<p><strong>Illu Illalu Pillalu Serial Today Episode </strong>ప్రేమని ధీరజ్‌ చాలా చాలా ప్రశ్నిస్తాడు. ఏమైందని అడుగుతూనే ఉంటాడు. ఎక్కడికి వెళ్తున్నావ్.. ఏమైంది అని అడుగుతాడు. కోపంలో కొట్టడానికి చేయి కూడా ఎత్తుతాడు. ఓ వైపు నీకు ఏమైందా అని నేను.. మరోవైపు అమ్మా, వదినల్ని టెన్షన్ పెడుతున్నావ్.. నేను నీ భర్తని ఏమైందో నాకు చెప్పు అని అంటాడు. నువ్వు అర్థం చేసుకోవు నీకు చెప్పను అని ప్రేమ అనేస్తుంది. </p>
<p>ధీరజ్‌ కోపంగా నేను అర్థం చేసుకోనా.. ఈ ప్రపంచంలో నిన్ను నీ అమ్మాబాబుల కంటే నేనే ఎక్కువ అర్థం చేసుకుంటా.. నేనే నీకు జీవితాంతం తోడు ఉంటా.. ఇంత అడిగినా నువ్వు చెప్పకపోతే ఇక నీ ఖర్మ. నీ చావు నువ్వు చావు అని ధీరజ్ ప్రేమని వదిలేసి వెళ్లిపోతాడు. తిరుపతి రామరాజుతో తనకు ఇండియాలో పెళ్లి కావడం లేదు ఫారిన్ సంబంధం కావాలి అని అంటుంటాడు. ఇంతలో వేదవతి, నర్మదలు ఇద్దరూ నల్ల కళ్లద్దాలు పెట్టుకొని వస్తారు. దెయ్యం దెయ్యం అని తిరుపతి అరుస్తాడు. </p>
<p>రామరాజు ఏమైందని తన బుజ్జమ్మని అడిగితే విజయానందం అని చరిత్రలు ఆడవాళ్లు సృష్టించగలరు.. సంచలనాలు చేయగలరు అని భారీ డైలాగ్‌లు చెప్తూ దగ్గుతూ తెగ ఆయాస పడిపోతుంది. శుభలగ్నం సినిమాలోలా ఆవేశ పడకుండా.. బాపుగారి బొమ్మ సినిమాలోలా సైలెంట్‌గా ఉంటూ విషయం చెప్పు అని రామరాజు అంటే.. నా కోడలు నా పరువు నిలబెట్టింది నా కోడలికి ప్రమోషన్ వచ్చిందని చెప్తుంది. రామరాజు కంగ్రాట్స్ చెప్తాడు. అందరూ కంగ్రాట్స్ చెప్తారు. నర్మద అత్తామామల ఆశీర్వాదం తీసుకుంటుంది. </p>
<p>రామరాజు నర్మదతో నువ్వు చాలా తెలివైనదానివమ్మా అందుకే త్వరగా ప్రమోషన్ వచ్చింది ఇలాగే మంచిగా ఉద్యోగం చేసుకో అని రామరాజు అంటే తను మన ఇంటి గౌరవం మీ పరువు నిలబెడుతుందని అంటుంది. వేదవతి నర్మదని పట్టుకొని మురిసిపోవడం చూసి శ్రీవల్లి కోపంతో రగిలిపోతుంది. ఇంతలో భాగ్యం, ఆనంద్‌ రావు వస్తారు. భాగ్యం కూడా కుళ్లుకుంటుంది. కానీ విషయం తెలుసుకొని నువ్వు సూపర్ తల్లి నువ్వు అనుకుంటే కుంభస్థలం బద్ధలకొడతావ్ అంటుంది. మా అమ్మ కూడా దాన్ని పొగిడేయడం వల్ల నా కడుపు మండిపోతుందని శ్రీవల్లి వెళ్లిపోతుంది. </p>
