<p><strong>Jagadhatri Serial Today Episode:</strong> జీతెలుగు ఛానెల్‌లో ప్రేక్షకులను ఎంతో ఆకట్టుకుంటున్న జగధాత్రి సీరియల్‌ ఈరోజు మంచి ట్విస్టులతో సాగుతుంది. ఇంట్లో జరుగుతున్న పార్టీ ఆపడానికి వచ్చిన ఆదిలక్ష్మీ...కాచీ మేకప్‌ రూమ్‌లోకి వెళ్లి ఆమె జుట్టు కత్తిరించి కాల్చివేస్తుంది. అప్పుడే అదంతా నిషిక వీడియో తీస్తుంది. కాచీ కోసం వచ్చిన కౌషికి వాళ్ల అత్తను చూసి తిట్టి ఇక్కడ నుంచి వెళ్లిపొమ్మని హెచ్చరిస్తుంది. ఇంతలో దివ్యాంక ఫోన్ చేసి డబ్బులు అడగడంతో జగధాత్రి ప్లాన్ ప్రకారం కౌషికి ఆమెకు డబ్బులిస్తుంది.అదే డబ్బును జగధాత్రి సింధూతో కొట్టేయిస్తుంది.<br /><strong>ఆదిలక్ష్మీ పగ</strong><br /> కాచీ, బూచీ పెళ్లిరోజు ఫంక్షన్‌కు ఇంట్లో అందరూ ఎంతో ఆనందంగా గడుపుతుండటంతో ఆదిలక్ష్మీ అసూయతో రగిలిపోతుంది.ఎలాగైనా ఈ ఫంక్షన్ ఆపాలని ప్రయత్నిస్తుంది.అప్పుడే కాచీ తన గదిలో ఫేస్‌ప్యాక్ వేసుకోవడం చూసి అక్కడికి వస్తుంది. మేకప్ వేసే అమ్మాయిని బయటకు పంపించి తను కూడా బయటకు వెళ్తున్నట్లు నటించి మళ్లీ కాచీ రూమ్‌లోకి వెళ్తుంది. ఆదిలక్ష్మీ కాచీ రూమ్‌లోకి వెళ్లడం గమనించిన నిషిక,యువరాజు, వైజయంతి ఆమెను అనుసరిస్తారు. రూమ్‌లోకి వెళ్లిన ఆదిలక్ష్మీ కత్తెరతో కాచీ జుట్టు ఇష్టానుసారం కత్తిరిస్తుంది.అలాగే హెయిర్‌ డెయిర్‌తో జుట్టు కాల్చివేస్తుంది.ఇదంతా నిషిక వీడియో తీస్తుంది.యువరాజు వెళ్లి కాచీని కాపడదామని అన్నా కూడా మనకు ఇంట్లోఎవరూ సపోర్ట్ చేయడంలేదని అలాంటప్పుడు మనం ఎందుకు పట్టించుకోవాలని నిషిక అంటుంది. ఏదైతే ఏం మనకు పార్టీ ఆగడం కావాలని....ఇప్పుడు ఆ జుట్టుతో కాచీ బయటకు రాలేదని అంటుంది.ఇది కూడా మన మంచికే జరిగిందని అంటుంది.<br /><strong>అత్తను తిట్టిన కౌషికి</strong><br /> అప్పుడే కాచీ రూమ్‌లోకి వచ్చిన కౌషికి..వాళ్ల అత్తయ్య చేస్తున్న పని చూసి గొడవ చేయకుండా ఆమెను మెల్లగా బయటకు తీసుకొస్తుంది.మీరు ఏం చేస్తున్నారో మీకు అర్థమవుతుందా అని గట్టిగా నిలదీస్తుంది. అసలు కాచీ జుట్టు ఎందుకు కాల్చివేశారని తిడుతుంది. మీకు ఎన్నిసార్లు చెప్పినా బుద్ధి రావడం లేదని అంటుంది. మర్యాదగా మీరు ఇక్కడ నుంచి వెళ్లిపోండని అంటుంది. పార్టీ అయిన తర్వాత వెళ్లిపోతానని ఆదిలక్ష్మీ అంటుంది.ఇప్పుడు నేను వెళ్లిపోతే అందరికీ అనుమానం వస్తుందని చెప్పడంతో కౌశికి కూడా ఊరుకుంటుంది.పార్టీ అయిపోయినతర్వాత మీరు నా కంటికి కనిపించకూడదని గట్టిగా హెచ్చరిస్తుంది.మీ ఇల్లు పతనమవ్వడం చూడకుండా నేను ఎక్కడికి వెళ్తాను కౌషికి అని ఆదిలక్ష్మీ అంటుంది. ఇంతలో జగధాత్రి,కేదార్ కాచీ రూమ్‌కు వెళ్లి ఏం జరిగిందని ఆమెను అడుగుతారు.నాకు ఏం తెలియదని కాచీ ఏడుస్తుంది. అందరూ అక్కడికివచ్చి ఈ పని ఎవరు చేసి ఉంటారని అనుకుంటారు. ఆదిలక్ష్మీ ఎవరికి చెప్పొద్దని కౌషికిని వేడుకుంటుంది. ఇప్పుడు ఈ జుట్టుతో నేను పార్టీకి రాలేనని కాచీ అనగా...వెంటనే పార్టీ క్యాన్సిల్ చేయమని వైజయంతి అంటుంది. దీంతో జగధాత్రి కేదార్‌ను వెళ్లి ఏదో తీసుకుని రమ్మని అంటుంది.ఈ పార్టీ జరుగుతుందని...నేను కాచీని రెడీ చేసి తీసుకుని వస్తానని జగధాత్రి అంటుంది. కేదార్ వెళ్లి విగ్‌ తీసుకుని రాగా...కాచీనీ మేకప్ ఉమెన్ రెడీ చేస్తుంది.</p>
<p><strong>దివ్యాంకకు ధాత్రి చెక్‌</strong><br /> డబ్బులు కోసం దివ్యాంక ఫోన్ చేయడంతో ఆ విషయం కౌషికి జగధాత్రికి చెబుతుంది. తను మన ఇంటి ముందే ఉందంటా చెప్పగా మీరు ధైర్యంగా వెళ్లి డబ్బులు ఇచ్చి రమ్మని చెబుతుంది.దివ్యాంకకు డబ్బులు ఉన్న సూట్‌కేసు ఇచ్చి వీడియో ఇవ్వమని కౌషికి అడుగుతుంది.అంత తేలిగ్గా ఈ వీడియో ఇస్తానా అని దివ్యాంక డబ్బులు తీసుకుని అక్కడి నుంచి బయలుదేరుతుంది.అప్పుడే జగధాత్రి ఫోన్ చేయగా..సింధూ అక్కడికి వచ్చి దివ్యాంకను కిందకు దింపి పిచ్చకొట్టుడు కొడుతుంది. కారులో ఉన్న డబ్బులు లాక్కుంటుంది. మేం మురళి మనుషులమని బెదిరిస్తుంది.</p>
<p> </p>
1 week ago
2 
