Indian Cricketer Dies: వన్డే ప్రపంచ కప్ ఫైనల్ కు ముందు విషాదం! రోడ్డు ప్రమాదంలో మాజీ క్రికెటర్ మృతి

<p style="text-align: justify;">భారత క్రికెట్ కు కీలకమైన రోజు నేడు. హర్మన్&zwnj;ప్రీత్ కౌర్ అండ్ టీమ్ తొలి ప్రపంచ కప్ టైటిల్ కోసం ఫైనల్&zwnj;లో దక్షిణాఫ్రికాతో తలపడనుంది. ఈ సమయంలో భారత క్రికెట్ ప్రపంచంలో ఒక విషాదం చోటుచేసుకుంది. మాజీ క్రికెటర్ రాజేష్ బానిక్ రోడ్డు ప్రమాదంలో మృతిచెందారు. ఆయన భారత జట్టు తరపున అండర్-19 ప్రపంచ కప్ కూడా ఆడారు.&nbsp;</p> <p style="text-align: justify;">రాజేష్ బానిక్ వయసు 40 సంవత్సరాలు కాగా, పశ్చిమ త్రిపురలోని ఆనందనగర్&zwnj;లో ఆయన చనిపోయారు. రాజేష్ మరణంతో క్రికెట్ ప్రపంచంలో విషాదం నెలకొంది. ఇర్ఫాన్ పఠాన్, అంబటి రాయుడు వంటి ఆటగాళ్లతో కలిసి రాజేష్ ఆడారు. త్రిపుర క్రికెట్ అసోసియేషన్ కార్యదర్శి సుబ్రతా డే రాజేష్ బానిక్ మరణంపై సంతాపం వ్యక్తం చేశారు.</p> <h3 style="text-align: justify;"><strong>రోడ్డు ప్రమాదంలో క్రికెటర్ మృతి</strong></h3> <p style="text-align: justify;">మీడియా నివేదికల ప్రకారం, రోడ్డు ప్రమాదంలో రాజేష్ తీవ్రంగా గాయపడ్డారు. ఆ తర్వాత ఆయనను అగర్తలలోని జిబిపి ఆసుపత్రిలో చేర్పించారు. కానీ చికిత్స పొందుతూనే రాజేష్ కన్నుమూశారు. ఆయన త్రిపుర తరపున రంజీ ట్రోఫీలో కూడా ఆడారు.</p> <p style="text-align: justify;">త్రిపుర క్రికెట్ అసోసియేషన్ కార్యదర్శి సుబ్రతా డే మాట్లాడుతూ.. 'మేము ఒక ప్రతిభావంతులైన క్రికెటర్, అండర్ -16 క్రికెట్ జట్టు సెలెక్టర్&zwnj;ను కోల్పోవడం చాలా బాధాకరం. ఈ విషయం తెలిసి మేం ఆశ్చర్యపోయాం. భగవంతుడు ఆయన ఆత్మకు శాంతిని చేకూర్చాలి. రాజేష్ అత్యంత అద్భుతమైన ఆల్ రౌండర్లలో ఒకరు. ప్రతిభావంతులైన యువ ఆటగాళ్లను సులభంగా గుర్తించగల సామర్థ్యం ఆయన సొంతం. అందుకే రాజేష్&zwnj;ను యంగ్ టాలెంట్ గుర్తించేందుకు రాష్ట్ర అండర్ -16 జట్టుకు సెలెక్టర్&zwnj;గా నియమించారు' అని తెలిపారు.</p> <p style="text-align: justify;">40 ఏళ్ల రాజేష్ బానిక్ తన క్రికెట్ కెరీర్&zwnj;లో 42 ఫస్ట్ క్లాస్ మ్యాచ్&zwnj;లలో 1469 పరుగులు చేశారు. దీనితో పాటు రాజేష్ లిస్ట్ ఎ లో 24 మ్యాచ్&zwnj;లు ఆడాడు. ఇందులో 378 పరుగులు చేసి 8 వికెట్లు తీశాడు. 18 టీ20 మ్యాచ్&zwnj;లలో 203 పరుగులు చేశాడు. చివరి మ్యాచ్ రంజీ ట్రోఫీని 2018లో ఒడిశాపై ఆడాడు.</p>