<p><strong>INDIA VS NEW ZEALAND T20 Series:</strong> టీమిండియాకు దూకుడుకు ఎదురేలేదు.. న్యూజిలాండ్ గ‌డ్డ‌పై మ‌రో మ్యాచ్ మిగిలి ఉండ‌గ‌నే టీ20 సిరీస్ సాధించింది. మంగ‌ళ‌వారం వెల్లింగ్ట‌న్ వేదిక‌గా జ‌రిగిన మూడో టీ20లో 6 వికెట్ల‌తో గెలుపొందింది. దీంతో మ‌రో రెండు మ్యాచ్ లు ఉండ‌గానే ఐదు టీ20ల సిరీస్ ను 3-0తో కైవ‌సం చేసుకుంది. అంత‌కుముందు టాస్ ఓడి ఫ‌స్ట్ బ్యాటింగ్ చేసిన కివీస్.. నిర్ణీత 20 ఓవ‌ర్ల‌లో 3 వికెట్ల‌కు 198 ప‌రుగులు చేసింది. మిడిలార్డ‌ర్ బ్యాట‌ర్ డారైల్ మిషెల్ ధ‌నాధ‌న్ ఫిఫ్టీ (52 బంతుల్లో 89, 5 ఫోర్లు, 5 సిక్స‌ర్లు) తో టాప్ స్కోర‌ర్ గా నిలిచాడు. బౌల‌ర్ల‌లో అర్ష‌దీప్ సింగ్ , అక్ష‌ర్ ప‌టేల్, నితీశ్ కుఆర్ రెడ్డికి తలో వికెట్ ద‌క్కాయి. అనంత‌రం ఛేజింగ్ ను టీమిండియా.. 13.2 ఓవ‌ర్ల‌లో , 4 వికెట్ల‌కు 199 ప‌రుగులు చేసి, 6 వికెట్లతో గెలుపొందింది. ఓపెన‌ర్ అభిషేక్ శ‌ర్మ అకాశ‌మే హ‌ద్దుగా చెల‌రేగా సూప‌ర్బ్ సెంచ‌రీ (38 బంతుల్లో 113, 9 ఫోర్లు, 11 సిక్స‌ర్లు) తో టాప్ స్కోర‌ర్ గా నిలిచాడు. బౌల‌ర్ల‌లో కైలీ జెమీస‌న్ కు 2, షిఫ‌ర్, మిషెల్ శాంట్న‌ర్ ల‌కు త‌లో వికెట్ ద‌క్కాయి . సిరీస్ లో త‌ర్వాతి మ్యాచ్ ఆక్లాండ్ వేదిక‌గా శుక్ర‌వారం (ఈనెల 30న‌) జ‌రుగుతుంది. న్యూజిలాండ్ పై ఇండియాకిది వరుసగా పదో విజయం కావడం విశేషం. </p>
<blockquote class="twitter-tweet">
<p dir="ltr" lang="en">1⃣1⃣3⃣ runs 3⃣8⃣ balls 2⃣9⃣7⃣.3⃣7⃣ strike rate 9⃣ fours &amp; 1⃣1⃣ sixes Abhishek Sharma, take a bow for that astonishing innings 🙇‍♂️ Updates ▶️ https://t.co/zf4CnZQ8CD #TeamIndia | #NZvIND https://t.co/RxygJwIOUw</p>
— BCCI (@BCCI) <a href="https://x.com/BCCI/status/2115019606066893307?ref_src=twsrc%5Etfw">October 27, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p> </p>
<p> </p>
<p><strong>కలిసొచ్చిన మార్పు..</strong><br /> టాప్ ఆర్డర్‌లో వ్యూహాత్మక మార్పు చేసిన టీమ్ మేనేజ్‌మెంట్, అభిషేక్ శర్మతో కలిసి టీనేజ్ బ్యాటర్ వైభవ్ సూర్యవంశీని ఓపెనర్‌గా బరిలోకి దించింది. ఈ ఎడమచేతి వాటం ద్వయం మైదానంలో పరుగుల సునామీ సృష్టించింది. కేవలం మొదటి ఆరు ఓవర్ల పవర్‌ప్లేలోనే ఏకంగా 118 పరుగులు పిండుకుని అంతర్జాతీయ టీ20ల్లో ఫుల్ మెంబర్ దేశాల్లోనే సరికొత్త ప్రపంచ రికార్డు నెలకొల్పింది. ముఖ్యంగా అభిషేక్ శర్మ మైదానం నలువైపులా