<p style="text-align: justify;"><strong>IND vs AUS 5th T20 Match:</strong> <a title="భారత్-ఆస్ట్రేలియా" href="https://www.abplive.com/topic/ind-vs-aus" data-type="interlinkingkeywords">భారత్-ఆస్ట్రేలియా</a> మధ్య జరుగుతున్న 5వ T20 మ్యాచ్‌కు వరుణుడు ఆటంకం కలిగించాడు. బ్రిస్బేన్ లోని గబ్బా స్టేడియంలో ఈ మ్యాచ్ జరుగుతోంది. అయితే వాతావరణం సరిగ్గా లేకపోవడంతో మ్యాచ్ తాత్కాలికంగా నిలిపివేశారు. నేటి T20 మ్యాచ్ ప్రారంభానికి ముందే ఈరోజు బ్రిస్బేన్ లో భారీ వర్షం కురిసే అవకాశం ఉందని వాతావరణశాఖ తెలిపింది. కేవలం 4.5 ఓవర్ల ఆట తర్వాత ప్రతికూల వాతావరణం కారణంగా మ్యాచ్ నిలిచిపోయింది. ఆ తర్వాత మ్యాచ్ లో వర్షం కూడా మొదలైంది. దాంతో కవర్లు కప్పి ఉంటారు. దీంతో ఈ మ్యాచ్ వర్షం కారణంగా రద్దయితే కనుక T20 సిరీస్ ఎవరు గెలుస్తారనే ప్రశ్న తలెత్తుతోంది. మ్యాచ్ నిలిపివేసే సమయానికి భారత్ 4.5 ఓవర్లలో వికెట్ నష్టపోకుండా 52 పరుగులు చేసింది.</p>
<h3 style="text-align: justify;"><strong>T20 సిరీస్ గెలిచేది ఎవరు..</strong></h3>
<p style="text-align: justify;">భారత్, ఆస్ట్రేలియా మధ్య గబ్బాలో ఐదవ T20 మ్యాచ్ జరుగుతోంది. ఈ సిరీస్ లో మొదటి మ్యాచ్ కూడా వర్షం కారణంగా రద్దు చేశారు. రెండవ T20 మ్యాచ్ లో ఆస్ట్రేలియా 4 వికెట్ల తేడాతో విజయం సాధించగా... మూడవ T20 మ్యాచ్ లో ఇండియా 5 వికెట్ల తేడాతో విజయం సాధించింది. నాల్గవ T20 మ్యాచ్ లోనూ భారత్ విజయం సాధించింది. సిరీస్ లో టీమిండియా 2-1 ఆధిక్యాన్ని సాధించింది. కానీ తొలి టీ20 లాగానే నేటి ఐదవ T20 మ్యాచ్ కూడా వర్షంతో తుడిచిపెట్టుకుపోతే.. భారత జట్టు 2-1తో ఈ T20 సిరీస్ కైవసం చేసుకుంటుంది. </p>
<h3 style="text-align: justify;"><strong>భారత్ 5 ఓవర్లలో 50 పరుగులు దాటింది</strong></h3>
<p style="text-align: justify;">ఐదవ T20 మ్యాచ్ లో ఆస్ట్రేలియా టాస్ గెలిచి బౌలింగ్ ఎంచుకుంది. భారత జట్టు నుంచి వైస్ కెప్టెన్ శుభమన్ గిల్, స్టార్ బ్యాటర్ అభిషేక్ శర్మ ఓపెనింగ్‌కు వచ్చారు. భారత్ ఇద్దరు ఓపెనర్లు ఆస్ట్రేలియా బౌలర్లను సమర్థంగా ఎదుర్కొంటూ దూకుడుగా ఆడారు. మ్యాచ్ నిలిపివేసే సమయానికి 4.5 ఓవర్ల ఆట జరిగింది. భారత ఓపెనర్లు 52 పరుగులు చేశారు.</p>
<p style="text-align: justify;">అభిషేక్ శర్మ 13 బంతుల్లో 23 పరుగులు చేయగా, వైస్ కెప్టెన్ గిల్ 16 బంతుల్లో 29 పరుగులతో నాటౌట్ గా ఉన్నాడు. ఈ మ్యాచ్ లో శుభమన్ గిల్ వేగంగా పరుగులు సాధించాడు. ఈ 29 పరుగులలో శుభ్‌మన్ గిల్ 6 ఫోర్లు కొట్టాడు.</p>
<p style="text-align: justify;"> </p>
4 weeks ago
2 
