<p><strong>Janasena national executive meet in Delhi 2026: </strong>జనసేన అధినేత, ఆంధ్రప్రదేశ్ ఉప ముఖ్యమంత్రి పవన్ కల్యాణ్ దేశ రాజధాని ఢిల్లీ వేదికగా నిర్వహించిన కీలక సమావేశాలు, చేసిన ప్రసంగాలు తెలుగు రాష్ట్రాలతో పాటు జాతీయ రాజకీయాల్లోనూ ఒక సరికొత్త చర్చకు తెరలేపాయి. ఒక ప్రాంతీయ పార్టీ అధినేతగా ఉంటూ, ఢిల్లీలో తన పార్టీ జాతీయ స్థాయి ప్రతినిధుల సమావేశాన్ని ఏర్పాటు చేయడం, అక్కడ ఆయన మాట్లాడిన తీరు అందరినీ ఆశ్చర్యపరిచింది. కేవలం మిత్రపక్షంగా ఎన్డీఏ కూటమిని సమర్థించడమే కాకుండా.. అంతకుమించి పూర్తిస్థాయిలో బీజేపీ కోర్ భావజాలమైన జాతీయవాదాన్ని , సనాతన ధర్మ పరిరక్షణను ఆయన బలంగా వినిపించారు. </p>
<p><a title=" ఢిల్లీ వేదికగా జాతీయవాదం నినాదం " href="https://telugu.abplive.com/politics/pawan-kalyan-is-adamant-about-expanding-jana-sena-to-other-states-244880" target="_self"> ఢిల్లీ వేదికగా జాతీయవాదం నినాదం </a></p>
<p>సాధారణంగా ప్రాంతీయ పార్టీల నేతలు ఢిల్లీ వెళ్తే రాష్ట్ర ప్రయోజనాలు, నిధులు లేదా రాజకీయ పదవుల చుట్టూనే వారి పర్యటనలు సాగుతాయి. కానీ, పవన్ కల్యాణ్ మాత్రం భిన్నమైన పంథా ఎంచుకున్నారు. జనసేన కేవలం ఒక రాష్ట్రానికే పరిమితమైన ప్రాంతీయ ఆలోచనలతో కాకుండా, దేశం మొదట అనే జాతీయ దృక్పథంతో పనిచేస్తుందని ఆయన స్పష్టం చేశారు. దేశ సమగ్రతకు, సంస్కృతికి భంగం వాటిల్లకుండా చూడటమే జనసేన అసలు సిద్ధాంతమని చెప్తూ, బీజేపీ భావజాలానికి తాను ఎంతగా కనెక్ట్ అయ్యానో ఢిల్లీ వేదికగా చాటిచెప్పారు.</p>
<p><iframe title="YouTube video player" src="https://www.youtube.com/embed/2NVAWkOeMPc?si=2_hdZkoSpWbYH6v8" width="560" height="315" frameborder="0" allowfullscreen="allowfullscreen"></iframe></p>
<p><strong> కాంగ్రెస్ లక్ష్యంగా పదునైన విమర్శలు </strong></p>
<p>ఈ పర్యటనలో పవన్ కల్యాణ్ కాంగ్రెస్ పార్టీని తీవ్రస్థాయిలో లక్ష్యంగా చేసుకున్నారు. తెలంగాణలో తాము ఒక బహిరంగ సభ పెట్టాలనుకుంటే, అధికార కాంగ్రెస్ ప్రభుత్వం పర్మిషన్ ఇవ్వకుండా అడ్డుకున్న ఉదంతాన్ని ఆయన ఢిల్లీలో ప్రముఖంగా ప్రస్తావించారు. దేశంలో ప్రజాస్వామ్యం గురించి మాట్లాడే కాంగ్రెస్.. క్షేత్రస్థాయిలో ప్రాంతీయ వాదాన్ని వాడుకుంటూ, ఇతర పార్టీల గొంతు నొక్కేలా వ్యవహరిస్తోందని విమర్శించారు. కాంగ్రెస్ అనుసరిస్తున్న ద్వంద్వ విధానాలను దేశ ప్రజల ముందు ఉంచడానికే ఆయన ఈ అంశాన్ని జాతీయ వేదికపై లేవనెత్తారు.</p>
<p><strong> జనసేన సిద్ధాంతాన్ని జాతీయ స్థాయికి తీసుకెళ్లడం </strong></p>
