<p><strong>Flamboyant Southpaw Powers India To Strong Total With Historic Record Knock: </strong>ఆసియా క్రీడలు 2026 పురుషుల క్రికెట్ సెమీఫైనల్లో భారత వికెట్ కీపర్ బ్యాటర్ ఇషాన్ కిషన్ అద్భుతమైన పోరాట పటిమను కనబరిచాడు. శ్రీలంకతో గురువారం జరిగిన కీలక నాకౌట్ సమరంలో ఒకవైపు వికెట్లు పడుతున్నప్పటికీ ఏమాత్రం బెదరకుండా ఎదురుదాడికి దిగిన ఈ లెఫ్ట్ హ్యాండర్ కేవలం 46 బంతుల్లోనే 4 ఫోర్లు, 5 భారీ సిక్సర్లతో 80 పరుగులు సాధించి అజేయంగా నిలిచాడు. లంక బౌలర్లు క్రమం తప్పకుండా వికెట్లు తీస్తూ భారత్‌ను తీవ్ర ఒత్తిడిలోకి నెట్టిన సమయంలో క్రీజులోకి వచ్చిన కిషన్, మ్యాచ్ గమనాన్ని పూర్తిగా మార్చేశాడు. అతడి తుఫాన్ ఇన్నింగ్స్ బలంతో టీమ్ ఇండియా నిర్ణీత 20 ఓవర్లలో 7 వికెట్ల నష్టానికి 169 పరుగుల మెరుగైన స్కోరు సాధించి శ్రీలంక ముందు 170 పరుగుల లక్ష్యాన్ని నిర్దేశించింది. అనంతరం ఛేజింగ్ లో బౌలర్ల ధాటికి లంక కేవలం 9.5 ఓవర్లలో 45 పరుగులకే కుప్పకూలింది. నువనీడు ఫెర్నాండో (15) టాప్ స్కోరర్. బౌలర్లలో జస్ ప్రీత్ బుమ్రా, అభిషేక్ శర్మ, అక్షర్ పటేల్ లకు తలో రెండు వికెట్లు దక్కాయి. శనివారం జరిగే ఫైనల్లో పాకిస్థాన్ తో భారత్ తలపడనుంది. </p>
<blockquote class="twitter-tweet">
<p dir="ltr" lang="en">8️⃣0️⃣* Runs<br />4️⃣6️⃣ Deliveries <br />4️⃣ Fours<br />5️⃣ Sixes<br /><br />Ishan Kishan stood tall under pressure today 💥👌<br /><br />Scorecard ▶️ <a href="https://t.co/DjHV9q6htT">https://t.co/DjHV9q6htT</a><a href="https://x.com/hashtag/TeamIndia?src=hash&ref_src=twsrc%5Etfw">#TeamIndia</a> | <a href="https://x.com/hashtag/AsianGames?src=hash&ref_src=twsrc%5Etfw">#AsianGames</a> | <a href="https://x.com/ishankishan51?ref_src=twsrc%5Etfw">@ishankishan51</a> <a href="https://t.co/VHHVlzIaFk">pic.twitter.com/VHHVlzIaFk</a></p>
— BCCI (@BCCI) <a href="https://x.com/BCCI/status/2105539383260823938?ref_src=twsrc%5Etfw">October 1, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>మనీష్ పాండే ఎనిమిదేళ్ల రికార్డు బ్రేక్.. నంబర్ 5లో సరికొత్త చరిత్ర</strong><br />ఈ మెరుపు ఇన్నింగ్స్‌తో ఇషాన్ కిషన్ అంతర్జాతీయ టీ20ల్లో ఒక అరుదైన మైలురాయిని అధిగమించాడు. టీ20 క్రికెట్‌లో భారత్ తరఫున ఐదో స్థానం లేదా ఆ దిగువన బ్యాటింగ్‌కు వచ్చి అత్యధిక వ్యక్తిగత స్కోరు నమోదు చేసిన ప్లేయర్‌గా చరిత్ర సృష్టించాడు. 2018లో సెంచూరియన్‌లో దక్షిణాఫ్రికాపై మనీష్ పాండే సాధించిన అజేయ 79 పరుగుల ఎనిమిదేళ్ల పాత రికార్డును కిషన్ బద్దలు కొట్టాడు. ఈ జాబితాలో యువరాజ్ సింగ్ (77 నాటౌట్), హార్దిక్ పాండ్యా (71 నాటౌట్), రింకూ సింగ్ (69 నాటౌట్, 68 నాటౌట్) వంటి విధ్వంసకర బ్యాటర్లు కిషన్ కంటే వెనుకబడి ఉన్నారు.</p>
