<p>JPL IPO: జియో ప్లాట్‌ఫామ్స్ లిమిటెడ్ తన రూ. 30,213 కోట్ల తొలి పబ్లిక్ ఆఫరింగ్ ( JPL IPO) కోసం సిద్ధంగా ఉంది. అక్టోబర్ 21న ప్రారంభమయ్యే ఐపీఎల్ అప్లికేషన్ అక్టోబర్ 23 వరకు జరగనుంది. జీఈపీఎల్ క్యాపిటల్ (GEPL Capital), వెంచురా సెక్యూరిటీస్, ఎస్‌ఎమ్‌సీ గ్లోబల్ (SMC Global) నివేదికలు వినియోగదారుల అప్‌గ్రేడ్‌లు, హోమ్ బ్రాడ్‌బ్యాండ్, ఆర్టిఫిషియల్ ఇంటెలిజెన్స్ (AI), అంతర్జాతీయ టెక్నాలజీ విక్రయాలను వృద్ధి అవకాశాలుగా గుర్తించాయి. జూన్ 2026 నాటికి 533.3 మిలియన్ల వినియోగదారులతో ఉన్న జియో మొబైల్ కనెక్టివిటీకి మించి విస్తరించాలని, తన రాబడి మార్గాలను పెంచాలని భావిస్తోంది. </p>
<p><strong>గ్రోత్ ఇంజిన్ 1: 261 మిలియన్ల 2జీ యూజర్లు వృద్ధికి ఇస్తున్న అవకాశం</strong></p>
<p>ఈ ఏడాది జూన్ 30 నాటికి 261 మిలియన్ల మంది వినియోగదారులు ఇంకా 2జీ నెట్‌వర్క్‌లలోనే ఉన్నారు. జియోకి ఇది వినియోగదారులను 4జీ, 5జీ సేవలకు ఆకర్షించే అవకాశాన్ని ఇస్తుందని జీఈపీఎల్ క్యాపిటల్ అంచనా వేసింది.</p>
<p>‘జూన్ 30, 2026 నాటికి 261.0 మిలియన్ల మంది యూజర్లు ఇంకా 2జీ నెట్‌వర్క్‌లలో ఉండటంతో, డిజిటల్ సేవలతో కూడిన రూ. 799 జియోభారత్ (JioBharat) ఫోన్ వంటి చౌకైన ఆఫర్ల ద్వారా వినియోగదారుల సంఖ్యను పెంచుకోవడానికి భారీగా అవకాశాలు ఉన్నాయని’ జీఈపీఎల్ క్యాపిటల్ పేర్కొంంది.</p>
<p>జియో సగటు రాబడి (ARPU) ఆర్థిక సంవత్సరం 2024లో రూ.181.7 నుంచి 2027 క్యూ1 (Q1FY27) నాటికి రూ.215.6కి పెరిగింది. ప్రీమియం ప్లాన్లు, టారిఫ్ సవరణలు, బండిల్డ్ డిజిటల్ సేవల ద్వారా వినియోగదారు నుంచి రాబడిని పెంచేందుకు కంపెనీ ప్లాన్ చేస్తోంది. </p>
<p><strong>గ్రోత్ ఇంజిన్ 2: హోం బ్రాడ్‌బ్యాండ్ కల్పిస్తున్న అదనపు సామర్థ్యం</strong></p>
<p>జూన్ 2026 నాటికి జియోకు 28.6 మిలియన్ల జియోఫైబర్, జియో ఎయిర్‌ఫైబర్ వినియోగదారులు ఉండగా, ఇందులో 14 మిలియన్ల జియో ఎయిర్‌ఫైబర్ కనెక్షన్లు ఉన్నాయి.</p>
<p>‘హోమ్ బ్రాడ్‌బ్యాండ్ మరొక కీలక వృద్ధికి చోదక శక్తిగా ఉంది. ఆర్థిక సంవత్సరం 2026లో భారత్‌లో దాదాపు 21 శాతంగా ఉన్న తక్కువ ఫిక్స్డ్ బ్రాడ్‌బ్యాండ్ వినియోగాన్ని జియోఫైబర్, జియో ఎయిర్‌ఫైబర్ ఉపయోగించుకునేలా ఉన్నాయి. ఇది ఆర్థిక సంవత్సరం 2031 నాటికి దాదాపు 46 శాతానికి చేరుతుందని అంచనా వేసినట్లు’ జీఈపీఎల్ క్యాపిటల్ తెలిపింది. ఫైబర్ ఏర్పాటు కష్టంగా లేదా ఖరీదుగా ఉన్న ప్రాంతాలలో కనెక్టివిటీని విస్తరించడానికి జియో ఎయిర్‌ఫైబర్ సామర్థ్యాన్ని ఎస్‌ఎమ్‌సీ గ్లోబల్ ప్రస్తావించింది.</p>
<p><strong>గ్రోత్ ఇంజిన్ 3: రాబడిని వైవిధ్యపరిచే ఏఐ, సాంకేతికత</strong></p>
<p>జియో తన సాంకేతిక ప్లాట్‌ఫామ్‌లు, ఎంటర్‌ప్రైజ్ సేవలను కూడా మరిన్ని లాభాలుగా మార్చాలని చూస్తోంది. వెంచురా సెక్యూరిటీస్ ‘జియో ఎండ్-టు-ఎండ్ సొంత 5జీ స్టాండ్‌అలోన్ స్టాక్‌ను అభివృద్ధి చేసింది. 4జీ, 5జీ, 6జీ, ఏఐ, డిజిటల్ టెక్నాలజీలలో 7,220 పేటెంట్‌లకు దరఖాస్తులు చేసింది. దీని సొంత ఏఐ ప్లాట్‌ఫామ్ Jio Brain నెట్‌వర్క్ కార్యకలాపాలలో విస్తరించనుంది. ఇది కంపెనీ సాంకేతికతను రాబడికి మార్చే వ్యూహంలో భాగమని’ పేర్కొంది. టెలికమ్యూనికేషన్స్, క్లౌడ్ కంప్యూటింగ్, ఏఐల ఏకీకరణ కనెక్టివిటీకి మించి అవకాశాలను ఇస్తుందిన ఎస్‌ఎమ్‌సీ గ్లోబల్ విశ్వసిస్తోంది.</p>
