<p style="text-align: justify;"><strong>Erase Your Digital Footprint :</strong> ఈ రోజుల్లో ఆన్‌లైన్ ఉనికి అనేది మన గుర్తింపుగా మారింది. ప్రతి క్లిక్, సెర్చ్, ఫోటో, పోస్ట్.. ఇలా ప్రతీది మన డిజిటల్ ఫుట్‌ప్రింట్గా మారిపోతున్నాయి. మీరు ఏదైనా క్లిక్ చేసినా.. లైక్ కొట్టినా.. కామెంట్ పెట్టినా.. వాటిని బట్టి పీపుల్స్ జడ్జ్ చేసేందుకు సిద్ధమైపోతున్నారు. అయితే అలాంటి డిజిటల్ యుగంలో మీకు సంబంధించిన కొన్ని గుర్తులను పూర్తిగా చెరిపేయవచ్చు తెలుసా? మీరు మీ ఆన్లైన్ ఉనికి తీసేయాలి లేదా తగ్గించాలనుకుంటే కొన్ని టిప్స్ ఫాలో అవ్వాలి. అలాంటి వాటిలో టాప్ 5 టిప్స్ ఏంటి? వాటిని ఫాలో అయితే ఇంటర్నెట్ నుంచి ఆ సమాచారం తీసేయవచ్చా వంటి విషయాలు తెలుసుకుందాం. </p>
<p style="text-align: justify;">అసలు ఎందుకు వీటిని చేయాలనే ప్రశ్న వస్తే.. మీరు ఏదైనా ఇంటర్వ్యూకి వెళ్లినప్పుడు లేదా మీ గురించి ఎవరైనా సెర్చ్ చేసినప్పుడు ఈ తరహా కంటెంట్ వస్తే మీరు బ్యాడ్ అయ్యే అవకాశముంది. అవకాశాలు చేజారిపోవచ్చు కూడా. అందుకే డిజిటల్గా ఉండే నెగిటివిటీని తొలగించుకుంటే మంచిది.</p>
<h3 style="text-align: justify;">ఓల్డ్ అకౌంట్స్.. </h3>
<p style="text-align: justify;">డిజిటల్గా మీరు సేఫ్గా ఉండాలంటే.. ముందు తీసుకోవాల్సిన చర్య ఓల్డ్ అకౌంట్స్ ఏమున్నాయో గుర్తించాలి. అంటే మీ పాత ఇమెయిల్, సోషల్ మీడియా ఖాతాలను ట్రాక్ చేయాలి. అలాగే కొన్నిసార్లు Facebook, Twitter, ఇన్స్టాగ్రామ్ లేదా ఏదైనా షాపింగ్ సైట్‌లో ఖాతాను తెరిచి మర్చిపోతూ ఉంటాము. ఇటువంటి ఖాతాలు మీ సమాచారాన్ని పూర్తిగా కలిగి ఉంటాయి. అంతేకాకుండా హ్యాకింగ్‌కు కూడా ప్రమాదాన్ని కలిగిస్తాయి. Googleలో మీ పేరు+ఖాతాను సెర్చ్ చేయండి. ఇది చాలా పాత ఖాతాలను చూపుతుంది. ఆపై వాటిని ఒక్కొక్కటిగా తొలగించండి. లేదా డిలీట్ చేయండి. వాటిని డిలేట్ చేయకుంటే మీ సమాచారం ఎవరో ఒకరికి చేరుతూనే ఉంటుంది.</p>
<h3 style="text-align: justify;">డేటా బ్రోకర్లు</h3>
<p style="text-align: justify;">చాలా వెబ్‌సైట్‌లు, డేటా బ్రోకర్లు మీ పేరు, ఇ-మెయిల్, ప్లేస్, ఫోన్ నంబర్ వంటి సమాచారాన్ని తీసుకుని.. వాటిని విక్రయిస్తారు. ఈ సైట్‌లకు వెళ్లి మీరు డేటా తొలగింపు అభ్యర్థనను పంపవచ్చు. భారతదేశంలో కూడా ఇప్పుడు చాలా ప్లాట్‌ఫారమ్‌లు వినియోగదారులకు వారి సమాచారాన్ని తొలగించే అవకాశాన్ని అందిస్తున్నాయి. దీనికి కొంత సమయం పట్టవచ్చు. కానీ ఇది ఒక ముఖ్యమైన చర్య. ఫ్యూచర్లో ఎలాంటి సమస్యలు రాకుండా ఉంటాయి.</p>
<h3 style="text-align: justify;">సెర్చ్ ఇంజిన్ల నుంచి.. </h3>
<p style="text-align: justify;">మీ పేరుతో ముడిపడి ఉన్న పాత ఫోటోలు, వార్తలు లేదా పోస్ట్‌లు Google శోధనలో కనిపిస్తే.. మీరు వాటిని “Remove outdated content” సాధనం ద్వారా తొలగించవచ్చు. Google, Bing రెండింటిలోనూ ఈ ఎంపిక అందుబాటులో ఉంది. ఏదైనా వెబ్‌సైట్ మీ అనుమతి లేకుండా కంటెంట్‌ను ప్రచురించినట్లయితే.. మీరు వాటిని తీసేయమని చెప్పగలిగే హక్కు ఉంది. </p>
<h3 style="text-align: justify;">సోషల్ మీడియా డీటాక్స్</h3>
<p style="text-align: justify;">సోషల్ మీడియా మీ డిజిటల్ ఫుట్‌ప్రింట్లో అతిపెద్ద భాగంగా చెప్పవచ్చు. Facebook, Instagram, X (Twitter) లేదా LinkedIn వంటి ప్లాట్‌ఫారమ్‌లకు వెళ్లి మీ పాత పోస్ట్‌లు, ఫోటోలు, కామెంట్లను తొలగించండి. మీరు పూర్తిగా అదృశ్యం కావాలనుకుంటే.. ఖాతానుంచి లాగ్ అవుట్ చేయడానికి బదులుగా.. పర్మినెంట్ డిలీట్ ఆప్షన్ ఎంచుకోండి. ఇది మీ డేటాను సర్వర్ నుంచి కూడా తొలగిస్తుంది.</p>
<h3 style="text-align: justify;">సురక్షితంగా ఉండేందుకు</h3>
<p style="text-align: justify;">భవిష్యత్తులో మళ్లీ మీరు ఆన్‌లైన్‌లో కనిపించకుండా ఉండేందుకు మీ డిజిటల్ ప్రవర్తనలో మార్పులు చేయడం అవసరం. కొత్త వెబ్‌సైట్‌లలో అనవసరమైన సమాచారాన్ని ఫిల్ చేయడం మంచిది కాదు. ఆ సమయంలో మీరు VPNని ఉపయోగించవచ్చు. వ్యక్తిగత ఇమెయిల్స్‌కు బదులుగా డిస్‌పోజబుల్ ఇమెయిల్ IDలతో సైన్ అప్ చేయండి. అలాగే ప్రతి కొన్ని నెలలకు ఒకసారి మీ పేరును Googleలో శోధించడం ద్వారా మీ పాత సమాచారం మళ్లీ కనిపిస్తుందో లేదో చెక్ చేసుకోవచ్చు.</p>
<p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/lifestyle/sensible-person-might-avoid-posting-these-kind-of-things-on-social-media-180419" width="631" height="381" scrolling="no"></iframe></p>
1 month ago
2 
