార్యక్రమంలోనూ జరుగుతున్నది అదే. అయితే ఆ కార్యక్రమానికి ఎన్టీఆర్ హాజరు అవుతున్నారని జరుగుతున్న ప్రచారంలో నిజం లేదు. ఆ సామాజిక సేవా కార్యక్రమం జరుగుతున్నది ఎన్టీఆర్ పేరుతో. అలాగే, ఆ కార్యక్రమం చేస్తున్నది ఎన్టీఆర్ అభిమాని. అయినప్పటికీ... ఆయనకు, ఆ 'ఊరూ వాడ'కు సంబంధం లేదని ఎన్టీఆర్ సన్నిహితులు తెలిపారు.</p>
<p><img src="https://feeds.abplive.com/onecms/images/uploaded-images/2026/07/14/afca224a603f63e5d4cf6a0d7d57b5091784014894378313_original.jpg" /></p>
<p>ఏపీ రాజకీయాలు కొన్ని రోజులుగా సోషల్ మీడియా చుట్టూ తిరుగుతున్నాయి. ఓ యూట్యూబర్, మరో జర్నలిస్ట్ అరెస్టులు జరిగాయి. రాజకీయ కక్షతో చేసిన పని అని ప్రతిపక్ష పార్టీలు ఆరోపణలు చేశాయి. అయితే... ఆ అంశం నుంచి దృష్టి మళ్ళించడం కోసం అనుకూల మీడియాలో వరుసగా యంగ్ హీరోల రాజకీయ రంగ ప్రవేశం అంటూ కొత్త పల్లవి అందుకున్నారని అనుమానాలు మొదలు అయ్యాయి. అల్లు అర్జున్, ఎన్టీఆర్, విజయ్ దేవరకొండలను రాజకీయ క్రీడలోకి లాక్కొచ్చారని ఫిల్మ్ నగర్ ప్రముఖుల్లో చర్చ జరుగుతోంది. ప్రస్తుతం 'డ్రాగన్' చిత్రీకరణ, ఆ సినిమా పనుల్లో ఎన్టీఆర్ బిజీగా ఉన్నారు.</p>
<p>Also Read<strong>: <a title="NTR Cars Collection - పోర్షే నుంచి లంబోర్ఘిని వరకు... ఎన్టీఆర్ గ్యారేజీలో కార్ కలెక్షన్, ఆయన టోటల్ నెట్ వర్త్ తెలుసా?" href="https://telugu.abplive.com/entertainment/cinema/jr-ntr-net-worth-hundred-crores-wealth-luxury-cars-costly-watches-full-details-revealed-247752" target="_self">NTR Cars Collection - పోర్షే నుంచి లంబోర్ఘిని వరకు... ఎన్టీఆర్ గ్యారేజీలో కార్ కలెక్షన్, ఆయన టోటల్ నెట్ వర్త్ తెలుసా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/devara-actor-jr-ntr-films-featuring-dual-or-triple-roles-and-their-success-ratio-179756" width="631" height="381" scrolling="no"></iframe></p>
3 months ago
9 
