<p><strong>Illu Illalu Pillalu Serial Today Episode</strong> ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జూన్‌ 11న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>ఎస్‌పీ దగ్గరకు వెళ్లమంటావా.. </strong></p>
<p>నర్మద, ప్రేమలు కోర్టుకి తీసుకెళ్తున్న ధీరజ్‌ని ఆపి.. పోలీసులకు అసలు నేరస్తుడితో పాటు అందుకు సంబంధించిన వీడియో కూడా చూపిస్తారు. ధీరజ్ కూడా ఆ వ్యక్తికి పార్టనర్ ఏమో ముందు ధీరజ్‌ని కోర్టుకి తీసుకెళ్లి తర్వాత వాడి సంగతి చూస్తా అని ఎస్ఐ అంటే నర్మద ఎస్‌పీ దగ్గరకు వెళ్తానని అప్పుడు వాడి వెనక ఎవరు ఉన్నారో మొత్తం బయటకు వస్తుందని అంటుంది. దాంతో పోలీసులు భయపడి ధీరజ్‌ని వదిలేస్తారు. </p>
<p><strong>ALSO READ: <a title="Meghna Lokesh: తెలుగు బుల్లితెర 'చామంతి' మేఘన లోకేష్.. నాటకాలు టు సీరియల్స్.. లవ్ స్టోరీలో టెస్ట్" href="https://telugu.abplive.com/entertainment/tv/meghna-lokesh-success-story-from-theatre-artist-to-tollywood-top-television-actress-249954" target="_self">Meghna Lokesh: తెలుగు బుల్లితెర 'చామంతి' మేఘన లోకేష్.. నాటకాలు టు సీరియల్స్.. లవ్ స్టోరీలో టెస్ట్</a></strong></p>
<p><strong>ప్రేమ నువ్వు పిరికిదానివి అనుకున్నానే.. </strong></p>
<p>ధీరజ్‌ని ప్రేమ హగ్ చేసుకుంటుంది. తర్వాత ప్రేమ చేతికి గాయం చూసిన ధీరజ్ ఏమైందే అని అడిగితే దానికి నర్మద బాబు నీ కోసం మీ ఆవిడ చిన్న పాటి యుద్ధమే చేసింది అంటుంది. ప్రేమ నువ్వు పిరికిదానికి అనుకున్నానే నీలో ఇంత ధైర్యం ఉందా అని ధీరజ్ అంటే నర్మద అక్క పక్కన ఉంది కదా ధైర్యం వచ్చేసింది అని ప్రేమ అంటుంది. ధీరజ్ నర్మదకు థ్యాంక్స్ చెప్తాడు. బాబు మేం వేరు కాపురం ఉంటున్నాం అని ఇలా థ్యాంక్స్ చెప్పి వేరు చేస్తావా అని నర్మద అంటుంది. ధీరజ్ నవ్వేస్తాడు. రామరాజు సంతోషంతో రామరాజు కోడళ్లు అనిపించుకున్నారమ్మా చాలా గర్వంగా ఉంది అని అంటాడు. దాంతో నర్మద, ప్రేమలు రామరాజుకి థ్యాంక్స్ చెప్పి ఇంటికి వెళ్తారు. </p>
<p><strong>వేదవతి సంబరం..</strong></p>
<p>వేదవతి దేవుడికి పూజ చేసి తన కొడుకుని విడిపించినందుకు థ్యాంక్స్ అని దండం పెట్టుకుంటుంది. అది చూసిన వల్లీ మంత్రాలకు చింతకాయలు రాలుతాయా ఏంటి ఓ తెగ పూజలు చేసేస్తుందని అంటుంది. అవును మరి పాపాలు చేసి పూజలు చేసేస్తే మీ కంటే పాపాలు చేసినోళ్లు లేరు కదా అని సుకన్య వల్లీ మీద సటైర్లు వేస్తుంది. ఇంతలో ధీరజ్ రావడంతో వేదవతి పరుగున వెళ్లి కొడుకుని హగ్ చేసుకొని ఏడుస్తుంది. ధీరజ్‌ని చూసి వల్లీ డిసప్పాయింట్ అయిపోతుంది. ఇదేంటే ధీరజ్ ఈ కేసులో జైలు పాలు అవుతాడు బయటకు రాడు అనుకున్నాం కదే ఇలా అయింది ఏంటి అని అడుగుతుంది. అందరూ లోపలికి పదండీ అని రామరాజు అంటాడు.</p>
<p><strong>నా నుంచి నా భర్తని దూరం చేయలేరు.. </strong></p>
<p>అందరూ లోపలికి వెళ్తుంటే ఒక్క నిమిషం ధీరజ్ అని ప్రేమ ఆపి.. నాతో రా అని ధీరజ్‌ని పుట్టింటి దగ్గరకు తీసుకెళ్తుంది. ప్రేమ ఎక్కడికి అని అందరూ ప్రేమ వెనక వెళ్తారు. ప్రేమ భద్రావతి బయటకు రా అని అరుస్తుంది. భద్రావతి బయటకు రావడంతో ఏమన్నావ్,, నిన్ను ఏమన్నావ్ నేను నా భర్తని వదిలేసి శాశ్వతంగా వచ్చేస్తే నా భర్తని జైలు నుంచి తీసుకొస్తాను అంటావా.. మా మధ్య మూడముళ్ల బంధం కంటే ప్రేమ బంధం ఉంది.. మీరు కుట్రలు చేసి అరెస్ట్ చేయిస్తే నేను నా భర్తని కాపాడుకున్నాను.. మీరు కుట్రలు చేసిన ప్రతీ సారీ నేను నా భర్తని ఇలాగే కాపాడుకుంటాను.. చూడండి నా భర్తని బయటకు తీసుకొచ్చా.. అన్నింటికంటే ముఖ్యంగా వీడి నుంచి మీరు నన్ను ఎంత దూరం చేయాలి అని చూస్తే అంత దగ్గర అవుతా.. నా నుంచి నా ప్రాణం దూరం చేయగలరు కానీ నా భర్తని దూరం చేయగలరు అని ప్రేమ అంటుంది. </p>
