<p><strong>Illu Illalu Pillalu Serial Today Episode</strong> ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 15) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>సాక్ష్యాలు ఉన్నాయా..</strong></p>
<p>గృహ హింస కేసులో బెయిల్ రాదు అని ఎస్‌ఐ చెప్తుంది. నర్మద, ప్రేమ జరిగింది అంతా చెప్పినా సాక్ష్యాలు ఉండాలి.. రెండు కుటుంబాలు ఒప్పుకోనే కదా పెళ్లి చేసుకున్నారు. భర్త అత్తమామలు వేదింపులు తట్టుకోలేక పోలీసుల్ని ఆశ్రయించిన ఆడపిల్లకి మేం అండగా నిలుస్తాం.. అయినా తను నిజంగా మీకు ఇబ్బంది పెట్టి మోసం చేసి ఉంటే ముందే కంప్లైంట్ ఇవ్వాలి.. కదా ఏమైనా ఉంటే రేపు కోర్టుకి రండి అని ఎస్‌ఐ చెప్తుంది. ఇక లాయర్ కోర్టు బెయిల్ అయినా తీసుకోవాలి లేదంటే వల్లీకి చెప్పి రాజీ చేసుకోండి అని చెప్తారు. </p>
<p><strong>నీ చెల్లి జీవితం ఏమైపోతుందో తెలుసా.. </strong></p>
<p>భద్రావతి, సేనాపతులు రామరాజు మీద ఇన్నాళ్లకి పగ తీర్చుకున్నాం అని.. ఇక వాడిని వదిలేదు లేదని భద్రావతి అంటుంది. మీకు బుద్ధుందా అని శాంతమ్మా తిడుతుంది. రామరాజు రామరాజు అంటూ పగ పగ అంటున్నావ్ వాడితో నీ చెల్లి జీవితం ఏమైపోతుందో తెలుసా.. నీ చెల్లిని కూడా జైల్లో పెట్టారే.. ఇద్దరూ చిన్నప్పుడు ఒకే ప్రాణంగా బతికారు కదా.. ఇప్పుడు అది జైల్లో ఉందే.. ఆ ప్రేమ ఏమైపోయిందే అని శాంతమ్మ అడుగుతుంది. కూలోడితో లేచిపోయి అదే నా ప్రేమని పగగా మార్చేసింది అని భద్రావతి అంటుంది. </p>
<p><strong>చివరకు ఇలా చేసింది.. </strong></p>
<p>నర్మద, ప్రేమ, ధీరజ్, సాగర్ ఇంటికి వస్తారు. సుకన్య, కామాక్షి వాళ్లకి వడ్డిస్తారు. వల్లీని నెత్తిన పెట్టుకున్నందుకు ఇలా చేసింది అని తిడుతుంది. అందర్ని డైనింగ్ టేబుల్ దగ్గరకు తీసుకురావడానికి రెండు గంటలు పట్టింది.. తినడానికి రెండు రోజులు అవుతుందేమో తినండి అని కామాక్షి అంటుంది. అమూల్య ఏడుస్తూ ధీరజ్ దగ్గరకు వెళ్లి అన్నయ్యా అమ్మానాన్నలు వచ్చేస్తారు కదా అని ఏడుస్తుంది. ఇక ప్రేమ సుకన్య దగ్గరకు వెళ్లి నీకు ముందే తెలుసు కదా.. మీరంతా తోడు దొంగలు అంతా కలిసే చేస్తారే.. ఎందుకు ముందు చెప్పలేదు అని తిడుతుంది. నాకు తెలీదు అని పద తిరు మనం నా పుట్టింటికి వెళ్లిపోదాం అని ఏడుస్తుంది. ఇక నర్మద సుకన్యని తిట్టి వల్లీతో కేసు వాపసు తీసుకునేలా చేయాలి అని అంటుంది. వల్లీ వాళ్ల అమ్మ ఎంత బలుపుతో మాట్లాడిందో చూసి కూడా ఎలా ఒప్పుకుంటారు అని ప్రేమ అంటే ఒక సారి వల్లీ వదినతో మాట్లాడుదాం అని ధీరజ్, సాగర్ అంటారు. </p>
<p><strong>మా అత్తయ్యా గారికి భోజనం ఇస్తా..</strong></p>
<p>ధీరజ్, నర్మద, ప్రేమలు వల్లీ ఇంటికి బయల్దేరుతారు. ఇక వల్లీ తండ్రితో చెప్పి క్యారేజ్ కట్టించి నా భర్తకి, అత్తామామయ్యలకు ఫుడ్ ఇచ్చి వస్తా అంటుంది. భాగ్యం ఆపి కేసు పెట్టిందే మనం ఇప్పుడు నువ్వు వెళ్లి భోజనం ఇస్తే కేసు నీరుగారిపోతుంది. నర్మద వాళ్లు చూసుకుంటారులే. మనం గట్టిగా ఉంటేనే వాళ్లు మన కాలు దగ్గరకు వస్తారు అని భాగ్యం అంటుంది. ఇంతలో నర్మద వాళ్లు వస్తారు. </p>
<p><strong>వల్లీని వాయించిన నర్మద..</strong></p>
<p>వదినా నీతో మాట్లాడాలి అని ధీరజ్ అంటే ఏం మాట్లాడదు అని ఇడ్లీబాబాయ్ అంటే ధీరజ్ ఒక్కటి కొడతాడు. ఏం మాట్లాడటం లేదు.. కోర్టులో తేల్చుకుందాం అని వల్లీ అంటుంది. ఏం చేస్తావ్ మమల్ని కూడా జైలులో పెట్టిస్తావా అని నర్మద అంటే కట్టుకున్న భర్తనే జైలులో పెట్టించింది మనల్ని పెట్టించదా అని ప్రేమ అంటే అది ఇదీ అంటావేంటి అని వల్లీ చేయి చూపించడంతో నర్మద చేయి చూపిస్తావేంటే అని చేయి నలిపేస్తుంది. భాగ్యం ప్రశ్నించిన మాటలకు ధీరజ్ ఇడ్లీబాబాయ్‌కి లాగిపెట్టి కొడతాడు. స్టేషన్‌కి వచ్చి కేసు వెనక్కి తీసుకో అని అంటే నేను తీసుకోను అని వల్లీ అంటే రాయితో కొట్టడానికి ప్రేమ వెళ్తుంది. కేసు వాపస్ తీసుకోవాలి అంటే మీతో పాటు నన్ను ఆ ఇంటికి తీసుకెళ్లండి.. అప్పుడు కేసు వాపస్ తీసుకుంటా అని వల్లీ అంటుంది. మా కాళ్లు పట్టుకొని క్షమాపణ చెప్పి నా కూతుర్ని కాపురానికి తీసుకెళ్తే అప్పుడు కేసు వెనక్కి తీసుకుంటా అని అంటారు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
2 weeks ago
2 