<p>భాగ్యం నర్మదతో నువ్వు ఉద్యోగం చేస్తున్నావ్‌ అని మీ వాళ్లు వచ్చి అన్నయ్య గారితో గొడవ పడి షర్ట్ చింపేస్తారా అని అడుగుతుంది. అంటే అన్నాను కానీ మీరు ఎందుకు ఎప్పుడూ అలా మాట్లాడుతారు అని వేదవతి అంటుంది. భాగ్యం తన కూతురితో మాట్లాడుతా అని చెప్పి వెళ్తుంది. రామరాజు వేదవతితో అందరికీ స్వీట్స్ చేసి పంచమని చెప్తాడు. </p>
<p>ప్రేమ తన గదికి వస్తుందని తన ఒడిలో వాలిపోతుందని కల్యాణ్‌ పెర్ఫ్యూమ్ కొట్టుకుంటూ రెడీ అయిపోతాడు. ఇంతలో ప్రేమ అక్కడికి వస్తుంది. ప్రేమ దగ్గరకు వెళ్లి నా మాజీ ప్రేయసికి నాకు సొంతం అవ్వబోతున్న ఆరాధ్య దేవతకు స్వాగతం అని గదిలోకి తీసుకెళ్తాడు. నలుగురిలో నవ్వుల పాలు అవ్వడం కంటే ఇలా గదిలో ఒక్కటి అవ్వాలి అనుకున్న నీకు సెల్యూట్ అని అంటాడు. ప్రేమని పట్టుకొని బెడ్ మీదకి తీసుకెళ్లబోయే టైంకి ప్రేమ లాగిపెట్టి కొట్టి ధీరజ్ కళ్లతో పెప్పర్‌ స్ప్రే కొట్టి కల్యాణ్‌ని చితక్కొడుతుంది. అవసరం అయితే చస్తా కానీ క్యారెక్టర్ చంపుకోనురా అని కొడుతుంది. కల్యాణ్‌ని చితక్కొట్టి ఫోన్‌ లాక్కోవాలని ప్రయత్నిస్తుంది. కల్యాణ్‌ ప్రేమ చేతులు కట్టేస్తాడు. రెచ్చిపోతున్నావ్ ఎవరు నిన్ను కాపాడుతారే అని ప్రేమ మీద అఘాయిత్యానికి పాల్పడతాడు. </p>
<p>కల్యాణ్‌ నుంచి తప్పించుకోవడానికి ప్రేమ చాలా ప్రయత్నిస్తుంది. ప్రేమని బెడ్ మీదకు నెట్టేస్తాడు. అప్పుడే ధీరజ్ ఎంట్రీ ఇస్తాడు. ప్రేమనే బ్లాక్‌ మెయిల్ చేస్తావా అని చితక్కొడతాడు. దాంతో కల్యాణ్‌ పారిపోతాడు. ధీరజ్ ప్రేమ కట్లు విప్పుతాడు. ప్రేమ ధీరజ్‌ని వాటేసుకొని ఏడుస్తుంది. ధీరజ్ ప్రేమని ఓదార్చుతాడు. మరోవైపు నర్మదకి ప్రమోషన్ రావడంతో వల్లి రగిలిపోయి అన్నీ విసిరేస్తుంది. భాగ్యం, ఇడ్లీబాబాయ్‌ కూతుర్ని ఓదార్చుతారు. నర్మదని మా అత్తామామలు పొగిడితేనే నేను తట్టుకోలేకపోయాను.. మీరు కూడా పొగుడుతారా అని ఏడుస్తుంది. వల్లి ఏడుస్తూ నా బా నాతో మాట్లాడటం లేదు.. అత్తామామల దగ్గర నాకు విలువ లేదు.. అత్తారింట్లో నాకు బతుకే లేదు.. ఇప్పుడు మీరు కూడా నా తోటి కోడలికే సపోర్ట్ చేస్తున్నారు అని ఏడుస్తుంది. భాగ్యం వల్లి చేతిలో డబ్బు పెడుతుంది. దీంతో ఇవాళ్టి ఎపిసోడ్ పూర్తయిపోతుంది. <br /><br /></p>
2 months ago
3 
