<p><strong>Illu Illalu Pillalu Serial Today Episode</strong> ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 28న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>ఎక్కడైనా దూకి చావరా..<br /><img src="https://feeds.abplive.com/onecms/images/uploaded-images/2026/07/28/1d88f45d0cde121ab85f7cb7aaf8489e1785207079657882_original.jpg" /></strong></p>
<p>దిక్కూముక్కూ లేని అనాథని నా కూతురు పెళ్లి చేసుకుంది అని సేనాపతి ధీరజ్‌ని అంటాడు. అన్నయ్య ఇక ఆపు అని వేదవతి అంటే ఏంటి ఆపేది.. అప్పుడు మన ఆస్తి కొట్టేయడానికి వీడి తండ్రి నిన్ను ప్రేమించినట్లు నటించి లేపుకెళ్లిపోతే ఇప్పుడు వీడు ఆస్తి కోసం నా కూతుర్ని తీసుకెళ్లిపోయాడు.. లేదంటే నా కూతురు అమెరికా సంబంధం చేసుకొని బంగారంలా ఉండేది.. వీడి వల్లే నా కూతురి జీవితం నాశనం అయిపోయింది.. ఆస్తి కోసం ఒక ఆడపిల్లని వలలో వేసుకొని ఇంత నీచానికి దిగజారే బదులు నా కాళ్ల మీద పడుంటే.. నీకు ఎంత కావాలి అంటే అంత నీ ముఖాన విసిరే వాడిని కదరా.. ఎందుకురా ఇలాంటి బతుకు ఎక్కడైనా దూకి చావరా అని సేనాపతి నోటికొచ్చినట్లు వాగుతాడు.</p>
<p><strong>నీ కూతురు చావబోతే నా కొడుకు కాపాడాడు..<br /><img src="https://feeds.abplive.com/onecms/images/uploaded-images/2026/07/28/f559df6560e0be4043ef95ee8e5958931785207041812882_original.jpg" /></strong></p>
<p>అన్నయ్య ఇక ఆపుతావా.. నీ కూతురి జీవితం అన్యాయం అయిపోవడం కాదు.. నా కొడుకు లేకపోయి ఉంటే నీ కూతురి జీవితం ఎప్పుడో అన్యాయం అయిపోయి ఉండేది.. నా కొడుకు పెళ్లి చేసుకోకపోయి ఉంటే అమెరికాలో ఉండేది.. ఆకాశం అంత ఎత్తులో ఉండేది అంటున్నావ్ కదా.. నా కొడుకు పెళ్లి చేసుకోకపోయి ఉంటే నీ కూతురికి జీవితమే ఉండేది కాదు అది తెలుసుకో అని వేదవతి అంటుంది. ఏంటే నువ్వు నీ కొడుకు నా కూతురి జీవితాన్ని ఉద్దరించినట్లు మాట్లాడుతున్నావ్ అని సేనాపతి అంటే.. అవును ఉద్దరించాడు.. నా కొడుకు మాయ చేసి మోసం చేసి నీ కూతుర్ని పెళ్లి చేసుకోలేదు.. నీ కూతురు ప్రాణాలు తీసుకోబోయే పరిస్థితిలో ఉంటే నా కొడుకు దాని ప్రాణాలు కాపాడాడు. లేదంటే ఇప్పుడు నీ కూతురు ప్రాణాలతో నీ ముందు ఉండేదే కాదు అని వేదవతి నిజం చెప్పేస్తుంది. </p>
<p><strong>ALSO READ: <a title="Illu Illalu Pillalu Serial Today July 27th: ఇల్లు ఇల్లాలు పిల్లలు: గొడవ మొదలు పెట్టిన సేనాపతి! భోజనాలు దగ్గర టెన్షన్ టెన్షన్!" href="http://telugu.abplive.com/entertainment/tv/illu-illalu-pillalu-serial-today-july-27th-2026-written-update-in-telugu-in-star-maa-jio-hotstar-254615" target="_self">Illu Illalu Pillalu Serial Today July 27th: ఇల్లు ఇల్లాలు పిల్లలు: గొడవ మొదలు పెట్టిన సేనాపతి! భోజనాలు దగ్గర టెన్షన్ టెన్షన్!</a></strong></p>
