<p><strong>Shubh Muhurat For Joining New Job:</strong> ఆఫీసులో వేసే మొదటి అడుగు కేవలం ఫార్మాలిటీ కాదు. భవిష్యత్తుకు మార్గం ఈ క్షణం నుంచే మొదలవుతుంది. నేటి కార్పొరేట్ యుగంలో, ప్రజలు ఉద్యోగం మారడాన్ని జీవితంలో అదో కొత్త ఒప్పందంగా భావిస్తారు. అందుకే తొలి అడుగు మంచి రోజు, మంచి ముహూర్తం చూసుకుని వేస్తారు.</p>
<p>రాశి ,నక్షత్రం ప్రకారం మంచి రోజు చూసుకుని నూతన ఉద్యోగంలో చేరితే మంచి ఫలితం దక్కుతుందని, కష్టానికి తగిన ఫలితం లభిస్తుందని, ప్రమోషన్ వస్తుందని చాలామంది నమ్మకం. </p>
<p>ఉద్యోగంలో చేరే రోజు మంచి ముహూర్తం లేకపోతే..రావాల్సిన ప్రమోషన్ ఆగిపోతుందని, ప్రతి అడుగులోనూ సమస్యలు ఎదురవుతాయని , బాస్ తో సత్సంబంధాలు దెబ్బతింటాయని కొందరి భయం..</p>
<p>శాస్త్రాలు, ముహూర్తాలు పట్టించుకోనివారి సంగతి సరే..వీటిని పరిగణలోకి తీసుకునే వారు శుభముహూర్తం చూసుకుంటారు.. <br /> <br /><strong>శుభ ముహూర్తం ఎందుకు ముఖ్యం?</strong></p>
<p>ముహూర్త చింతామణి ప్రకారం విదియ, పంచమి, దశమి, ఏకాదశి, త్రయోదశి కార్యారంభే శుభాః...అంటే ఉద్యోగంలో కానీ ఏదైనా పెద్ద పనిని కానీ ఈ రోజు ప్రారంభిస్తే మంచి జరుగుతుంది.<br /> <br />ముహూర్త చింతామణి ప్రకారం.. సోమవారం, బుధవారం, గురువారం, శుక్రవారం స్థిరత్వం విజయాన్ని తీసుకొస్తాయి. రోహిణి, హస్త, అనూరాధ, రేవతి నక్షత్రాలలో ప్రారంభించిన పని చాలా కాలం పాటు కొనసాగుతుంది. అదేవిధంగా అభిజిత్ ముహూర్తం ప్రతి పనిని శాశ్వతం చేసే సమయం.</p>
<p>ఏ రోజుల్లో చేరొద్దు<br /> <br />మంగళవారం, శనివారం శుభప్రదంగా పరిగణించరు. ఈ రోజున పనిని ప్రారంభిస్తే, కార్యాలయంలో వివాదాలు ,అడ్డంకులు ఎదురవుతాయి. అదేవిధంగా.. అష్టమి, చతుర్దశి, అమావాస్య తేదీలు ఉద్యోగంలో ఒత్తిడి అడ్డంకులను కలిగిస్తాయి. రాహుకాలం, యమగండం ఉన్న సమయంలో ఉద్యోగంలో చేరడం మంచిది కాదు. ఈ సమయాల్లో నూతన ఉద్యోగంలో చేరినా, కొత్త పని ప్రారంభించినా కష్టాలు తప్పవు.<br /> <br /><strong>కార్పొరేట్ నిపుణుల కోసం ప్రత్యేక సూచనలు</strong></p>
<p>సోమవారం , గురువారం ఉద్యోగంలో చేరేవారు రెగ్యులర్ గాబాస్ నుంచి మద్దతు పొందుతారు..పదోన్నతి త్వరగా లభిస్తుంది. బుధవారం , శుక్రవారం ప్రవేశించే వ్యక్తులు టీమ్‌వర్క్ నెట్‌వర్కింగ్‌లో బలంగా ఉంటారు. మంగళవారం, శనివారం నూతన ఉద్యోగంలో చేరేవారు కష్టానికి తగిన ఫలితం పొందలేరని, తగిన గుర్తింపు లభించదని, ఏదో ఒక సమస్యలలో చిక్కుకుంటారని ముహూర్త చింతామణిలో ఉంది. </p>
<p><strong>మొదటి రోజు ఏ రంగు దుస్తులు ధరించాలి</strong><br /> <br />ఉద్యోగంలో చేరే మొదటి రోజు నీలం రంగు దుస్తులు ధరించండి. కార్యాలయంలోకి ప్రవేశించేముందు ఓం గం గణపతయే నమః జపించండి. కొత్త పెన్ లేదా డైరీని తీసుకెళ్లడం ప్రారంభానికి చిహ్నం.</p>
<p>కార్పొరేట్ రంగంలో విజయం నైపుణ్యాలు, కష్టానికి సంబంధించినది కాదు. సరైన ప్రారంభమే సరైన గమ్యానికి చేరుస్తుందని శాస్త్రాలు నమ్ముతాయి. చేరే రోజు, నక్షత్రం ,ముహూర్తం అనుకూలంగా ఉంటే, కెరీర్‌లోని ప్రతి గమ్యం సులభం అవుతుంది.</p>
<p>ప్ర. నిజంగానే చేరే రోజు కెరీర్‌పై ప్రభావం చూపుతుందా?<br />అవును, ముహూర్త చింతామణిలో కార్యారంభం ప్రాముఖ్యత స్పష్టంగా ఉంది<br /> <br /><strong>ప్ర. ఉత్తమ రోజులు ఏవి?</strong><br />గురువారం , శుక్రవారం, ముఖ్యంగా దశమి మరియు ద్వితీయ తేదీల్లో.</p>
<p><strong>ప్ర. ఏ రోజులను నివారించాలి?</strong><br />మంగళవారం, శనివారం .. రాహుకాలం/యమగండం సమయం.</p>
<p><strong>ప్ర. కార్పొరేట్‌లో కూడా పూజలు ఎందుకు?</strong><br />ఎందుకంటే ఇది మనోబలాన్ని పెంచుతుంది, సానుకూల శక్తితో ప్రారంభమవుతుంది.</p>
<p><strong>గమనిక:</strong> ఇక్కడ అందించిన సమాచారం నమ్మకాలు ఆధారంగా సేకరించింది మాత్రమే. ABP దేశం ఎలాంటి నమ్మకాన్ని లేదా సమాచారాన్ని ధృవీకరించడంలేదు. ఏదైనా సమాచారం లేదా నమ్మకాన్ని అమలు చేయడానికి ముందు, సంబంధిత నిపుణుడిని సంప్రదించండి.</p>
<p><iframe class="vidfyVideo" style="border: 0px;" src="https://telugu.abplive.com/web-stories/spirituality/vastu-tips-can-we-place-radha-krishna-photo-in-bedroom-and-importance-of-radha-krishna-paintings-219631" width="631" height="381" scrolling="no"></iframe></p>
2 months ago
3 
