<p><strong>IND Vs WI 3rd T20 Latest Updates:</strong> టీమిండియా మ‌ళ్లీ జూలు విదిల్చింది. గత మ్యాచ్ లో ఎదురైన భారీ షాకింగ్ ఓట‌మి నుంచి తేరుకున్న శ్రేయ‌స్ సేన‌.. నాలుగు టీ20లో స‌త్తా చాటి 14 ప‌రుగుల‌తో విజ‌యం సాధించింది. దీంతో ఐదు టీ20ల సిరీస్ లో 2-1తో ఆధిక్యంలో నిలిచింది. అంత‌కుముందు టాస్ ఓడి ఫ‌స్ట్ బ్యాటింగ్ చేసిన భార‌త్.. నిర్ణీత 20 ఓవ‌ర్ల‌లో 223 ప‌రుగుల‌కు ఆలౌట్ అయింది. విధ్వంస‌క ఓపెన‌ర్ అభిషేక్ శ‌ర్మ రికార్డు ఫిఫ్టీ (30 బంతుల్లో 69, 6 ఫోర్లు, 5 సిక్స‌ర్లు)తో అద‌ర‌గొట్టి, టాప్ స్కోర‌ర్ గా నిలిచాడు. బౌల‌ర్ల‌లో రోస్ట‌న్ చేజ్, షేమార్ జోసెఫ్, షేమార్ స్ప్రింగ‌ర్ ల‌కు త‌లో రెండు వికెట్లు ద‌క్కాయి.</p>
<p>అనంత‌రం ఛేజింగ్ లో విండీస్.. ఓవ‌ర్ల‌న్నీ ఆడి, 7 వికెట్ల‌కు 209 ప‌రుగులు చేసింది. విధ్వంస‌క హిట్ట‌ర్ షిమ్రాన్ హిట్ మెయ‌ర్ (26 బంతుల్లో 43, 6 ఫోర్లు, 2 సిక్స‌ర్లు) తో టాప్ స్కోర‌ర్ గా నిలిచాడు. బౌల‌ర్ల‌లో అర్ష‌దీప్ సింగ్ కు మూడు వికెట్లు ద‌క్కాయి. సిరీస్ లో త‌ర్వాతి మ్యాచ్ హైద‌రాబాద్ లో బుధ‌వారం (ఈనెల 14న‌) జ‌రుగుతుంది. </p>
<blockquote class="twitter-tweet">
<p dir="ltr" lang="en">Twin strikes of huge importance ✌️ How good was Arshdeep Singh in that over? 🤌 Updates ▶️ https://t.co/0ve4uDWSIn #TeamIndia | #INDvWI | @mflone_ | @arshdeepsinghh https://t.co/LqAOOcQA3H</p>
— BCCI (@BCCI) <a href="https://x.com/BCCI/status/2109330725355094197?ref_src=twsrc%5Etfw">October 11, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>బౌలర్ల సూపర్ కమ్‌బ్యాక్.. సిరీస్‌పై పట్టు</strong><br />రాంచీ మ్యాచ్‌లో మంచు ప్రభావం వల్ల బౌలింగ్ కష్టతరమైనప్పటికీ, ఇండోర్‌లో మంచు బెడద లేకపోవడంతో భారత బౌలర్లు తమ ప్లాన్లను పక్కాగా అమలు చేశారు. విండీస్ స్టార్ బ్యాటర్ షాయ్ హోప్ త్వరగానే పెవిలియన్ చేరడం ఆ జట్టు అవకాశాలను దెబ్బతీసింది. షిమ్రాన్ హెట్‌మయర్ , కమిల్ పూరన్ (42) కాసేపు పోరాడినప్పటికీ నిలకడైన భాగస్వామ్యాలు లేకపోవడం, పెరిగిపోతున్న రన్‌రేట్ ఒత్తిడి కారణంగా విండీస్ ఓటమిపాలైంది. లక్ష్య ఛేదనలో విండీస్ గట్టి పోటీ ఇచ్చినప్పటికీ భారత పేసర్లు కట్టుదిట్టంగా బౌలింగ్ చేసి మ్యాచ్‌ను తమ నియంత్రణలోకి తెచ్చుకున్నారు. బ్యాటింగ్‌లో ఆశించిన దానికంటే కాస్త తక్కువ స్కోరే చేసినప్పటికీ, దాన్ని కాపాడుకోవడంలో కెప్టెన్ శ్రేయస్ అయ్యర్ వ్యూహాలు ఫలించాయి.</p>
<blockquote class="twitter-tweet">
<p dir="ltr" lang="en">A pat on the back from the Captain 👏👏 Nitish Kumar Reddy strikes as #TeamIndia pick wicket no.5⃣ 🤝 Updates ▶️ https://t.co/0ve4uDWSIn #TeamIndia | #INDvWI | @mflone_ https://t.co/FFBb9HbZw3</p>
— BCCI (@BCCI) <a href="https://x.com/BCCI/status/2109327035361526094?ref_src=twsrc%5Etfw">October 11, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>అభిషేక్ శర్మ మెరుపులు.. పవర్‌ప్లేలో పరుగుల వరద</strong><br />టాస్ ఓడి తొలుత బ్యాటింగ్ చేసిన భారత జట్టుకు ఓపెనర్ అభిషేక్ శర్మ సునామీ ఆరంభాన్ని అందించాడు. పవర్‌ప్లే ముగిసే సమయానికి భారత్ ఏకంగా 87 పరుగులు రాబట్టగా, 8 ఓవర్లు ముగిసేసరికి ఒక వికెట్ నష్టానికి 109 పరుగులతో భారీ స్కోరు దిశగా సాగింది. ఇషాన్ కిషన్ కేవలం 18 బంతుల్లోనే 37 పరుగులు చేయగా, వైస్ కెప్టెన్ తిలక్ వర్మ 16 బంతుల్లో 28 పరుగులు జోడించి స్కోరుబోర్డును పరుగులు పెట్టించారు. భారీ ఆరంభం లభించినప్పటికీ మధ్య ఓవర్లలో భారత్ కాస్త తడబడింది. రాంచీ మ్యాచ్ తరహాలోనే విండీస్ స్పిన్నర్ రోస్టన్ చేజ్ (2/38), షమార్ స్ప్రింగర్ (2/50) వరుస విరామాల్లో వికెట్లు తీసి భారత జోరుకు అడ్డుకట్ట వేశారు. అయినప్పటికీ లోయరార్డర్‌లో నితీష్ కుమార్ రెడ్డి (14 బంతుల్లో 21), అక్షర్ పటేల్ (14 బంతుల్లో 20) విలువైన పరుగులు సాధించడంతో భారత్ చివరికి 223 పరుగుల భారీ స్కోరు వద్ద ఆలౌట్ అయింది. </p>
2 weeks ago
2 
