<p><strong>Illu Illalu Pillalu Serial Today Episode |</strong> ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబర్ 26న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p> <strong>ప్రేమ వస్తుందో రాదో అనేనా.. </strong></p>
<p>ధీరజ్‌ని అందరూ పెళ్లి కొడుకులా రెడీ చేస్తారు. ధీరజ్‌ ఏదో ఆలోచిస్తూ ఉంటే వేదవతి ధీరజ్‌తో చిన్నోడా ఇందాక నుంచి గమనిస్తున్నా. మేమంతా ఇంతలా మాట్లాడుతున్నా సరే, నువ్వు మాత్రం ఏదో వేరు లోకంలో ఉన్నట్టుగా ఆలోచిస్తున్నావు. అంతలా ఏం ఆలోచిస్తున్నావురా? ప్రేమ వస్తుందో లేదో అనేనా? అని వేద అడుగుతుంది. దానికి ధీరజ్ ప్రేమ కచ్చితంగా వస్తుంది అమ్మా. నా మీద తనకున్న ప్రేమ తనని వచ్చేలా చేస్తుంది. ఒకవేళ పంతానికి మూర్ఖత్వానికి పోయి వాళ్ల అత్త, నాన్న మాట విని రాకపోతే జీవితంలో నా మోహం దానికి చూపించను అని ధీరజ్ అంటాడు. </p>
<p><strong>శాశ్వతంగా విడిపోతారు కదా.. </strong></p>
<p>ధీరజ్ మాటలకు వల్లీ సంబరపడిపోతూ ఇదిగో చిన్న మరిది గారు ఒకవేళ పేమ సెల్లాయి రాకపోతే ఈరోజు నీకు పేమకి పెళ్లి జరగకపోతే మామయ్యగారి ఛాలెంజింగ్ చేసిన ప్రకారం పేమకి నీకు ఎటువంటి సంబంధం ఉండదు కదూ? పేమ సెల్లాయి నీ జీవితం నుంచి ఈ ఇంట్లోంచి శాశ్వతంగా వెళ్లిపోతుంది కదా. ఆ తర్వాత నువ్వెవరో తనెవరో అని ఛాలెంజ్ గుర్తు చేస్తుంది. దానికి వేద హేయ్ అసలు నువ్వు మనిషివేనా? నీ నోటినుంచి ఒక్క మాట కూడా మంచి మాట రాదా? నోరు తెరిస్తే అశభమేనా? అని తిడుతుంది. నర్మద వల్లీ దగ్గరకు వెళ్లి భుజం మీద చేయి వేసి ఇప్పుడు ఏంటక్కాయ్ నీ ప్రాబ్లెమ్? అని అడుగుతుంది. ఏం లేదు ఏంలేదు అని వల్లీ కంగారు పడుతుంది.</p>
<p><strong>ప్రేమని చింతామణి ఇంటికి తీసుకెళ్లిపోయారు..</strong></p>
<p>వేదవతి తల్లి శాంతమ్మ పరుగున వచ్చి వేదవతి వాళ్లతో ప్రేమ ఇక్కడే ఉంటే మీరు తనని తీసుకొచ్చేస్తారు అని ప్రేమని ఆ చింతామణి ఇంటికి తీసుకెళ్లిపోయారు అని చెప్తుంది. వేదవతి వాళ్లు షాక్ అవుతారు. చందు, సాగర్‌ వెళ్లి పదరా వెళ్లి తీసుకొద్దాం అని వెళ్తుంటే ధీరజ్ ఆపి.. ప్రేమ నాకోసం రావాలి అనుకుంటే సప్తసముద్రాలు అవతల ఉన్నా నా కోసం వచ్చేస్తుంది అని అంటాడు. ఇంతలో రామరాజు వచ్చి ప్రేమ మండపానికి వస్తుంది కదా అని అడుగుతాడు. కచ్చితంగా వస్తుంది నేను తీసుకొస్తా అని నర్మద చెప్పి అందర్ని మండపానికి పంపిస్తుంది. వల్లీ కూడా వెళ్తుంటే కారులో ఖాళీ లేదు అక్క మనం కలిసి వెళ్దాం అని వల్లీ జుట్టు పట్టి లాగుతుంది. అక్క నేను నీ ఒళ్లు కదలకుండా సుఖంగా తీసుకెళ్తా అని రామరాజు వాళ్లతో నేను వల్లీ అక్కాయ్ ప్రేమని తీసుకొని వస్తాం అని అంటుంది. </p>
<p><strong>దేవుడా ఏంటి ఈ పరీక్ష..</strong></p>
