<p><strong>Jagadhatri Serial Today Episode</strong>: బుల్లితెర ప్రేక్షకులను ఎంతో ఆకట్టుకుంటున్న జగధాత్రి సీరియల్‌ ఈరోజు మంచి ట్విస్టులతో సాగుతుంది. శ్రీవల్లిని ఎలాగైనా ఇంట్లో నుంచి తీసుకెళ్లేందుకు పాపారాయుడు నాటకమాడినా...బలవంతంగా తనను నీతో పంపించలేమంటూ జగధాత్రి అడ్డుకుంటుంది.ఆలోచించుకోవడానికి తనకు సమయంకావాలని కోరుతుంది.అలాగే రాయుడు కుట్రను భగ్న చేయడానికి పథకం ఆలోచిస్తుంది.ఇంతలో చిలకమ్మ సుధాకర్‌ ఒళ్లో పడటంతో వైజయంతికి ఒళ్లుమండిపడుతుంది.</p>
<p><strong>జగధాత్రికి అనుమానం</strong><br /> పాపారాయుడు శ్రీవల్లిని తన ఇంటికి తీసుకెళ్తానని చెప్పడంతో భయంతో ఆమె పరుగులు తీస్తుంది. తాము మాట్లాడి వస్తామని జగధాత్రి, కేదార్ ఆమె దగ్గరకు వెళ్లి మాట్లాడతారు. వాళ్లను చూసి భయపడిపోయిన శ్రీవల్లి...తనకు పాపారాయుడు మామయ్యతో వెళ్లడం ఇష్టంలేదని చెబుతుంది.ఆయన్ను చూస్తేనే భయం వేస్తుందని అంటుంది. అలాగే మిమ్మల్ని వదిలిపెట్టి వెళ్లడం కూడా ఇష్టం లేదని చెబుతుంది. నీకు నచ్చని పని ఈ ఇంట్లో ఏదీ జరగదని....మేం చూసుకుంటామని జగధాత్రి ఆమెకు హామీ ఇస్తుంది. అసలు ఉన్నట్లుండి పాపారాయుడు బాబాయి మారిపోవడం ఏంటో అర్థంకావడం లేదని జగధాత్రి కేదార్‌తో అంటుంది.ఉదయం చంపుతానంటూ హడావుడి చేసిన రాయుడు బాబాయి....మధ్యాహ్నానికి నేను మారిపోయానంటూ నా మేనకోడలిని ఇంటికి తీసుకెళ్తాననడం ఏంటో తెలియడం లేదని అంటుంది.ఖచ్చితంగా వైజయంతి అత్తయ్య రాయుడు బాబాయికి ఏదో చెప్పిందని అంటుంది. అంటే శ్రీవల్లి తన కూతురు కాదన్న నిజం చెప్పి ఉండి ఉండాలని లేకపోతే బాబాయి అంతలా మారిపోడని అంటుంది. దీంతో శ్రీవల్లి బాధపడుతుంది. ఇన్నాళ్లు అమ్మ నేను తన కూతురు కాదని అంటుంటే కోపంలో అంటుందేమో అనుకున్నానని...కానీ నిజంగా నేను తన కూతురు కాదా అని అంటుంది. నాకు ఈ ఇంటికి ఏం సంబధం లేదా అని అడుగుతుంది.నువ్వు తన కూతురు కాదని మాత్రమే చెప్పింది కానీ...ఈ ఇంటితో సంబంధం లేదని కాదు కదా అని జగధాత్రి ఆమెను సముదాయిస్తుంది.</p>
<p><strong>రాయుడు వెంట వెళ్లమని చెప్పిన కౌషికి- అడ్డుకున్న ధాత్రి</strong></p>
