<p><strong>Illu Illalu Pillalu Serial Today Episode</strong> ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 23న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. </p>
<p><strong>అక్క కాళ్లు కడిగిన వేదవతి..<br /><img src="https://feeds.abplive.com/onecms/images/uploaded-images/2026/07/23/0764d691e793c247f8663e23d76aa28b1784774533303882_original.jpg" /></strong></p>
<p>భద్రావతి వాళ్ల రాకతో వేదవతి, ప్రేమ చాలా ఎమోషనల్ అయిపోతారు. శ్రీవల్లి చూసి మీ సంతోషం ఇంకెంత సేపో ఉండదు అని అనుకుంటుంది. భద్రావతి, సేనాపతి లోపలికి వెళ్లకుండా చూస్తే రామరాజు లోపలికి రమ్మని పిలుస్తాడు. అందరూ చాలా సంతోషంగా లోపలికి వెళ్తారు. ఏవండీ మా అక్క, అన్నయ్యలు వచ్చేశారు అని వేదవతి అంటే ఇన్ని రోజులు దేవుళ్లకి మొక్కావు కదా ఏ దేవుడో కరుణించాడు అని రామరాజు అంటాడు. ఇక వేదవతి నర్మదకి హారతి ఇవ్వమని చెప్తుంది. నేను వస్తా అంటూ ప్రేమ వెళ్తుంది. రామరాజు తిరుపతికి కాళ్లు కడుక్కోవడానికి నీళ్లు ఇవ్వమని చెప్తాడు. దానికి సేనాపతి నువ్వు ఆగరా.. నువ్వేమైనా ఈ ఇంటి పనివాడివా.. ఎవరు పిలిచారో వాళ్లే ఇస్తారు అని అంటాడు. దాంతో రామరాజు నీరు ఇస్తా అని పిలుస్తాడు. సేనాపతికి కాళ్లు కడుక్కోవడానికి నీరు ఇచ్చి టవల్ ఇస్తాడు. విశ్వక్‌కి కూడా రామరాజు ఇస్తూ ఉంటే మామ నేను తీసుకుంటా అని విశ్వక్ తానే తీసుకొని కాళ్లు కడుక్కుంటాడు. భద్రావతికి కూడా రామరాజు నీళ్లు ఇస్తుంటే నేను నీ కాళ్లు కడుగుతా అని భద్రావతి కాళ్లు వేద కడిగి తుడిచి ఇలా అయినా నా తప్పు కడిగేసుకోవడం కోసం ఇలా చేస్తున్నా అక్కా అని వేదవతి అంటే నువ్వు ఈ అనాథ గాడిని ప్రేమించి చేసింది తప్పు కాదు పాపం.. అది నీళ్లతో కడిగితే పోదు అని అంటాడు. దానికి ధీరజ్ వచ్చి నోరు అదుపులో ఉంటే ఇంటి నుంచి సేప్‌గా వెళ్తావ్ అని అంటాడు. ఇద్దరూ గొడవ పడే టైంకి భద్రావతి ఆపి అమ్మ కోసం వచ్చాం గుర్తు పెట్టుకో అని అంటుంది.<br /><img src="https://feeds.abplive.com/onecms/images/uploaded-images/2026/07/23/353785e7b4d3e78ca6370ac3f7f434091784774582577882_original.jpg" /></p>
<p><strong>ALSO READ: <a title="Karthika Deepam 2 Serial Today July 22nd: కార్తీకదీపం 2 సీరియల్: ఇంటికి వచ్చి కార్తీక్, కాంచనలకు ఆఫర్ ఇచ్చిన మాలిని! వాటే సీన్!" href="https://telugu.abplive.com/entertainment/tv/karthika-deepam-2-serial-today-episode-july-22nd-2026-written-update-in-telugu-in-star-maa-jio-hotstar-254117" target="_self">Karthika Deepam 2 Serial Today July 22nd: కార్తీకదీపం 2 సీరియల్: ఇంటికి వచ్చి కార్తీక్, కాంచనలకు ఆఫర్ ఇచ్చిన మాలిని! వాటే సీన్!</a></strong></p>
