<p>Jio Platforms ప్రతిపాదిత తొలి పబ్లిక్ ఇష్యూ (IPO)పై దాదాపు రూ. 2.5 లక్షల కోట్ల విలువైన పెట్టుబడికి డిమాండ్ వచ్చింది. ఈ షేర్ల కేటాయింపును కోరుతున్నవారిలో ప్రపంచ దిగ్గజ ఇన్వెస్టర్ బ్లాక్‌రాక్ నుంచి ఎల్‌ఐసీ వరకు.. ప్రధాన గ్లోబల్ ఆస్తి నిర్వహణ సంస్థలు, సావరిన్ వెల్త్ ఫండ్లు, భారత ఆర్థిక సంస్థలు ఉన్నాయని మనీ కంట్రోల్ నివేదిక తెలిపింది.</p>
<p>Jio Platforms ఒక ప్రత్యేక లిస్టెడ్ సంస్థగా మారే క్రమంలో ఇన్వెస్టర్లకు షేర్లను కొనుగోలు చేసే అవకాశాన్ని కల్పించింది. రిలయన్స్ ఇండస్ట్రీస్ సబ్సిడరీ అయిన ఈ కంపెనీ టెలికమ్యూనికేషన్స్, వివిధ రకాల డిజిటల్ సేవల రంగంలో పనిచేస్తోంది. ఇన్వెస్ట్ చేసేందుకు ఆసక్తి చూపిన ఇన్వెస్టర్లలో లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC), ఎస్‌బీఐ మ్యూచువల్ ఫండ్, హెచ్‌డీఎఫ్‌సీ మ్యూచువల్ ఫండ్ ఉన్నాయని తెలుస్తోంది. గ్లోబల్ ఇన్వెస్ట్‌మెంట్ సంస్థలైన ఫిడెలిటీ ఇన్‌వెస్ట్‌మెంట్స్, క్యాపిటల్ గ్రూప్, బ్లాక్‌రాక్ పేర్లు కూడా ఈ నివేదికలో ఉన్నాయి. </p>
<p><strong>ఆసక్తి చూపుతున్న గ్లోబల్ సావరిన్ ఫండ్స్, అసెట్ మేనేజర్లు</strong></p>
<p>సింగపూర్ GIC, నార్వే నార్జెస్ బ్యాంక్ ఇన్వెస్టిమెంట్ మేనేజ్‌మెంట్, అబుదాబి ఇన్వెస్ట్‌మెంట్ అథారిటీ (ADIA), ఖతార్ ఇన్వెస్ట్‌మెంట్ అథారిటీ (QIA) సహా అనేక ప్రముఖ సావరిన్ వెల్త్ ఫండ్స్ నుంచి జియా ప్లాట్‌ఫామ్స్ ఐపీఓకు డిమాండ్ వచ్చింది. ఈ నివేదికలోని వివరాల ప్రకారం.. విదేశీ లాంగ్ ఓన్లీ ఫండ్స్, భారత్‌లోని 10 అతిపెద్ద మ్యూచువల్ ఫండ్ సంస్థలు, 5 అతిపెద్ద ఇన్సూరెన్స్ కంపెనీలు సైతం ఐపీఓలో పాల్గొని షేర్లు దక్కించుకునేందుకు ఆసక్తి చూపారు. సంస్థాగత ఇన్వెస్టర్లతో పాటు, టెక్నాలజీ ఆధారిత గ్లోబల్ ఇన్వెస్టర్లు, బిగ్ ఫ్యామిలీ ఆఫీస్‌లు కూడా ఈ ఐపీఓలో భారీ పెట్టుబడులకు ఆసక్తి చూపాయి. </p>
<p>ఈ స్థాయిలో వ్యక్తమైన భారీ డిమాండ్, వివిధ పెట్టుబడి వ్యూహాలు, విభిన్న ప్రాంతాలకు చెందిన ఇన్వెస్టర్ల ఆసక్తిని స్పష్టం చేస్తోంది. ఈ డిమాండ్ ఐపీఓకి ముందు లభించిన ఆసక్తిని మాత్రమే సూచిస్తుంది. </p>