<p>పవన్ కల్యాణ్ ఈ తరహా రాజకీయం చేయడం వెనుక బలమైన కారణాలు ఉన్నాయి. జనసేన కేవలం ఒక ఎన్నికల కోసం పుట్టిన పార్టీ కాదని, దానికి ఒక బలమైన తాత్విక పునాది ఉందనే విషయాన్ని దేశవ్యాప్తంగా ఉన్న మేధావులకు, జాతీయ మీడియాకు తెలియజేయడం ఆయన మొదటి లక్ష్యం. తాను కేవలం సినిమాల నుంచి వచ్చిన ఒక ప్రాంతీయ నాయకుడిని మాత్రమే కాదని, దేశ భవిష్యత్తు, అంతర్గత భద్రత, సాంస్కృతిక వైభవంపై స్పష్టమైన అవగాహన ఉన్న లాజికల్ లీడర్‌నని అని ప్రొజెక్ట్ చేసుకోవడంలో ఆయన సఫలమయ్యారు. పవన్ కల్యాణ్ కేవలం ఏపీ రాజకీయాలకే పరిమితం కాకుండా భవిష్యత్తులో దేశ రాజకీయాల్లో ఒక కీలక పాత్ర పోషించాలనుకుంటున్నారనే దానికి ఈ పర్యటన ఒక సంకేతం. ప్రధానమంత్రి <a title="నరేంద్ర మోదీ" href="https://telugu.abplive.com/topic/narendra-modi" data-type="interlinkingkeywords">నరేంద్ర మోదీ</a>, అమిత్ షా వంటి అగ్రనేతలకు అత్యంత నమ్మకస్థుడైన మిత్రుడిగా మారిన పవన్.. ఉత్తరాది రాష్ట్రాల్లోనూ తనకున్న క్రేజ్‌ను ఉపయోగించి ఎన్డీఏ తరఫున ఒక బలమైన గొంతుకగా మారాలని చూస్తున్నారు. <a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> భావజాలాన్ని ఓపెన్‌గా ఓన్ చేసుకోవడం ద్వారా, ఆ పార్టీ శ్రేణుల మద్దతును కూడా జాతీయ స్థాయిలో కూడగట్టుకుంటున్నారు.</p>
<p><a title=" కాంగ్రెస్ మార్క్ ప్రాంతీయ పక్షపాతం పై దాడి " href="https://telugu.abplive.com/politics/pawan-kalyan-bjp-brs-alliance-congress-aggressive-reaction-telangana-politics-249395" target="_self"> కాంగ్రెస్ మార్క్ ప్రాంతీయ పక్షపాతం పై దాడి </a></p>
<p>ప్రాంతీయ అస్తిత్వాన్ని గౌరవిస్తూనే, దేశాన్ని విడగొట్టేలా ఉండే ప్రాంతీయ ముఠా తత్వాలను కాంగ్రెస్ ప్రోత్సహిస్తోందని పవన్ ఆరోపించారు. <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a> పార్టీ వివిధ రాష్ట్రాల్లో ప్రాంతీయ సెంటిమెంట్లను రగిల్చి పబ్బం గడుపుకుంటోందని, జనసేన మాత్రం ప్రాంతీయ ప్రయోజనాలను కాపాడుతూనే జాతీయ సమగ్రతకు కట్టుబడి ఉంటుందని వివరించారు. ఈ ప్రసంగం ద్వారా తాను ఒక బాధ్యతాయుతమైన కూటమి భాగస్వామిని అని నిరూపించుకున్నారు. పవన్ కల్యాణ్ అడుగులు చాలా కాలిక్యులేటెడ్‌గా సాగుతున్నాయి. ఏపీలో <a title="టీడీపీ" href="https://telugu.abplive.com/topic/tdp" data-type="interlinkingkeywords">టీడీపీ</a>తో కలిసి ప్రభుత్వాన్ని నడుపుతున్నప్పటికీ, తన మార్క్ స్వతంత్ర రాజకీయాన్ని ఆయన ఎక్కడా వదులుకోవడం లేదు. భవిష్యత్తులో దేశవ్యాప్తంగా సనాతన ధర్మం, జాతీయవాదం అనే అంశాలపై చర్చ జరిగినప్పుడు దక్షిణాది నుంచి వినిపించే మొదటి గొంతు <a title="జనసేన" href="https://telugu.abplive.com/topic/Janasena" data-type="interlinkingkeywords">జనసేన</a>దే కావాలనేది పవన్ వ్యూహం. ఒకవైపు క్షేత్రస్థాయిలో పార్టీ క్యాడర్‌ను బలపరుస్తూనే, మరోవైపు జాతీయ స్థాయిలో తన ఇమేజ్‌ను పెంచుకోవడం ద్వారా <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> లాంగ్ టర్మ్ పొలిటికల్ గేమ్ ఆడుతున్నారని స్పష్టమవుతోందని అంటున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/health/why-do-vitamin-levels-in-the-body-drop-250369" width="631" height="381" scrolling="no"></iframe></p>
4 months ago
11 