<p><strong>గ్రోత్ ఇంజిన్ 4: కార్యాచరణలో అంతర్జాతీయ విస్తరణ</strong></p>
<p>జియో తన సొంత టెలికాం, ఏఐ టెక్నాలజీని అంతర్జాతీయ ఆపరేటర్లకు, వ్యాపారాలకు అందించడానికి ప్లాన్ చేస్తోంది. ఈ భాగస్వామ్యాలు దేశీయ కనెక్టివిటీ సేవలకు మించి రాబడిని ఇస్తుందని జీఈపీఎల్ క్యాపిటల్ తెలిపింది. ఈ విధానం జియో తన మొత్తం దేశీయ మౌలిక సదుపాయాల ముద్రను రిపీట్ చేయకుండానే విదేశాలలో విస్తరించడానికి సహాయపడుతుందని ఎస్‌ఎమ్‌సీ గ్లోబల్ గుర్తించింది.</p>
<p><strong>అంకెల్లో జియో వృద్ధి సూచీలు</strong></p>
<table style="border-collapse: collapse; width: 637px;" border="3" cellspacing="2" cellpadding="2">
<tbody>
<tr>
<td style="width: 288.198px;"><strong>సూచీ</strong></td>
<td style="width: 317.219px;"><strong>గణాంకాలు</strong></td>
</tr>
<tr>
<td style="width: 288.198px;">మొత్తం వినియోగదారులు (జూన్ 2026) </td>
<td style="width: 317.219px;">533.3 మిలియన్లు</td>
</tr>
<tr>
<td style="width: 288.198px;">5జీ వినియోగదారులు</td>
<td style="width: 317.219px;">284.9 మిలియన్లు</td>
</tr>
<tr>
<td style="width: 288.198px;">ఇంకా 2జీ నెట్‌వర్క్‌లో ఉన్న వినియోగదారులు</td>
<td style="width: 317.219px;">261 మిలియన్లు</td>
</tr>
<tr>
<td style="width: 288.198px;">ఫిక్స్డ్ బ్రాడ్‌బ్యాండ్ అవకాశం </td>
<td style="width: 317.219px;">ఆర్థిక సంవత్సరం 26లో 21%, 2031 నాటికి 46% అంచనా</td>
</tr>
<tr>
<td style="width: 288.198px;">ఏఆర్‌పీయూ (ARPU - సగటు రాబటి) </td>
<td style="width: 317.219px;">ఆర్థిక సంవత్సరం 24లో రూ.181.7 నుంచి 2027 క్యూ1 నాటికి రూ.215.6</td>
</tr>
<tr>
<td style="width: 288.198px;">దాఖలు చేసిన పేటెంట్ దరఖాస్తులు</td>
<td style="width: 317.219px;">మొత్తం 7,220, మంజూరైనవి 1,043 </td>
</tr>
</tbody>
</table>
<p><strong>భారత డిజిటల్ వినియోగం కల్పించే అవకాశాలు</strong></p>
<p>బ్రోకరేజ్‌లు గుర్తించిన వృద్ధి అవకాశాలు భారత్ డిజిటల్ ఆర్థిక వ్యవస్థ విస్తరణతో ముడిపడి ఉన్నాయి. రోజురోజుకూ పెరుగుతున్న డేటా వినియోగం, 5జీ విస్తరణ, పెరుగుతున్న బ్రాడ్‌బ్యాండ్ కనెక్టివిటీ, డిజిటల్ సేవల డిమాండ్‌ను ప్రభావితం చేస్తాయి. జీఈపీఎల్ క్యాపిటల్ పేర్కొన్న ప్రకారం భారత మొబైల్ బ్రాడ్‌బ్యాండ్ ARPU ఆర్థిక సంవత్సరం 2026లో రూ.199.5 నుంచి ఆర్థిక సంవత్సరం 2031 నాటికి రూ. 326.4కి పెరుగుతుందని అంచనా వేశారు.</p>
<p>మొత్తం మీద, కంపెనీ వ్యూహం వినియోగదారుల వృద్ధిని వేగవంతం చేయడం, ARPUని మెరుగుపరచడం, డిజిటల్ సేవల్ని పెంచడం, ఎంటర్‌ప్రైజ్, అంతర్జాతీయ సాంకేతిక ఆఫర్ల ద్వారా రాబడిని పెంచడంపై ఫోకస్ చేస్తుందని జీఈపీఎల్ క్యాపిటల్ అంచనా వేసింది. ఈ నిర్ణయాలు, విధానాలు నిరంతర రాబడి వృద్ధికి, దీర్ఘకాలిక లాభాలకు అవకాశాలు పెంచుతాయని భావిస్తోంది.</p>
1 week ago
2 