<p><strong>ఓర్నీ ఇదంతా మన స్కామా భద్రం..</strong></p>
<p>ధీరజ్ మొత్తం విని ఓర్నీ ఇదంతా మన స్కామా భద్రం.. ఈ కొంపలు కూల్చే కుంపటి కార్యక్రమానికి కథానాయకవి నువ్వేనా.. మా మామగాడు చిడతల బ్యాచ్ అన్నమాట అని అంటాడు. దాంతో అందరూ నవ్వుతారు. ఏంట్రా వాగుతున్నావ్ అని సేనా అంటే వద్దు మామ బీపీ వచ్చేస్తుంది. అప్పుడు పైకి పోతావ్.. ఎందుకంటే రేపు మాకు పుట్టబోయే పిల్లలకు నువ్వే కడగాలి.. తుడవాలి.. తాతగా నీకు చాలా పనులు ఉన్నాయి.. నా మానానా నేను ఏదో చేసుకుంటే నన్ను కెలికారు.. మీ ఇద్దరికీ మడతకాజా తినిపిస్తా జస్ట్ వెయిట్ అండీ భద్రం అండీ సేనా మామయ్య అని అంటాడు. </p>
<p><strong>నా కుటుంబమే నా బలం అని చెప్పా కదా..</strong></p>
<p>రామరాజు సేనాపతి వాళ్ల దగ్గరకు వెళ్లి రేయ్ నా కుటుంబమే నా బలం అని చెప్పా కదా.. ఆ మాట మరోసారి రుజువు అయింది చూశారు కదా.. మీరు ఎన్ని కుట్రలు చేసినా నా వాళ్లని నా కుటుంబాన్ని ఏం చేయలేరు.. అది తెలుసుకొని చావండి ఇప్పటికైనా మారండి.. అని చెప్పి వెళ్లిపోతాడు. భద్రావతి తమ్ముడితో ఇది ఊహించలేదు.. వాళ్ల నవ్వులు దూరం చేయాలి., వాళ్ల పొగరు తగ్గించాలి.. అని అంటుంది. </p>
<p><strong>వల్లీ నీకు బుద్ధి ఉందా..</strong></p>
<p>అందరూ ఇంట్లోకి వెళ్తుంటే వల్లీని వేదవతి ఆపి నీకు బుద్ధి ఉందా.. మనిషి పెరిగావు కానీ బుద్ధి పెరగలేదు.. అని తిడుతుంది. ఇప్పుడు నేను ఏం చేశాను అత్తయ్యా అంటే పేరుకే పెద్ద కోడలు అన్నీ నేను చేయాలి అని అంటావ్ హారతి తీయాలి అని తెలీదా వచ్చి తీయ్ అని అంటుంది. నేను గర్భవతిని కదా అత్తయ్యా అని వల్లీ అంటే అబ్బో లోకంలో నువ్వే గర్భవతివా అరిగిపోవులే తీసుకురా అని అంటుంది. వల్లీ హారతి తీస్తుంది. ఇక చందు నర్మద, ప్రేమలే ధీరజ్‌ని విడిపించారని చెప్తాడు. ఎలానే ఏం చేశారు మీరు అని వేదవతి అడిగితే మేం చెప్తాం అని వల్లీ తల్లిదండ్రులు ఎంట్రీ ఇస్తారు.</p>
<p><strong>యుద్ధానికి వెళ్తూ ముసలి వాళ్లని తీసుకెళ్లాలా..</strong></p>
<p>భాగ్యం జరిగింది అంతా చెప్తుంది. నర్మద, ప్రేమలు అతన్ని వెంట పడి పట్టుకొని కొట్టి పోలీసుల దగ్గరకు తీసుకెళ్లిన విషయం చెప్తుంది. అందరూ నోరెళ్ల పెడతారు. మొన్న మనం ఫైట్ చేశాం కదా,, మరి నన్ను ఎందుకు ఫైట్‌కి తీసుకెళ్లలేదు అని వేదవతి అంటే యుద్ధానికి వెళ్తూ ముసలి వాళ్లని తీసుకెళ్లాలా.. మీరు పరుగెత్తలేక కాళ్ల నొప్పులు అని కూర్చొంటారు అని నర్మద వెటకారం చేస్తుంది. నా కోడళ్ల సూపర్ అని వేదవతి అంటుంది. ఇక సాగర్ వెళ్లిపోతుంటే ధీరజ్ పిలిచి ఏరా నా కోసం రాలేదు అంటే నాకు నా మీదే జాలిగా ఉందిరా.. నీ కోసం ఈ పెద్దాయన నిన్నటి నుంచి పడిగాపులు కాశారు.. అదే నేను అయ్యుంటే నా పరువు తీశావురా అని తిట్టేవాడు అని అంటాడు. తప్పు చేసే కొడుకుని దండించి దారిలో పెట్టడంతో పాటు కష్టపడి పైకి వచ్చే కొడుకుకి ఈ తండ్రి అండగా ఉంటాడు అని వాడికి చెప్పు బుజ్జమ్మా అని రామరాజు అంటాడు. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></p>
4 months ago
12 