<p><strong>టెలికమ్యూనికేషన్స్‌ను మించి విస్తరించిన జియో </strong></p>
<p>Jio Platforms కేవలం మొబైల్ కనెక్టివిటీకే పరిమితం కాకుండా చాలా డిజిటల్ సేవల పోర్ట్‌ఫోలియోగా మారింది. టెలికాం కార్యకలాపాలతో పాటు బ్రాడ్‌బ్యాండ్, క్లౌడ్ సేవలు, ఎంటర్‌టైన్‌మెంట్, ఎంటర్‌ప్రైజ్ సొల్యూషన్స్ ఇందులో ఉన్నాయి. కంపెనీ వృద్ధి అవకాశాలు, వ్యాల్యుయేషన్‌ను అంచనా వేసే ఇన్వెస్టర్లకు ఈ ప్రతిపాదిత ఐపీఓ ముఖ్యమైన అంశంగా మారనుంది.</p>
<p>ఈ ఐపీఓ లిస్టింగ్ ద్వారా ప్రస్తుతం రిలయన్స్ ఇండస్ట్రీస్ గ్రూప్‌లో భాగమైన Jio Platformsకు మార్కెట్ స్వతంత్ర వ్యాల్యుయేషన్‌ అవకాశం లభిస్తుంది. ఇన్వెస్టర్లు రిలయన్స్ ఇండస్ట్రీస్ షేర్ల ద్వారా కాకుండా, నేరుగా డిజిటల్ సేవల వ్యాపారంలోనే షేర్లు కొనుగోలు చేయవచ్చు.</p>
<p>సబ్‌స్క్రైబర్ల సంఖ్యను పెంచుకోవడం, డిజిటల్ సేవలను విస్తరించడం, వివిధ వ్యాపార విభాగాల ద్వారా రాబడి కంపెనీ సామర్థ్యాన్ని పెంచుతుంది. ఈ ఐపీఓని పరిశీలించడానికి ఇన్వెస్టర్లు పరిగణనలోకి తీసుకునే అంశాలుగా ఉంటాయి.</p>
<p><strong>ఐపీఓ కాలపరిమితి, ధర వివరాలు</strong></p>
<p>ఈ నివేదికతో పాటు లభించిన సమాచారం ప్రకారం ఈ షేరు ధర రూ. 1,065 నుండి రూ. 1,119గా ఉండనుంది. ఈ ఐపీఓ అక్టోబర్ 21న ప్రారంభమై అక్టోబర్ 23న ముగుస్తుంది. ఇన్వెస్టర్లకు మూడ్రోజుల సబ్‌స్క్రిప్షన్ విండో అందుబాటులో ఉంటుంది. అయితే అధికారిక ప్రకటనలు, ఫైనల్ ఆఫర్ పత్రాల ద్వారా ఈ ధర, తేదీలు చెక్ చేసుకోవాలి. </p>
<p>ఈ ప్రతిపాదిత ఆఫరింగ్ Jio Platformsను ఒక స్వతంత్ర కంపెనీగా లిస్టెడ్ మార్కెట్‌లోకి తీసుకువస్తుంది. ఇది రిటైల్, ఇన్స్టిట్యూషనల్ ఇన్వెస్టర్లకు కొత్త పెట్టుబడి అవకాశాలు కల్పించనుంది. దాదాపు రూ. 2.5 లక్షల కోట్ల ఇన్వెస్టిమెంట్ డిమాండ్ ఐపీఓకి ఉన్న క్రేజ్‌ను తెలియజేస్తుంది. ఐపీఓలో జియో ప్లాట్‌ఫారమ్స్ కొత్త రికార్డులు తిరగరాస్తోంది. ఇన్వెస్టర్లు సంస్థాగత ఆసక్తితో పాటు కంపెనీ వ్యాపార విధానాలు, వ్యాల్యుయేషన్, పనితీరు, రిస్క్ ఫ్యాక్టర్లు కీలకమని భావిస్తారు. </p>
1 week ago
2 