<p>కిందకు దిగివచ్చిన జగధాత్రి...శ్రీవల్లికి రాయుడు బాబాయి వెంట వెళ్లడం ఇష్టంలేదని చెబుతుంది.ఇష్టంలేకుండా ఆడపిల్లను ఎలా పంపుతామని అంటుంది. దీంతో వైజయంతి మా అన్న ఆమెకు మంచి భవిష్యత్ ఇస్తానంటుంటే పోవడానికి ఇబ్బంది ఏంటని నిలదీస్తుంది. మాకు కూడా అదే అర్థంకావడంలేదని ఉదయం శ్రీవల్లి కోసమే మిమ్మల్ని చంపుతానన్న బాబాయి మధ్యాహ్నానికే మేనకోడలిపై ప్రేమ పుట్టుకురావడమే నమ్మలేకపోతున్నామని అంటుంది. దీంతో పాపారాయుడు వాళ్ల బావ కాళ్లమీదపడి నేను నిజంగా మారిపోయానని...శ్రీవల్లిని నా బిడ్డలా చూసుకుని మంచి సంబంధం చూసి పెళ్లి చేస్తానని అంటాడు. నా మేనకోడలు ఇక్కడే వంటింట్లో పనిచేయడం నాకు ఇష్టంలేదని అంటాడు.దీంతో కౌషికి కూడా శ్రీవల్లిని రాయుడుబాబాయి వెంట వెళ్లమని చెబుతుంది.దీంతో యువరాజు, నిషిక ఆనందపడిపోతారు. నువ్వు ఇక్కడ ఉంటే ఎప్పటికీ పనిపిల్లలాగే ఉంటావని...అక్కడ అయితే నీకు ఓ మంచి భవిష్యత్ ఉంటుందని చెబుతుంది.దీంతో రాయుడు శ్రీవల్లిని బలవంతంగా లాక్కుని వెళ్లాలని చూడగా ఆమె భయంతో వణికిపోతుంది.అయినా సరే లాక్కెళ్తుండగా జగధాత్రి వచ్చి అడ్డుకుంటుంది. ఆడపిల్లను తీసుకెళ్లే పద్ధతి ఇదేనా అని నిలదీస్తుంది. నిన్ను చూస్తేనే ఆ పిల్ల వణికిపోతుందని..ఇలా బలవంతంగా తీసుకెళ్లడం కరెక్ట్‌ కాదని చెబుతుంది. శ్రీవల్లికి కూడా ఆలోచించుకోవడానికి సమయం ఇవ్వమని అడగుతుంది. దీంతో కౌషికి కూడా రెండురోజులు సమయం ఇవ్వమని చెబుతుంది.దీంతో రెండురోజు తర్వాత తిరిగి వస్తానంటూ పాపారాయుడు వెళ్లిపోతాడు.</p>
<p><strong>చిలకమ్మపై చేయి ఎత్తిన వైజయంతి</strong></p>
<p>పాపారాయుడు మళ్లీ ఈ ఇంటివైపు కన్నెత్తి చూడకుండా మనం ఏదో ఒకటి చేయాలని జగధాత్రి అంటుంది.ఆయన చేయాలనుకున్న మోసాన్ని అందరి ముందు బయటపెట్టాలని కేదార్‌తో అంటుంది.ఇంతలో వైజయంతి వచ్చి శ్రీవల్లిని గట్టిగా బెదిరిస్తుంది. ఈసారి మా అన్నయ్య వెంట వెళ్లిపోవాలని హెచ్చరిస్తుంది. సుధాకర్‌ టాబ్లెట్‌ అడగడంతో చిలకమ్మ వాటిని తీసుకురావడనికి పరుగెత్తుతుండగా వైజయంతి ఢీకొట్టడంతో వెళ్లి సుధాకర్‌ ఒళ్లో పడుతుంది.దీంతో వైజయంతి పెద్ద రచ్చ చేసి చిలకమ్మపై చేయి ఎత్తగానే జగధాత్రి వచ్చి అడ్డుకుంటుంది. </p>
2 hours ago
1 
