<p><strong>Beauty Tips for Healthy, Glowing Skin On Budget :</strong> జపనీస్ మహిళల స్కిన్ అనగానే చాలామందికి అందమైన, కాంతివంతమైన చర్మం గుర్తొస్తుంది. అయితే ఇందుకోసం ఖరీదైన బ్యూటీ ప్రొడక్ట్స్‌నే ఉపయోగించాల్సిన అవసరం లేదు. చర్మాన్ని శుభ్రంగా ఉంచుకోవడం, హైడ్రేట్డెగా ఉండడం, ఎండ నుంచి రక్షించుకోవడం వంటి చిన్న చిన్న అలవాట్లు కూడా చర్మ ఆరోగ్యానికి సహాయపడతాయి. మరి ఇంట్లోనే తక్కువ ఖర్చుతో పాటించగల జపనీస్‌ టిప్స్ ఏంటో.. ఇవి స్కిన్ హెల్త్ని ఎలా మెరుగుపరుస్తాయో చూసేద్దాం. </p>
<h3>స్కిన్ కేర్ ప్రొడెక్ట్స్ ఎంపిక</h3>
<p>చర్మాన్ని అందంగా, ఆరోగ్యంగా ఉంచుకోవాలంటే రకరకాల సీరమ్స్, క్రీమ్స్ కొనుగోలు చేయాల్సిన అవసరం లేదు. చర్మానికి సరిపోయే క్లెన్సర్, మాయిశ్చరైజర్, సన్‌స్క్రీన్ వంటి బేసిక్ ప్రొడెక్ట్స్ రెగ్యూలర్గా ఉపయోగించడం మంచిది. ఒకేసారి ఎక్కువ ప్రొడక్ట్స్ వాడటం వల్ల కొందరిలో చర్మంపై చికాకు, రెడ్నెస్ వంటి సమస్యలు రావచ్చు.</p>
<p><strong>Also Read : <a href="https://telugu.abplive.com/lifestyle/rice-flour-for-glowing-skin-benefits-and-how-to-use-them-for-different-skin-types-260785" target="_blank" rel="noopener">రైస్ వాటర్ మాత్రమే కాదు.. బియ్యపు పిండితోనూ గ్లోయింగ్ స్కిన్ సొంతం చేసుకోవచ్చు.. ఇలా అప్లై చేయండి</a></strong></p>
<p>సింపుల్ స్కిన్కేర్లో భాగంగా చర్మానికి సరిపోయే మైల్డ్ క్లెన్సర్‌తో ముఖాన్ని శుభ్రం చేసుకోవాలి. చర్మం పొడిబారకుండా మాయిశ్చరైజర్ ఉపయోగించాలి. పగటిపూట బయటకు వెళ్లేటప్పుడు SPF 30 లేదా అంతకంటే ఎక్కువ ఉన్న సన్‌స్క్రీన్ రాసుకోవాలి. అనేక ప్రొడెక్ట్స్ వాడకుండా అవసరమైనవాటినే చర్మానికి ఎంచుకోవాలి. మొటిమలు, ఎగ్జిమా వంటి చర్మ సమస్యలు ఉంటే సొంత ప్రయోగాలు చేయకుండా వైద్యుడిని సంప్రదించడం మంచిది.</p>
<h3>స్కిన్ హైడ్రేషన్</h3>
<p>చర్మం ఆరోగ్యంగా కనిపించాలంటే తగినంత తేమ ఉండాలి. చర్మం పొడిబారితే బిగుతుగా అనిపించడం, పొరలు ఊడిపోవడం వంటి ఇబ్బందులు ఎదురవుతాయి. అందుకే చర్మానికి తేమను అందించే మాయిశ్చరైజర్‌ను ఉపయోగించడం మంచిది. గ్లిజరిన్ లేదా సెరమైడ్స్ ఉన్న తక్కువ ధర ఉత్పత్తులు కూడా హెల్ప్ అవుతాయి. </p>
<p><strong>Also Read : <a href="https://telugu.abplive.com/lifestyle/banana-face-mask-glowing-skin-homemade-dark-spots-hydration-260529" target="_blank" rel="noopener">అరటిపండు ఫేస్ మాస్క్.. ఇంట్లోనే మెరిసే, హెల్తీ స్కిన్ కోసం సులభమైన DIY చిట్కాలు</a></strong></p>