<blockquote class="twitter-tweet">
<p dir="ltr" lang="en">Innings Break!<br /><br />Ishan Kishan's brilliant knock guides <a href="https://x.com/hashtag/TeamIndia?src=hash&ref_src=twsrc%5Etfw">#TeamIndia</a> to 1️⃣6️⃣9️⃣/7 🙌<br /><br />Over to our bowlers in the semi-final 🎯<br /><br />Scorecard ▶️ <a href="https://t.co/DjHV9q6htT">https://t.co/DjHV9q6htT</a><a href="https://x.com/hashtag/AsianGames?src=hash&ref_src=twsrc%5Etfw">#AsianGames</a> <a href="https://t.co/WV6rBkz03l">pic.twitter.com/WV6rBkz03l</a></p>
— BCCI (@BCCI) <a href="https://x.com/BCCI/status/2105538231492346201?ref_src=twsrc%5Etfw">October 1, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>సూర్యవంశీ మెరుపు ఆరంభం.. లంక బౌలర్ల ఎదురుదెబ్బ</strong><br />టాస్ ఓడి బ్యాటింగ్‌కు దిగిన టీమ్ ఇండియాకు యువ ఓపెనర్ వైభవ్ సూర్యవంశీ దూకుడుగా ఆడి శుభారంభం అందించాడు. సూర్యవంశీ కేవలం 21 బంతుల్లోనే 38 పరుగులు చేసి ఇన్నింగ్స్‌ను పరుగులు పెట్టించాడు. అయితే మరో ఓపెనర్ అభిషేక్ శర్మ 7 పరుగులకే ఔట్ కాగా, సంజూ శాంసన్ సైతం 7 పరుగులకే నిష్క్రమించాడు. దూకుడుగా ఆడుతున్న సూర్యవంశీ పెవిలియన్ చేరిన తర్వాత లంక బౌలర్లు వరుసగా వికెట్లు తీసి మ్యాచ్‌పై పట్టు బిగించారు. కెప్టెన్ శ్రేయస్ అయ్యర్ 13 పరుగులకే వనుజ సహన్ బౌలింగ్‌లో క్లీన్ బౌల్డ్ అయ్యాడు. అక్షర్ పటేల్, తిలక్ వర్మలు కూడా స్వల్ప స్కోర్లకే వెనుదిరగడంతో భారత్ పీకల్లోతు కష్టాల్లో పడింది.</p>
<p><strong>ఒంటరి పోరాటంతో కిషన్ ధమాకా.. పోరాడే లక్ష్యం సిద్ధం</strong><br />ఒకవైపు వికెట్లు పేకమేడలా కూలుతున్నప్పటికీ కిషన్ సంయమనం కోల్పోకుండా స్ట్రైక్ రొటేట్ చేస్తూనే లంక స్పిన్నర్లను బౌండరీలకు తరలించాడు. డెత్ ఓవర్లలో విధ్వంసం సృష్టించి స్కోరు బోర్డును 169 పరుగులకు చేర్చాడు. శ్రీలంక బౌలర్లలో కెప్టెన్ సహన్ అరాచ్చిగే, తరిందు రత్నాయకే చెరో రెండు వికెట్లు పడగొట్టగా, వనుజ సహన్, నువనిదు ఫెర్నాండో, లసిత్ క్రూస్‌పుల్లే తలో వికెట్ దక్కించుకున్నారు.</p>
4 weeks ago
2 