<p><strong>నన్ను బాధ పెట్టిన అందరికీ బాధే మిగుల్చుతా..</strong> <br /><img src="https://feeds.abplive.com/onecms/images/uploaded-images/2026/07/23/200d8ce15612bf99c101503d291ed7511784774568628882_original.jpg" /></p>
<p>వేదవతి తన ఇద్దరు కోడళ్లతో భద్రావతి వాళ్లకి హారతి ఇచ్చి లోపలికి రమ్మని పిలుస్తుంది. అందరూ చాలా సంతోషంగా ఉంటారు. అందర్ని చూసి వేదవతి సంతోషానికి అవధులు ఉండవు.. దిష్టి నీళ్లు బయట వేయడానికి వెళ్లి డ్యాన్సులు వేస్తుంది. నర్మద వెళ్తే నర్మదని ముద్దు పెట్టి చాలా సంతోషంగా వెళ్తుంది. వల్లీ, సుకన్య అది చూసి కుళ్లుకుంటారు. ఈ సంతోషాలు చూస్తే పుట్టినరోజు వేడుకలు ఆకాశంలో అవుతున్నట్లు ఉన్నాయి అని సుకన్య అంటే మా అత్త సంతోషపడుతుంది కదా పడనీ.. నన్ను బాధ పెట్టిన ప్రతీ ఒక్కరూ అంతకు మించి బాధ పడేలా చేస్తా అని వల్లీ అంటుంది. </p>
<p><strong>చెల్లిని హత్తుకొని ఏడ్చేసిన భద్రావతి.. <br /><img src="https://feeds.abplive.com/onecms/images/uploaded-images/2026/07/23/0e9c0641c3af2a3286cf47bd3fd3aa7c1784774609247882_original.jpg" /></strong></p>
<p>వేదవతి భద్రావతిని తన గదికి తీసుకెళ్లి ఇదే మా గది అని చెప్పి సంతోషంగా తన చీరలు అన్నీ బీరువా నుంచి తీసి భద్రావతికి చూపిస్తుంది. అన్నీ నీకు నచ్చే కలర్సే తీసుకున్నా అక్కా అని అని చెప్తుంది. అక్కా నీకు ఈ కలర్ అంటే ఇష్టం అని ఈ చీర కట్టుకున్నా కానీ చూశావా ఎంత యాదృశ్చికమో నువ్వు కూడా ఇదే చీర కట్టుకున్నావ్ అని అంటుంది. భద్రావతి అప్పుడు గమనిస్తుంది. అక్క మన ఇద్దరి మధ్య దూరం కేవలం గుండె చప్పుడు మాత్రమే అని చెప్పావ్ గుర్తుందా అని వేదవతి అనడంతో ఇద్దరూ ఎమోషనల్ అయిపోతారు. వేదా అని భద్రావతి హగ్ చేసుకొని ఏడుస్తుంది. అక్కా నువ్వు ఇలా హత్తుకోగానే పాతికేళ్ల నా బాధ మొత్తం పోయింది అని వేదవతి ఏడుస్తుంది. భద్రావతి మనసులో నువ్వు ఆ పనోడితో లేచిపోకపోయి ఉంటే మనిద్దరం ఎప్పుడూ అవే ప్రేమలతో ఉండేవాళ్లం అని అనుకుంటుంది. </p>
<p><strong>ALSO READ: <a title="Illu Illalu Pillalu Serial Today July 22nd: ఇల్లు ఇల్లాలు పిల్లలు: అంబరాన్నంటిని వేదవతి సంబరాలు! గీత చెరిపేసిన భద్రావతి! అసలు ట్విస్ట్ ఇదే!" href="https://telugu.abplive.com/entertainment/tv/illu-illalu-pillalu-serial-today-july-22nd-2026-written-update-in-telugu-in-star-maa-jio-hotstar-254107" target="_self">Illu Illalu Pillalu Serial Today July 22nd: ఇల్లు ఇల్లాలు పిల్లలు: అంబరాన్నంటిని వేదవతి సంబరాలు! గీత చెరిపేసిన భద్రావతి! అసలు ట్విస్ట్ ఇదే!</a></strong></p>
