<p><strong>Balakrishna Akhanda 2 Second Song Out Now : </strong>గాడ్ ఆఫ్ మాసెస్ బాలకృష్ణ, బోయపాటి శ్రీను కాంబో 'అఖండ 2' నుంచి మాస్ సాంగ్ వచ్చేసింది. విశాఖలో జరిగిన ఈవెంట్‌లో సాంగ్ లాంచ్ చేశారు. ఇప్పటికే డివోషనల్ టచ్ 'తాండవం' సాంగ్ ట్రెండ్ అవుతుండగా అంతకు మించి అనేలా మాస్ పాటలో బాలయ్య జోష్, స్టెప్పులు అదిరిపోయాయి.</p>
<p><strong>మాస్ అంటేనే బాలయ్య</strong></p>
<p>ఈ మూవీలో బాలయ్య సరసన సంయుక్త మీనన్ హీరోయిన్‌గా నటిస్తుండగా... 'జాజికాయ జాజికాయ జాజిరే జాజికాయ రాగిముద్ద రాగమాయ మనసు పాయ..' అంటూ సాగే మాస్ సాంగ్ అదిరిపోయింది. తమన్ మ్యూజిక్ వేరే లెవల్‌లో ఉంది. ఈ పాటను శ్రేయా ఘోషల్, బ్రిజేష్ శాండిల్య పాడగా... కాసర్ల శ్యామ్ లిరిక్స్ అందించారు. మాస్ లిరిక్స్... మాస్ డ్యాన్స్... మాస్ బీజీఎం సాంగ్ గూస్ బంప్స్ తెప్పిస్తోంది. బాలయ్య అంటేనే మాస్ ఎనర్జీ అని గతంలో హిట్ మూవీస్ సాంగ్స్‌ను మించేలా ఈ పాట ఉందంటూ ఫ్యాన్స్ కామెంట్స్ చేస్తున్నారు. థియేటర్స్ దద్దరిల్లడం ఖాయమని అంటున్నారు.</p>
<p><iframe title="Jajikaya Jajikaya Lyrical Video - Akhanda 2 Thaandavam | NBK | Boyapati Srinu | Samyuktha |Thaman S" src="https://www.youtube.com/embed/DKC0p6OdhRU?list=RDDKC0p6OdhRU" width="704" height="396" frameborder="0" allowfullscreen="allowfullscreen"></iframe></p>
<p>ఈ మూవీలో బాలయ్య డ్యుయెల్ రోల్ చేస్తుండగా... ఒకటి అఘోర పాత్ర కాగా, మరొకటి మాస్ క్యారెక్టర్ మురళీ కృష్ణ పాత్ర. ఇప్పటికే ఈ రెండు రోల్స్ సంబంధించి గ్లింప్స్, బ్లాస్టింగ్ రోర్ అంటూ స్పెషల్ వీడియోస్ భారీ హైప్ క్రియేట్ చేశాయి. ఫస్ట్ సాంగ్ 'తాండవం'లో సాక్షాత్తూ శివుడే నేలకు దిగి వచ్చాడా అనేలా చేతిలో ఢమరుకం, త్రిశూలంతో అఘోర పాత్రలో బాలయ్య అదరగొట్టారు. ఇప్పుడు మాస్ సాంగ్... బాలయ్య ఫ్యాన్స్‌లో ఫుల్ జోష్ నింపింది.</p>
<p><strong>Also Read : <a title="మరో వివాదంలో రాజమౌళి - ఫిలిం చాంబర్‌కు 'వారణాసి' టైటిల్ పంచాయితీ... జక్కన్న ముందున్న ఆప్షన్స్ ఏంటి?" href="https://telugu.abplive.com/entertainment/cinema/mahesh-babu-rajamouli-varanasi-movie-faces-title-controversy-new-issue-in-film-chamber-227639" target="_self">మరో వివాదంలో రాజమౌళి - ఫిలిం చాంబర్‌కు 'వారణాసి' టైటిల్ పంచాయితీ... జక్కన్న ముందున్న ఆప్షన్స్ ఏంటి?</a></strong></p>
<p><strong>తమన్ బీజీఎం బ్లాస్టింగ్</strong></p>
<p>'అఖండ 2' స్టార్ట్ అయినప్పటి నుంచే తమన్ బీజీఎంపై భారీ హైప్ క్రియేట్ అవుతోంది. బాలయ్య జోష్, మాస్ ఎనర్జీకి తగ్గట్లే థియేటర్స్ దద్దరిల్లేలా మ్యూజిక్ అందిస్తున్నారు. ఇప్పటికే రిలీజ్ అయిన గ్లింప్స్, సాంగ్స్‌లో అది స్పష్టంగా కనిపించింది. డివోషనల్, మాస్ అంశాలకు తగ్గట్లుగా ఆయన బీజీఎం వేరే లెవల్‌లో ఉంది. </p>
<p>ఈ మూవీని 3D ఫార్మాట్‌లోనూ రిలీజ్ చేయనున్నట్లు మూవీ టీం అనౌన్స్ చేసింది. మూవీలో ఆది పినిశెట్టి విలన్ రోల్ చేస్తుండగా... హర్షాలి మెహతా కీలక పాత్ర పోషిస్తోంది. బాలయ్య కుమార్తె తేజస్విని సమర్పణలో 14 రీల్స్ ప్లస్ బ్యానర్‌పై రామ్ అచంట, గోపీచంద్ అచంట నిర్మిస్తున్నారు. వరల్డ్ వైడ్‌గా డిసెంబర్ 5న తెలుగుతో పాటు తమిళం, హిందీ, మలయాళం, కన్నడ భాషల్లో మూవీ రిలీజ్ కానుంది.</p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/balakrishna-birthday-special-top-10-and-experimental-films-in-nandamuri-hero-career-166119" width="631" height="381" scrolling="no"></iframe></p>
2 weeks ago
2 