<p>ముఖాన్ని శుభ్రం చేసుకున్న తర్వాత చర్మం కొద్దిగా తడిగా ఉన్నప్పుడే మాయిశ్చరైజర్ రాసుకోవాలి. చర్మం ఎక్కువగా పొడిబారే వారు చిక్కటి క్రీమ్‌ను ఎంచుకోవచ్చు. జిడ్డు చర్మం లేదా మొటిమలు వచ్చే చర్మం ఉన్నవారు నాన్-కామెడోజెనిక్ మాయిశ్చరైజర్‌ను ఎంచుకోవాలి. రోజంతా శరీరానికి సరిపడా నీరు తాగాలి. </p>
<h3>వంటగదిలోని బ్యూటీ సీక్రెట్</h3>
<p>జపనీస్ ఆహార సంస్కృతిలో బియ్యానికి ప్రత్యేక స్థానం ఉంది. బియ్యాన్ని అందానికి సంబంధించిన కొన్ని సంప్రదాయ పద్ధతుల్లోనూ ఉపయోగిస్తుంటారు. బియ్యాన్ని నానబెట్టినప్పుడు లేదా ఉడికించినప్పుడు లభించే నీటిని చర్మం, జుట్టు సంరక్షణ కోసం ఉపయోగించడం అక్కడ చాలా కామన్. </p>
<p><strong>Also Read : <a href="https://telugu.abplive.com/lifestyle/healthy-glowing-skin-morning-skin-care-routine-beauty-experts-tips-260200" target="_blank" rel="noopener">గ్లోయింగ్ స్కిన్ కోసం ఉదయాన్నే ఏం చేయాలి? ఈ 6 స్కిన్ కేర్ స్టెప్స్ ఫాలో అవ్వండి</a></strong></p>
<p>అయితే కొన్ని జాగ్రత్తలు తీసుకుని రైస్ వాటర్ ఉపయోగించాలి. ఇంట్లో తయారుచేసిన రైస్ వాటర్‌ను ఎక్కువసేపు నిల్వ ఉంచి ముఖానికి రాసుకోవద్దు. పులిసిపోయిన లేదా సరిగ్గా నిల్వ చేయని రైస్ వాటర్‌ను ఉపయోగించకూడదు. చర్మంపై చిన్న ప్రదేశంలో ప్యాచ్ టెస్ట్ చేసి.. ఇబ్బంది లేకపోతేనే చర్మానికి, జుట్టుకు ఉపయోగించాలి. </p>
<h3>ఎండ నుంచి రక్షణ</h3>
<p>చర్మ సంరక్షణలో సన్ ప్రొటెక్షన్ చాలా ముఖ్యమైనది. సూర్యుడి నుంచి వెలువడే అతినీలలోహిత కిరణాలకు ఎక్కువగా గురికావడం వల్ల చర్మం త్వరగా వృద్ధాప్య ఛాయలను ఇస్తుంది. అలాగే చర్మ క్యాన్సర్ ముప్పు కూడా పెరుగుతుంది. అందుకే ఖరీదైన బ్యూటీ ట్రీట్‌మెంట్ల కంటే రోజువారీ సన్ ప్రొటెక్షన్‌కు ప్రాధాన్యం ఇవ్వాలి.</p>
<p><strong>Also Read : <a href="https://telugu.abplive.com/lifestyle/dermatologist-sharmila-gupta-diet-skin-health-nutrients-antioxidants-259666" target="_blank" rel="noopener">50ల్లో ముడతలు, డ్రై స్కిన్ తగ్గాలంటే.. డైట్‌లో ఈ చిన్న మార్పులు చేయండి</a></strong></p>