<p><strong>బావ, బామ్మర్దులు కలిసిపోండి..<br /><img src="https://feeds.abplive.com/onecms/images/uploaded-images/2026/07/23/13d9d7d36669e20f326035742399d8b61784774638735882_original.jpg" /></strong></p>
<p>రామరాజు, సేనాపతి, విశ్వక్, ధీరజ్, చందు, సాగర్, తిరుపతి ఇలా అబ్బాయిలు అందరూ హాల్‌లో కూర్చొంటారు. విశ్వక్ అందర్ని చూసి నవ్వుతాడు కానీ ధీరజ్ వాళ్లు ఎవరూ రియాక్ట్ అవ్వరు. ఇంతలో తిరుపతి మీరు ఏమైనా సైలెంట్‌ పోటీ పెట్టుకున్నారా.. బావ, బామ్మర్దులు అంటే జోకులు వేసుకోవాలి.. సెటైర్లు వేసుకోవాలి.. మాట్లాడుకోండి అని అంటాడు. రామరాజు, సేనాపతి ఇద్దరూ తిరుపతి వైపు చూస్తే మనసులో వీళ్లని మాట్లాడాలని చూస్తే వీళ్లేంటి నన్ను చంపేసేలా చూస్తున్నారు అని అనుకుంటాడు. ఇక తిరుపతి ధీరజ్‌ని సేనాపతి పక్కన కూర్చొమని చెప్తాడు. బలవంతంగా సేనాపతి పక్కన ధీరజ్‌ని కూర్చొపెడతాడు. సేనాపతి ధీరజ్‌ని చూసి కాలి మీద కాలు వేస్తే ధీరజ్ కూడా కాలి మీద కాలు వేస్తాడు. ఇంతలో ప్రేమ, నర్మదలు జ్యూస్‌లు తీసుకొని వచ్చి మామ అల్లుళ్లు కలిసిపోయారా అంటుంది. నేనే కలిపాను నాకు సన్మానం చేయాలి అని తిరుపతి అంటే చేస్తారా నేను నీకు సన్మానం చేస్తా అని సేనాపతి అంటాడు. ఇక ప్రేమ జ్యూస్ ఇస్తే పనోడి ఇంట్లో నేను తాగడం ఏంటి అని సేనాపతి అంటాడు. నా కోసం తీసుకో నాన్న అని ప్రేమ అంటే సేనాపతి తీసుకుంటే మీ నాన్నకి సెంటిమెంట్‌లు ఎక్కువే అని ధీరజ్ అంటాడు. అందరికీ జ్యూస్ ఇస్తారు. </p>
<p><strong> నా చేతి వంటలు తినక్కా.. </strong></p>
<p>ఆడవాళ్లు అంతా కిచెన్‌లో మీటింగ్ పెడతారు. భద్రావతికి పిండి వంటలు తినమని వేదవతి ఇస్తుంది. కామాక్షి హడావుడిగా పిండి వంటలు తింటుంటే అక్కా మెల్లగా తిను నీ ప్లేట్ ఎవరూ తీసుకోరు.. అని అమూల్య అంటే పుట్టింటిలో ఏదైనా ఫాస్ట్‌గా తీసుకోవాలి అని అంటే అవునులే నగలు కూడా అంతే స్పీడ్‌గా తీసుకెళ్తావ్ అని అంటుంది. మా అక్క నన్ను చాలా గారంబంగా చూసుకుంది.. వంటలు బాలేకపోయినా బాగున్నాయి అనేది అంటూ వేద చెప్తుంది. దీంతో ఇవాళ్టి ఎపిసోడ్ పూర్తయిపోతుంది.</p>
<p><a title=" ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి." href="https://telugu.abplive.com" target="_self"> ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</a></p>
3 months ago
8 
