<p><strong>Trivikram Srinivas Sunil Shares Their Movie Career In Jayammu Nischayammura Show : </strong>సెలబ్రిటీల జీవితాల్లోని స్నేహాలు, కష్టాలు, వ్యక్తిగత అనుభవాలు తెలుసుకునేలా... ఆసక్తికరమైన విశేషాలను ఆవిష్కరిస్తోంది 'జయమ్ము నిశ్చయమ్మురా విత్ జగపతి' రెండో సీజన్. సరదా సంభాషణలు, పాత జ్ఞాపకాలు, మనసులోని మాటలు, అనుకోకుండా పంచుకునే హాస్య సంఘటనలతో ఈ షో ఆహ్లాదకరంగా ఆకట్టుకుంటోంది. </p>
<p>లేటెస్ట్ ఎపిసోడ్‌లో ప్రముఖ దర్శకుడు త్రివిక్రమ్ శ్రీనివాస్, నటుడు సునీల్, సంగీత దర్శకుడు ఎస్.ఎస్. తమన్ సందడి చేయనున్నారు. తాజాగా విడుదలైన ప్రోమోలో వీరి మధ్య జరిగిన ఆసక్తికరమైన సంభాషణలు, వ్యక్తిగత జ్ఞాపకాలు, సినీ పరిశ్రమలో వారి అనుబంధాలకు సంబంధించిన విశేషాలు ఆకట్టుకుంటున్నాయి.</p>
<p><strong>త్రివిక్రమ్ సునీల్ ఫ్రెండ్‌షిప్</strong></p>
<p>ఈ ఎపిసోడ్‌లో ప్రధాన ఆకర్షణ త్రివిక్రమ్, సునీల్ మధ్య ఉన్న ఎన్నో ఏళ్ల స్నేహం. సినీ పరిశ్రమలో తమకంటూ ప్రత్యేక గుర్తింపు తెచ్చుకోకముందు.. తొలినాళ్లలో పంజాగుట్టలో ఒకే ఫ్లాట్‌లో కలిసి ఉన్న రోజులను వీరు గుర్తు చేసుకున్నారు. అప్పటి అనుభవాలు, జ్ఞాపకాలను పంచుకుంటూ తమ ప్రయాణంలోని ఆసక్తికరమైన విషయాలను వెల్లడించారు. వృత్తిపరంగా ఎన్నో విజయాలు సాధించిన వీరి వెనుక.. ఏళ్ల నాటి స్నేహం, ఆశయాలు, కలిసి గడిపిన అనుభవాలు ఉన్నాయనే విషయాన్ని ఈ ఎపిసోడ్ గుర్తు చేస్తోంది.</p>
<p><iframe title="Unfiltered Stories With Trivikram Garu |Jayammu Nischayammu Raa Season2 | Sunday 7:30 PM | ZeeTelugu" src="https://www.youtube.com/embed/YoYQPnhLB40" width="883" height="497" frameborder="0" allowfullscreen="allowfullscreen"></iframe></p>
<p><strong>Also Read : </strong><a title="Na Wife Missing Series Trailer : వైఫ్ మిస్ అయ్యిందా? మిస్ చేశారా? - థ్రిల్లింగ్‌గా వరుణ్ సందేశ్, శ్వేతా బసు క్రైమ్ థ్రిల్లర్ సిరీస్ ట్రైలర్... ఎప్పుడు స్ట్రీమింగ్ అంటే?" href="https://telugu.abplive.com/entertainment/ott-webseries/na-wife-missing-web-series-trailer-telugu-review-starrer-varun-sandesh-swetha-basu-prasad-crime-thriller-when-to-watch-on-aha-261910" target="_self">Na Wife Missing Series Trailer : వైఫ్ మిస్ అయ్యిందా? మిస్ చేశారా? - థ్రిల్లింగ్‌గా వరుణ్ సందేశ్, శ్వేతా బసు క్రైమ్ థ్రిల్లర్ సిరీస్ ట్రైలర్... ఎప్పుడు స్ట్రీమింగ్ అంటే?</a></p>
<p><strong>అరేంజ్డ్ ప్లస్ లవ్ మ్యారేజ్</strong></p>
