<p><strong>Jagadhatri Serial Today Episode:</strong> జీతెలుగు ఛానెల్‌లో ప్రేక్షకులను ఎంతో ఆకట్టుకుంటున్న జగధాత్రి సీరియల్‌ ఈరోజు మంచి ట్విస్టులతో సాగుతుంది. కౌషికితో పని అయిపోవడంతో దివ్యాంక యువరాజుకు రెండో వీడియో పంపుతుంది.దీంతో యువరాజు నిషికను చంపబోతుండగా..వైజయంతి వచ్చికాపాడుతుంది.ఏదీ ఉన్నా పార్టీ తర్వాతే తేల్చుకుందామని చెబుతుంది.ఇంతలో వీరశంకర్‌ రంగాను తీసుకుని ఇంటికి రావడంతో వైజయంతి వాడిని చూపి భయపడుతుంది.తనను గుర్తుపట్టకుండా ఉండటం కోసం ముఖంపై పిండివేసుకుంటుంది.<br /><strong>నిషికను చంపబోయిన యువరాజు</strong><br /> వీడియో చూపించి కౌషికిని బెదించినందుకు దివ్యాంక ఎంతో ఆనందపడుతుంది. ఇన్నాళ్లకు కౌషికిపై గెలిచే అవకాశం వచ్చిందని సంబరపడిపోతుంది. ఆ తర్వాత నిషికకు సంబంధించిన వీడియోను యువరాజుకు పంపిస్తుంది. అది చూసిన యువరాజు కోపంతో రగిలిపోతాడు.నిషిక ఎక్కడ ఆంటూ ఆవేశంగా వెతుకుతాడు.అబ్బోడి ఆవేశం చూస్తుంటే నిషికను చంపేసినా చంపేస్తాడని వైజయంతి వెనకే వెళ్తుంది. నిషిక దగ్గరకు వెళ్లి ఇప్పటికైనా నిజం చెప్పమని అడుగుతాడు.నువ్వు దేని గురించి అడుగుతున్నావో తెలియకుండా ఏం చెప్పాలని అంటుంది.అప్పుడు యువరాజు వీడియో చూపించి వీడు ఎందుకు వచ్చాడని నిలదీస్తాడు. నిషిక చెప్పబోతుండగా యువరాజు ఆమె గొంతుపట్టుకుని నులిమేస్తాడు.ఇంకా అబద్ధాలు చెప్పావంటే చంపేస్తానంటూ గట్టిగా వత్తుతాడు. నిషిక యువరాజు చేతుల్లో నుంచి విడిపించుకోవడానికి చాలా ప్రయత్నిస్తుంది.ఇంతలో వైజయంతి వచ్చి యువరాజును పక్కకు లాగేస్తుంది.ఏం చేస్తున్నావని కొడుకుని నిలదీస్తుంది. ఆవిడకు వీడియో చూపించి ఇప్పుడే ఏం చేయమంటావని అడుగుతాడు. అయితే ఇప్పుడు ఏమైందని అంటుంది. నువ్వు ఎన్ని వీడియోలు చూపించినా నీ భార్య తప్పు చేసిందంటే నేను నమ్మనని అంటుంది. వాడు ఎందుకు వచ్చాడో అడగమని అంటాడు.నువ్వు ఆ సోనీని పెళ్లి చేసుకోవాలని అనుకుంటున్నావు కదా....అది చెప్పడానికే వచ్చాడని చెబుతుంది.అసలు ఆ సోనీకి నాకు సంబంధం లేదని యువరాజు అంటాడు.లేకుండానే అంత పెద్ద మెసేజ్ పెట్టిందా అని నిషిక నిలదీస్తుంది.దీంతో వైజయంతి కల్పించుకుని కింద ఏం జరుగుతుంది మీరు ఏం చేస్తున్నారని మండిపడుతుంది.ఏం ఉన్నా పార్టీ అయిపోయిన తర్వాత మాట్లాడుకుందామని ఇద్దరినీ తీసుకుని వెళ్లిపోతుంది.<br /><strong>రంగాను చూసి వైజయంతిలో వణుకు</strong><br /> స్మశానంలో పనిచేసే రంగా ఎదురుపడటంతో గుర్తుపట్టిన వీరశంకర్‌ అతన్ని పలకరిస్తాడు.అప్పుడు రంగా అతనికి నిజం చెబుతాడు. ఆరోజు అమ్మాయిగారు మరో పాపకు జన్మనిచ్చి చనిపోయిందని...ఆ పాపను ఓ పెద్దింటి ఆవిడ తీసుకుని వెళ్లిపోయిందని చెబుతాడు.అయితే అది ఖచ్చితంగా వైజయంతినే అని వీరశంకర్‌ అనుమానిస్తాడు.నావెంటరా అంటూ వైజయంతి వాళ్ల ఇంటికి తీసుకుని వస్తాడు.ఇతను ఎవరని జగధాత్రి,కేదార్ అడగ్గా...మహల్‌లో నాతోపాటు ఉంటాడని చెబుతాడు. వీరంశంకర్‌తోపాటు వచ్చిన రంగాను వైజయంతి గుర్తుపడుతుంది.ఈ వీరశంకర్‌ ఏంటీ వీడిని పట్టుకుని వచ్చాడని భయపడుతుంది.నిజం తెలిసే తీసుకొచ్చాడా లేక..ఊరికే వచ్చాడా అని అనుకుంటుంది. వీరశంకర్‌ మామూలుగానే ఉన్నాడంటే ఇంకా నిజం తెలియదు అని హమ్మయ్యా అనుకుంటుంది.కానీ వీరశంకర్‌ రాగానే వైజయంతిని పిలవండని అంటాడు.ఎందుకు తాతయ్యగారు అని జగధాత్రి అడగ్గా...నాకు మొన్న ఓ కల వచ్చిందని అందులో స్మశానంతోపాటు వైజయంతి కూడా కనిపించిందని అంటాడు. ఇదివిన్న వైజయంతి ముసలోడికి అన్నీ తెలిసే వచ్చాడని భయపడుతుంది.<br /><strong>వైజయంతి నాటకం</strong><br /> వీరశంకర్‌ లోపలికి వచ్చి వైజయంతిని పిలిస్తే ఓసారి చూస్తానని అంటాడు.దీంతో జగధాత్రితోపాటు అందరూ వైజయంతిని పిలుస్తారు.కానీ ఎక్కడా కనిపించదు. అత్తయ్యగారు కిచెన్‌లో ఉండి ఉంటారని జగధాత్రి వెళ్తుంది. వైజయంతి అక్కడే ఉంటుంది.ఇంతలా పిలుస్తున్నా పలకవేంటని సుధాకర్‌ నిలదీయగా...వినిపించలేదని అంటుంది.ఓసారి ఇటురామ్మా అని వీరశంకర్‌ పిలుస్తాడు.ఇప్పుడు మీ ముందుకు రాలేనని అటు తిరిగే సమాధానమిస్తుంది.దీంతో జగధాత్రి వెళ్లి ఇటు తిప్పగా..తలపై పిండిడబ్బాపోసుకుని కనిపిస్తుంది.రంగాకు వీరశంకర్‌ వైజయంతిని చూపిస్తాడు. ముఖం మొత్తం పిండి ఉండటంతో గుర్తుపట్టలేకపోతున్నాను అయ్యగారు అంటాడు.దీంతో వైజయంతి ఊపిరి పీల్చుకుంటుంది.<br /> </p>
2 weeks ago
3 