<p>చింతామణి తన మనుషులతో ప్రేమని జాగ్రత్తగా చూసుకోమని అంటుంది. ఇక ప్రేమ రామరాజు ఛాలెంజ్ గురించి ఆలోచిస్తూ ఈ పెళ్లికి వెళ్లకపోతే ధీరజ్ జీవితంలో నా ముఖం చూడడా.. ఏంటి దేవుడా నాకు ఈ పరీక్ష.. పుట్టిళ్లు.. అత్తారిల్లు ఎవరికి సపోర్ట్ చేయాలి. అందరూ తమ నిర్ణయాలు తీసుకుంటున్నారు నా మనసుతో సంబంధం లేదా అని బాధపడుతుంది. ఇంతలో చింతామణి వచ్చి మీ అత్త అన్నీ చెప్పింది.. నీ భర్త నీ కాలి దగ్గరకు రావాలి.. మగాడి తోడు లేకుండా ఆడది ఉంటుంది. తర్వాత చింతామణి తన కూతురికి పెళ్లి కాకుండా చేసినందుకు ధీరజ్ పెళ్లి జరగనివ్వను అనుకుంటుంది. </p>
<p><strong>వెళ్లి ప్రేమని తీసుకురండి.. </strong></p>
<p>నర్మద వల్లీ, భాగ్యం, ఇడ్లీబాబాయ్‌లను చింతామణి ఇంటికి తీసుకొచ్చి వెళ్లి ప్రేమని తీసుకురమ్మని చెప్తుంది. మా వల్ల కాదు ఆ ప్రేమ రమ్మంటే రాదు కదా అని వల్లీ వాళ్లు అంటే రమ్మంటే రాదు అని కిడ్నాప్ చేసి తీసుకొని రండి మీరు ఇలాంటి పనుల్లో ఎక్స్‌పర్ట్స్ కదా అని అంటుంది. భాగ్యం వాళ్లు షాక్ అవుతారు. ముసలి వాళ్లం ఇలాంటివి చేయలేం వదిలేయమ్మా అని భాగ్యం అంటే వాళ్లిద్దరినీ మోపిదేవి వెళ్లి మరీ వాళ్లని విడదీశారు కదా.. దానికే ఇదే ప్రాయశ్చిత్తం.. వెళ్లి ప్రేమని తీసుకురాకపోతే మామయ్యకి చందు బావకి వల్లీ చేసిన పనులున్నీ సాక్ష్యాలతో సహ చెప్పేస్తా అని నర్మద అనడంతో వద్దు వద్దు అంటూ వల్లీ అందర్ని తీసుకెళ్తుంది. </p>
<p><strong>ఇప్పుడు వచ్చేదారా.. </strong></p>
<p>పెళ్లి కూతురు లేకుండానే పెళ్లి తంతు మొదలవుతుంది. ప్రేమ గురించి వేదవతి వాళ్లు టెన్షన్ పడతారు. ప్రేమని నర్మద తీసుకొస్తుందో లేదో అని అనుకుంటారు. రామరాజు బయట అందర్ని రిసీవ్ చేసుకుంటూ ఉంటాడు. విశ్వక్, శాంతమ్మ, రేవతి ముఖం దాచుకొని వస్తారు. రామరాజు చూసి ఏంటి అత్తయ్యగారు ఇది.. మీ మనవరాలి పెళ్లికి మీరు దర్జాగా రావొచ్చు ఇలా ఏంటి వెళ్లి పెళ్లి జరిపించండి అని అంటాడు. ఇంతలో తిరుపతి, సుకన్య రావడంతో రామరాజు ఆపి రేయ్ పనికిమాలినోడా.. గెస్ట్‌లు వచ్చినట్లు ఇప్పుడు రావడం ఏంట్రా.. ముందు రావాలి అని తెలీదా అంటే నన్ను ఎవరు పిలిచారు అని తిరుపతి అంటే నువ్వేమైనా బయట వాడివారా బొట్టు పెట్టి పిలవడానికి అని రామరాజు అనడంతో ఇంత సెంటిమెంట్ మాట్లాడితే చెలరేగిపోతా అని తిరుపతి సుకన్యని తీసుకొని లోపలికి వెళ్తాడు. </p>
<p><strong>పిలవకపోయినా వచ్చా..</strong></p>
<p>తిరుపతి, సుకన్యని చూసి శాంతమ్మ వాళ్లు పలకరిస్తారు. తిరుపతితో చందు ఏంటి మామ ఇంత లేటుగా వచ్చావ్ అంటే నన్ను ఎవడు పిలిచాడు.. పిలవకపోయినా వచ్చా అని అంటాడు. ఏంట్రా పిలవాలా నిన్ను ప్రేమ వస్తుందో రాదో అని మేం టెన్షన్ పెడుతుంటే పిలవడం లేదు అంటావా ఒక్కటిచ్చా అంటే అని వేదవతి అంటుంది. ఇక కామాక్షి తనకి తిరుపతి పెళ్లికి నగలు ఇస్తా అన్నాడని ఇవ్వలేదు అని సుకన్య ఒంటి మీద ఉన్న నగలు లాక్కోవడానికి వెళ్తుంది. వేదవతి ఆపి ఇక్కడ జరుగుతుంది ఏంటి నీ గోల ఏంటి అని తిడుతుంది. ప్రేమ నువ్వు కచ్చితంగా వస్తావ్ అనే నమ్మకంతో ఉన్నా అని ధీరజ్ అనుకుంటాడు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
1 month ago
2 