బౌండరీల వర్షం కురిపిస్తూ కేవలం 35 బంతుల్లోనే మెరుపు శతకం బాది ఔటయ్యాడు. వైభవ్ సూర్యవంశీ హాఫ్ సెంచరీ మిస్సయినప్పటికీ ఆరంభం నుంచే కివీస్ బౌలర్లపై పూర్తి ఆధిపత్యం ప్రదర్శించాడు. నిజానికి ఇద్దరు ఎడమచేతి వాటం ఓపెనర్లు క్రీజులో ఉండటంతో కివీస్ కెప్టెన్ మిచెల్ శాంట్నర్ తొలి ఓవర్లలో బౌలింగ్ చేయడానికి వెనుకాడాడు. అతడు బౌలింగ్‌కు వచ్చే సమయానికే మ్యాచ్ కివీస్ చేతుల్లోంచి పూర్తిగా జారిపోయింది. పవర్‌ప్లేలో 118 పరుగులు సమర్పించుకున్న న్యూజిలాండ్, మొదటి 10 ఓవర్లలోనే ఏకంగా 178 పరుగులు ఇచ్చింది. ఆ తర్వాత కైల్ జెమీసన్, శాంట్నర్ కొన్ని వికెట్లు తీశారు. మాథ్యూ ఫిషర్ తన తొలి అంతర్జాతీయ వికెట్‌గా వైభవ్‌ను పెవిలియన్ చేర్చినప్పటికీ, అప్పటికే జరగాల్సిన నష్టం జరిగిపోయింది. ఓపెన‌ర్లు తొలి వికెట్ భాగస్వామ్యం 133 పరుగుల వద్ద ముగిసింది. కివీస్ ఫీల్డింగ్ వైఫల్యం కూడా జట్టును తీవ్రంగా దెబ్బతీసింది.</p>
<p> </p>
<blockquote class="twitter-tweet">
<p dir="ltr" lang="en">At it from the word go 🔥 A scintillating 100-run partnership comes up between Vaibhav Sooryavanshi and Abhishek Sharma in just 5 overs 🤩 Live - https://t.co/zf4CnZQ8CD #NZvIND https://t.co/AZx2ciqKr0</p>
— BCCI (@BCCI) <a href="https://x.com/BCCI/status/2115010487394107898?ref_src=twsrc%5Etfw">October 27, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>పోరాడిన డారిల్ మిచెల్: కివీస్ స్కోరు 200 లోపే కట్టడి</strong><br />టాస్ గెలిచిన భారత కెప్టెన్ శ్రేయస్ అయ్యర్ మరోసారి ఫీల్డింగ్ ఎంచుకున్నాడు. టిమ్ సీఫెర్ట్ (2) ఆరంభంలోనే నిష్క్రమించినా, ఫిన్ అలెన్ 40 పరుగులతో ఎదురుదాడి చేశాడు. మిడిలార్డర్‌లో డారిల్ మిచెల్ అద్భుత బ్యాటింగ్‌తో ఆఖరి వరకు క్రీజులో నిలిచాడు. అతడికి బెవాన్ జాకబ్స్ (39 నాటౌట్) సహకారం అందించాడు. భువనేశ్వర్ కుమార్ ఈ మ్యాచ్‌లోనూ పెద్దగా ప్రభావం చూపలేకపోయినా, డెత్ ఓవర్లలో ప్రిన్స్ యాదవ్, అర్ష్‌దీప్ సింగ్, నితీష్ కుమార్ రెడ్డి అద్భుతమైన యార్కర్లతో ప్రత్యర్థిని 200 పరుగుల లోపే కట్టడి చేశారు. వరుసగా మూడు విజయాలు సాధించిన భారత జట్టు సంపూర్ణ ఆధిపత్యం ప్రదర్శిస్తోంది. మిగిలిన రెండు మ్యాచ్‌లలోనైనా విజయం సాధించి క్లీన్ స్వీప్ ముప్పు నుంచి తప్పించుకోవాలని న్యూజిలాండ్ జట్టు తీవ్రంగా కసరత్తు చేయాల్సి ఉంది.</p>
3 days ago
2 
