<p style="text-align: justify;"><strong>Indians buying property in Dubai:</strong> భారతదేశంలోని ప్రధాన నగరాల్లో సొంత ఇల్లు కొనడం నేడు ఒక కలగా మారింది. సాధారణ ప్రజలు తమ జీవితకాలంలో కూడబెట్టిన డబ్బుతో ఫ్లాట్ కొనలేకపోతున్నారు. ఢిల్లీ, ముంబై వంటి మహానగరాల్లో ధరలు ఆకాశాన్ని తాకుతున్నాయి. అదే సమయంలో భారతీయులు మన దేశంలో కాకుండా దుబాయ్‌లో అధికంగా ఇళ్లను కొనుగోలు చేస్తున్నారు.</p>
<p style="text-align: justify;">2024లో భారతీయులు దుబాయ్‌లో 35 బిలియన్ దిర్హమ్‌లకు పైగా పెట్టుబడి పెట్టి కొనుగోలు చేస్తున్నారు. గత కొన్ని సంవత్సరాలుగా దుబాయ్‌లో ఆస్తి మార్కెట్‌లో భారీ వృద్ధి కనిపించింది. టీవీ 9 భారత్‌వర్ష్‌లో ప్రచురించిన నివేదిక ప్రకారం, భారతీయ పెట్టుబడిదారులు ఈ ఆస్తులలో అత్యధికంగా పెట్టుబడి పెట్టారు. ఆ గణాంకాలు చూస్తే మీరు ఆశ్చర్యపోతారు. భారతీయులు ఎక్కువగా దుబాయ్ మార్కెట్‌పై ఎందుకు ఆసక్తి చూపుతున్నారు?</p>
<p style="text-align: justify;"><strong>84 వేల కోట్ల పెట్టుబడి పెట్టిన భారతీయులు</strong></p>
<p style="text-align: justify;">ఈ సంవత్సరం మొదటి అర్ధభాగంలో దుబాయ్‌లో పెట్టుబడుల విలువ 431 బిలియన్ దిర్హమ్‌లకు పెరిగింది. ఇది సంవత్సరానికి 25 శాతం వృద్ధిని సూచిస్తుంది. భారతీయులు దుబాయ్ రియల్ ఎస్టేట్ మార్కెట్‌పై ఆసక్తి చూపుతున్నారని ఇది స్పష్టం చేస్తుంది. 2024లో కూడా భారతీయులు ఇదే ఆసక్తిని చూపారు. ఈ సమయంలో పెట్టుబడిదారులు దాదాపు 35 బిలియన్ దిర్హమ్స్, అంటే రూ. 84 వేల కోట్లకు పైగా పెట్టుబడి పెట్టారు.</p>
<p style="text-align: justify;">టైమ్స్ ఆఫ్ ఇండియా ప్రకారం, దీపావళి 2024లో భారత్ నుండి ఎంక్వైరీ, బుకింగ్‌లలో భారీ పెరుగుదల కనిపించింది. దుబాయ్ ఆస్తి కంపెనీలు నెలవారీ చెల్లింపు పథకం వంటి ఆఫర్లు అందించాయి. 2015 నుండి 2023 మధ్య భారతీయులు ఇక్కడ 120 బిలియన్ దిర్హమ్‌లకు పైగా పెట్టుబడి పెట్టారు. పెట్టుబడి పెట్టేవారిలో పెద్ద నగరాల పెట్టుబడిదారులు మాత్రమే కాకుండా, చిన్న పట్టణాల ప్రజలు సైతం దుబాయ్‌లో ఇన్వెస్ట్ చేస్తున్నారు. </p>
<p style="text-align: justify;"><iframe class="vidfyVideo" style="border: 0px;" src="https://telugu.abplive.com/web-stories/business/who-decides-the-price-of-gold-know-details-here-225884" width="631" height="381" scrolling="no"></iframe></p>
<p style="text-align: justify;"><strong>పెట్టుబడిదారులు ఎందుకు ఆకర్షితులవుతున్నారు?</strong></p>
<p style="text-align: justify;">దుబాయ్‌లో ఆస్తులలో పెట్టుబడి పెట్టడానికి అతిపెద్ద కారణం పన్ను రహితం (Tax Free In Dubai)గా ఉండటమే. దుబాయ్‌లో ఎలాంటి ఆదాయపు పన్ను (Income Tax) లేదు. అలాగే Dubaiలో ఆస్తి పన్ను, మూలధన లాభాల పన్ను కూడా చెల్లించాల్సిన అవసరం లేదు. అందుకే చాలా మంది పెట్టుబడిదారులు దుబాయ్‌లో ఇన్వెస్ట్ చేయడానికి ప్లాన్ చేస్తున్నారు. పన్నులు లేకపోవడంతో మరోచోట అనగానే ఎక్కువ ఆలోచించకుండా దుబాయ్ లాంటి దేశాల్లో ప్లాట్లు కొనుగోలు చేస్తున్నారు.</p>
<p style="text-align: justify;"><strong>నిరాకరణ:</strong> (ఇక్కడ అందించిన సమాచారం కేవలం సమాచారం కోసం మాత్రమే ఇచ్చాం. మార్కెట్‌లో పెట్టుబడి ఎల్లప్పుడూ రిస్క్‌త కూడుకుని ఉంటుందని తెలియజేస్తున్నాం. పెట్టుబడిదారుడిగా డబ్బు పెట్టే ముందు ఎల్లప్పుడూ నిపుణుడిని సంప్రదించి, వారి అభిప్రాయాలు తీసుకోవాలి. ABPLive.com, ABP Desam ఎవరికీ ఇన్వెస్ట్ చేయాలని ఎప్పుడూ సలహా ఇవ్వదు.)</p>
<p style="text-align: justify;"> </p>
3 weeks ago
2 