<p>SPF 30 లేదా అంతకంటే ఎక్కువ ఉన్న సన్‌స్క్రీన్ ఉపయోగించాలి. బయటకు వెళ్లే ముందు సూచనల ప్రకారం దానిని రాసుకోవాలి. ఎక్కువసేపు బయట ఉంటే ప్రతి రెండు గంటలకు ఒకసారి.. చెమట పట్టినప్పుడు లేదా ఈత కొట్టిన తర్వాత మళ్లీ రాసుకోవాలి. సాధ్యమైనంతవరకు నీడలో ఉండాలి. టోపీ, రక్షణ కల్పించే దుస్తులు ఉపయోగించాలి.</p>
<h3>జెంటిల్ క్లీనింగ్</h3>
<p>రోజంతా ముఖంపై పేరుకునే చెమట, దుమ్ము, అదనపు నూనె, మేకప్, సన్‌స్క్రీన్ అవశేషాలను తొలగించడానికి ముఖాన్ని శుభ్రం చేసుకోవాలి. అయితే పదేపదే ముఖం కడగడం లేదా గట్టిగా రుద్దడం వల్ల చర్మంపై ఉండే సహజ రక్షణ పొర దెబ్బతినవచ్చు. అందుకే సున్నితమైన క్లెన్సర్‌ను ఉపయోగించడం మంచిది.</p>
<p><strong>Also Read : <a href="https://telugu.abplive.com/lifestyle/rice-water-glowing-skin-glossy-hair-festivals-beauty-routine-258662" target="_blank" rel="noopener">పండుగల ముందు గ్లోయింగ్ స్కిన్, షైనీ హెయిర్ కావాలా? రైస్ వాటర్ ఇలా ఉపయోగించండి</a></strong></p>
<p>చర్మానికి సరిపోయే మైల్డ్ క్లెన్సర్‌తో ముఖాన్ని శుభ్రం చేసుకోవాలి. వాటర్ రెసిస్టెంట్ సన్‌స్క్రీన్ లేదా హెవీ మేకప్ ఉపయోగిస్తే.. ముందుగా తగిన క్లెన్సింగ్ ఆయిల్ లేదా బామ్‌తో తొలగించి, తర్వాత మైల్డ్ క్లెన్సర్ ఉపయోగించవచ్చు. వేడి నీటితో ముఖం కడగకూడదు. చర్మాన్ని గట్టిగా రుద్దకూడదు. చర్మం బిగుతుగా, పొడిగా అనిపిస్తే క్లెన్సర్‌ను మార్చుకోవడం మంచిది. </p>
<h3>అందమైన చర్మం కోసం..</h3>
<p>చాలామంది అందమైన చర్మం కావలంటే ఖరీదైన ప్రొడెక్ట్స్ వాడాలి అనుకుంటారు. కానీ అవి అవసరం లేదని చెప్తున్నారు చర్మ సంరక్షణ నిపుణులు. ప్రొడెక్ట్ ధర కంటే అది మీ చర్మానికి సరిపోతుందా.. సరైన రక్షణ అందిస్తుందా అనేదే చూసుకోవాలి. రోజువారీ క్లెన్సింగ్, మాయిశ్చరైజింగ్, సన్‌స్క్రీన్ వాడకం వంటి మూడు ప్రాథమిక అలవాట్లతో మంచి చర్మ సంరక్షణ రొటీన్‌ను ప్రారంభించవచ్చు.</p>
<p><strong>Also Read : <a href="https://telugu.abplive.com/lifestyle/homemade-drink-glowing-skin-cucumber-lemon-juice-skin-health-vitamin-c-antioxidants-hydration-256333" target="_blank" rel="noopener">కొరియన్ గ్లాస్ స్కిన్ కోసం ఈ మ్యాజిక్ డ్రింక్ తాగాలా? నిమ్మ-కీరదోసకాయ జ్యూస్‌తో ఎన్ని ప్రయోజనాలో తెలుసా?</a></strong></p>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి. </p>
<p> </p>
<div class="readMore"> </div>
1 week ago
2 