<p><strong> ఏం కథ అల్లావే.. ఛీ.. ఛీ.. <br /><img src="https://feeds.abplive.com/onecms/images/uploaded-images/2026/07/28/452abe0a53361b744104c0088e00f8751785207012807882_original.jpg" /></strong></p>
<p>అబ్బా ఏం కథ అల్లావే.. నీ కొడుకు మోసం బయట పడటంతో నా కూతురి మీద నిందలు వేస్తున్నావా అని సేనాపతి అడుగుతాడు. నిందలు కాదు నిజం నీ కూతురు ఎవడినో ప్రేమించి మోసపోతే అని వేదవతి అంటుంది. ఏయ్ ఆపు.. ఇంట్లో పనోడిని పెళ్లి చేసుకున్న దానివే నువ్వు నా కూతురి గురించి మాట్లాడుతావా.. పనోడిని పెళ్లి చేసుకోవడంతో నీ బుద్ధి ఇంత దిగజారిపోయింది ఏంటే.. అని అంటాడు సేనాపతి దాంతో మా అమ్మని అంత మాట అంటావా అంటూ ధీరజ్, సాగర్ వాళ్లు సేనాపతిని కొట్టడానికి వెళ్తాడు. </p>
<p><strong> ప్రేమ ధీరజ్ మీ నాన్నని చంపేస్తున్నాడు..<br /><img src="https://feeds.abplive.com/onecms/images/uploaded-images/2026/07/28/367787489db4352eac0c1b4c9bc9f1471785206974334882_original.jpg" /></strong></p>
<p>ధీరజ్ సేనాపతి షర్ట్ చిరిగేలా కొడతాడు. వల్లీ ప్రేమ దగ్గరకు వెళ్లి ధీరజ్ మీ నాన్నని చంపేస్తున్నాడు అని చెప్తుంది. ప్రేమ పరుగున వచ్చే సరికి ధీరజ్ సేనాపతిని తోసేస్తాడు. రేయ్ మా నాన్నని ఎందుకు కొట్టావ్‌రా అని ప్రేమ అడిగితే మా అమ్మని ఏం అన్నాడో తెలుసా అని ధీరజ్ అంటాడు. అయినా నువ్వు ఎవడ్రా మా నాన్నకి కొట్టడానికి అని ప్రేమ అంటుంది. సేనాపతి కూతురితో వీడు నీ మీద నిందలు వేస్తున్నాడు అమ్మా.. నువ్వు ఎవరినో ప్రేమించావ్ అంటా.. లేచిపోయావ్ అంట అని అంటాడు. అది నింద కాదు నిజం అని ధీరజ్ అనడంతో ప్రేమ బిత్తరపోతుంది. రామరాజు కూడా షాక్‌లో ఉంటాడు.</p>
<p><strong>మేం ప్రేమించుకోలేదు..<br /><img src="https://feeds.abplive.com/onecms/images/uploaded-images/2026/07/28/22e173883f9b9bec015a68b491728e0e1785206935477882_original.jpg" /></strong></p>
<p>అవును మీ అందరికీ చెప్పినట్లు మేం ప్రేమించుకొని పెళ్లి చేసుకోలేదు.. అసలు మేం ప్రేమించుకోలేదు.. ప్రేమ కాలేజ్‌లో కల్యాణ్ అనే చెత్త వెధవని ప్రేమించింది. ఆ కల్యాణ్‌ అనే మోసగాడితో కలిసి తన పెళ్లి ముందు రోజు మోపిదేవికి వెళ్లింది.. ఆ కల్యాణ్ గాడు ప్రేమని పెళ్లి చేసుకుంటా అని నమ్మించి వేరే వాళ్లకి అమ్మేశాడు. అదే రోజు నేను మా అమ్మ, చిన్న వదిన మోపిదేవి వెళ్లాం.. సరిగ్గా అదే హోటల్‌లో దిగి చచ్చాం.. అదే టైంలో దాన్ని వ్యభిచారం కేసులో అరెస్ట్ చేయబోయారు. ప్రేమ మెడలో తాళి కట్టి తన ప్రాణాన్ని కాపాడమని మా అమ్మ నన్ను బతిమాలింది.. కల్యాణ్ గాడు తనని మోసం చేస్తే మా అమ్మ మాటని కాదు అనలేక.. కేవలం మా అమ్మ మాట కాదు అనలేకే ప్రేమ మెడలో తాళి కట్టాను.. నీ కూతురి జీవితం గురించి మీ పరువు గురించి అంత మాట్లాడిన మా అమ్మ గురించి నోటికి వచ్చినట్లు మాట్లాడాతావా నువ్వు మనిషివేనా అని ధీరజ్ అంటాడు.</p>