<p>త్రివిక్రమ్‌ది ‘అరేంజ్డ్ ప్లస్ లవ్ మ్యారేజ్’ అంటూ నవ్వులు పూయించారు సునీల్. ఒకరిపై ఒకరు జోకులు వేసుకుంటూ, తమ మధ్య ఉన్న చనువును బయటపెట్టారు. వ్యక్తిగత విషయాలు, పాత జ్ఞాపకాలతో పాటు ఆహ్లాదకరమైన హాస్యాన్ని మేళవించడం ఈ షోకు ప్రత్యేక ఆకర్షణ అని చెప్పొచ్చు. </p>
<p>ఎస్.ఎస్. తమన్ ఎంట్రీతో సంభాషణ మరో ఆసక్తికరమైన మలుపు తీసుకుంటుంది. దర్శకుడి ఆలోచనలకు అనుగుణంగా, ప్రేక్షకులు గుర్తుంచుకునేలా ఓ మంచి పాటను అందించాల్సిన బాధ్యత సంగీత దర్శకుడిపై ఎంత ఉంటుందో ఈ సంభాషణ తెలియజేస్తుంది. అంచనాలు ఎక్కువగా ఉన్నప్పుడు వాటిని అందుకోవడం వెనుక ఉండే ఒత్తిడిని కూడా ఈ ముచ్చట్లు సరదాగా ఆవిష్కరించాయి. త్రివిక్రమ్, సునీల్ తమ తొలినాళ్ల జ్ఞాపకాలను గుర్తుచేసుకోవడం, తమన్ సినిమా సంగీతం వెనుక ఉన్న సృజనాత్మక విషయాలను తెలియజేయటం.. ఈ ఎపిసోడ్‌లో ఎన్నో ఆసక్తికరమైన అంశాలు ఉన్నాయి. </p>
<p>తెలుగు సినీ సంస్కృతి, ప్రేక్షకుల అభిరుచులకు అనుగుణమైన వినోద కార్యక్రమాల ద్వారా తెలుగు ప్రేక్షకులకు మరింత చేరువయ్యేందుకు జీ5కు ఈ షో మరో మంచి వేదికగా నిలుస్తోంది. వెండితెరపై కనిపించే ప్రముఖుల వ్యక్తిగత జీవితాలు, స్నేహాలు, అనుబంధాలకు సంబంధించిన ఆసక్తికరమైన విషయాలను ప్రేక్షకుల ముందుకు తీసుకొస్తోంది. సినిమాలు, వెబ్ సిరీస్‌లతో పాటు సెలబ్రిటీల వ్యక్తిత్వాలు, వారి మధ్య ఉన్న అనుబంధాలు, మనందరికీ పరిచయమైన సినీ జ్ఞాపకాల చుట్టూ సాగే ఇలాంటి కార్యక్రమాలతో జీ5 తన తెలుగు కంటెంట్‌ను మరింతగా ముందుకు తీసుకెళ్తోంది. లేటెస్ట్‌ ఎపిసోడ్ అక్టోబర్ 23 (శుక్రవారం) జీ5లో స్ట్రీమింగ్ కానుంది. అలాగే ఈ ఆదివారం రాత్రి 7:30 గంటలకు జీ తెలుగులో ప్రసారం కానుంది.</p>
<p><strong>Also Read : </strong><a title="Varanasi Story : తండ్రీ కొడుకుల ఎమోషన్ విత్ క్యూట్ లవ్ స్టోరీ - అతి పెద్ద సవాల్ అదే?... వారణాసి స్టోరీ లీక్ చేసిన రాజమౌళి" href="https://telugu.abplive.com/entertainment/cinema/rajamouli-reveals-varanasi-story-janner-biggest-challanges-while-shooting-latest-update-261917" target="_self">Varanasi Story : తండ్రీ కొడుకుల ఎమోషన్ విత్ క్యూట్ లవ్ స్టోరీ - అతి పెద్ద సవాల్ అదే?... వారణాసి స్టోరీ లీక్ చేసిన రాజమౌళి</a></p>
<p>NOTE : <a title="మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి." href="https://telugu.abplive.com/entertainment/cinema" target="_self">మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.</a></p>
1 week ago
2 
