Indian Passport Fee Hike 2026: జులై 1 నుంచి పెరగనున్న పాస్‌పోర్ట్ ధరలు! ఏ కేటగిరీకి ఎంత రుసుం? పూర్తి వివరాలు ఇక్కడ తెలుసుకోండి!

<p><strong>Indian Passport Fee Hike 2026:&nbsp;</strong>విదేశీ ప్రయాణాలు చేయాలనుకునే భారతీయులకు కేంద్ర ప్రభుత్వం ఒక ముఖ్యమైన అప్&zwnj;డేట్&zwnj;ను అందించింది. పాస్&zwnj;పోర్ట్&zwnj; నియమాలు, 2026 కింద వివిధ కేటగిరీల పాస్&zwnj;పోర్ట్&zwnj; దరఖాస్తు ఫీజులను పెంచుతూ విదేశీ వ్యవహారాల మంత్రిత్వ శాఖ నిర్ణయం తీసుకుంది. ఈ కొత్త ధరలు జులై 1 నుంచి అమలులోకి రానున్నాయి. ఒక దశాబ్ధానికిపైగా కాలం తర్వాత ఈ ఫీజులను సవరించడం ఇదే తొలిసారి.&nbsp;</p> <h2>పాస్&zwnj;పోర్ట్ ధరల పెంపు</h2> <p>భారత్ ప్రభుత్వం చివరిసారిగా 2012లో పాస్&zwnj;పోర్ట్ ఫీజులను సవరించింది. అప్పట్లో సాధారణ 36 పేజీల పాస్&zwnj;పోర్ట్&zwnj; ధరను 1000 నుంచి 1500 పెంచారు. దాదాపు 14 ఏళ్ల సుదీర్ఘ విరామం తర్వాత, ప్రస్తుత పరిపాలనా ఖర్చులు, సేవల మెరుగుదలను దృష్టిలో ఉంచుకొని ఈ నిర్ణయం తీసుకున్నట్టు తెలుస్తోంది. జూన్ 20న జారీ చేసిన నోటిఫికేషన్ ప్రకారం, జులై 1 లేదా ఆ తర్వాత సమర్పించే అన్ని దరఖాస్తులకు ఈ కొత్త ధరలు వర్తిస్తాయి.&nbsp;</p> <h2>కొత్త రుసుములు వివరాలు ఇలా ఉన్నాయి</h2> <p>36 పేజీల సాధారణ పాస్&zwnj;పోర్ట్&zwnj; కోసం ప్రస్తుతం 1500 రూపాయలు ఫీజు వసూలు చేస్తున్నారు. ఇప్పుడు 2500 వసూలు చేయనున్నారు. 60 పేజీల సాధారణ పాస్&zwnj;పోర్ట్ కోసం ఇప్పటి వరకు 2000 రూపాయలు వసూలు చేస్తున్నారు.ఇకై 3500 రూపాయలు ఫీజు వసూలు చేయనున్నారు. తక్షణ అవసరాల కోసం దరఖాస్తు చేసుకునే వారికి 36పేజీల పాస్&zwnj;పోర్ట్ ధ 5000కు పెరిగింది. దీని కోసం గతంలో 3500 రూపాయలు చెల్లించేవారు. 60 పేజీల తత్కాల్&zwnj; పాస్&zwnj;పోర్ట్ ధర 6000 రూపాయలకు పెరిగింది. గతంలో దీని కోసం నాలుగు వేల రూపాయలు వసూలు చేసేవారు.&nbsp;</p> <h2>పాస్&zwnj;పోర్ట్ లాస్ అయితే!</h2> <p>పాస్&zwnj;పోర్ట్&zwnj;ను పోగొట్టుకున్నా, చోరీకి గురైనా లేదా పాడైపోయినా కొత్తది పొందడం ఇప్పుడు మరింత భారంగా మారింది. 36 పేజీల పాస్&zwnj;పోర్ట్ కోసం సాధారణ కేటగిరిలో ఐదు వేలు, తత్కాల్&zwnj;లో 7500 రూపాయలు వసూలు చేయనున్నారు. 60పేజీల పాస్&zwnj; పోర్ట్ కోసం సాధారణ కేటగిరీలో 6000, తత్కాల్&zwnj;లో &nbsp;8500 రూపాయలు వసూలు చేస్తారు.&nbsp;</p> <h2>మైనర్ల కోసం ప్రత్యేక రాయితీలు&nbsp;</h2> <p>18 ఏళ్ల లోపు ఉన్న మైనర్ల కోసం ప్రభుత్వం కొంత రాయితీని కొనసాగిస్తోంది. మైనర్లు కొత్త లేదా రీ ఇష్యూ 36 పేజీల పాస్&zwnj;పోర్ట్ ధర 1750 గా నిర్ణయించారు. తత్కాల్&zwnj; పథకం కింద మైనర్లు పాస్&zwnj;పోర్ట్ రుసుము 4250గా ఉంటుంది. మైనర్&zwnj;ు తమ పాస్&zwnj;పోర్ట్ పోగొట్టుకుంటే, దాని భర్తీకి సాధారణ కేటగిరీలో 4250, తత్కాల్&zwnj;లో 6750 రూపాయలు చెల్లించాలి.&nbsp;</p> <h2>ఇతర సేవల రుసుములు</h2> <p>పాస్&zwnj;పోర్ట్ ధరలతోపాటు ఇతర అనుబంధ సేవల ధరలను కూడా కేంద్రం సవరించింది. పోలీస్&zwnj; క్లియరెన్స్ సర్టిఫికెట్ కోసం భారత్&zwnj;లో 750 రూపాయలు, విదేశాల్లో 40 డాలర్లను వసూలు చేయనున్నారు. సరెండర్ సర్టిఫికెట్&zwnj;, గ్లోబల్&zwnj; ఎంట్రీ ప్రోగ్రామ్&zwnj; వెరిఫికేన్ కోసం 750 రూపాయలు వసూలు చేస్తారు. సర్టిఫికెట్ ఆఫ్ ఐడెంటిటీ కోసం వెయ్యి రూపాయలు భారత్&zwnj;లో, విదేశాల్లో అయితే 50 డాలర్లు ఫీజుగా చెప్పారు. ఎమర్జెన్సీ సర్టిఫికెట్&zwnj; భారత్&zwnj;లో ఉచితంగా ఇస్తారు. విదేశాల్లో దరఖాస్తు చేసుకుంటే 15 డాలర్లు చెల్లించాల్సి ఉంటుంది.&nbsp;</p>