<p><strong>వాడు చెప్పేది నిజమేనా.. నువ్వే అంతా చేశావా..<br /><img src="https://feeds.abplive.com/onecms/images/uploaded-images/2026/07/28/45e952825e110700b585ab4813ba1be01785206686839882_original.jpg" /></strong></p>
<p>నర్మద, వేదవతి ధీరజ్ని ఆపి మీ నాన్న అంటారు. అప్పటికే రామరాజు వేదవతిని చాలా కోపంగా చూస్తుంటాడు. ఏవండీ అది అని వేదవతి వెళ్తే వాడు చెప్పేది నిజమేనా.. అంతా నువ్వే చేశావా.. వాళ్లిద్దరికీ నువ్వే పెళ్లి చేశావా.. అవునా కాదా.. నా చెల్లివి అని అనుకుంటే ఇంత మోసం చేస్తావా.. ప్రేమ అక్కడ చావు బతుకుల మధ్య ఉంటే నీ కొడుకుతో పెళ్లి చేస్తావా.. నీకు పుట్టిళ్లు లేదు అని దానికి లేకుండా చేయాలి అని చూస్తావా.. ఇలా పగ తీర్చుకుంటావా.. అని భద్రావతి అడిగితే అక్క అంత దారుణంగా మాట్లాడుతావేంటి అక్క.. నీ పుట్టిళ్లు నాకు పుట్టిళ్లు కాదా.. ప్రేమకి ఏ ఇబ్బంది లేకుండా ఉండాలి అని ఇదంతా చేశా అని వేదవతి అంటుంది. పోలీసులు వస్తే ఏమవుతుంది తను తప్పు చేయలేదు కదా.. ఆ విషయం చెప్పి నా కూతుర్ని ఇంటికి తెచ్చుకునేవాళ్లం కదా అని సేనాపతి అంటాడు.</p>
<p><strong>నేను భరించలేను అని చెప్పాను కదా..<br /><img src="https://feeds.abplive.com/onecms/images/uploaded-images/2026/07/28/9ae007753f3d6a5e715798e0a2ee4a081785206654192882_original.jpg" /></strong></p>
<p>ప్రేమ ధీరజ్ దగ్గరకు వెళ్లి నేను లేచిపోయాను అనే విషయం ఇటు మీ వాళ్లకి తెలిసినా అటు మా వాళ్లకి తెలిసినా తలెత్తుకోలేను అని చెప్పాను కదరా.. నేను మోసపోయాను అని మా వాళ్లకి తెలిస్తే తట్టుకోలేరు అని చెప్పాను కదరా.. పొరపాటున కూడా ఆ నిజం నీ నోటి నుంచి రాదు అని మాటిచ్చావ్ కదరా.. ఇదేనా నువ్వు ఇచ్చిన మాట అని ప్రేమ అడిగితే మీ నాన్న మా అమ్మని దారుణంగా మాట్లాడితే తట్టుకోలేకపోయా అందుకే నిజం చెప్పేశా అని ధీరజ్ అంటాడు. వాళ్లిద్దరూ అన్నాచెల్లెళ్లు.. వాళ్ల మధ్య గొడవ అవుతూనే ఉంది.. కానీ నువ్వు నీ భార్యకి ఇచ్చిన మాట ఇదేనా.. నాకు ఎవరు ఉన్నా లేకున్నా నా వెనక నువ్వు ఉన్నావ్ అనుకున్నా కానీ నేను నమ్మిన నువ్వే నన్ను నలుగురిలో నిలబెట్టేశావ్. నా ధైర్యం నువ్వే అనుకున్నా.. ఎంత పెద్ద కష్టంలో అయినా నాకు తోడు ఉంటావని అనుకున్నా కానీ నన్ను అనాథని చేసేశావ్ అని ప్రేమ అంటుంది. ఎంత సేపు నీ బాధేనా మా అమ్మ బాధ పట్టదా.. ఇంత స్వార్థంగా ఉన్నావేంటే అని అడుగుతాడు. ఆ వెదవతో నీకు మాటలు ఏంటమ్మా అని సేనాపతి అంటే ఎవరురా వెధవ అని ధీరజ్ సేనాపతి మీదకు వెళ్లబోతే ప్రేమ ధీరజ్‌ని కొడుతుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి." href="https://telugu.abplive.com" target="_self">ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</a></p>
3 months ago
7 
