<p><strong>Illu Illalu Pillalu Serial Today Episode </strong>ధీరజ్, ప్రేమ పెళ్లి చూపుల సీన్ కంటిన్యూ అవుతుంది. ప్రేమ ఏం పనులు చేయదని యువరాణిలా పెరిగింది అలాగే చూసుకోవాలని భద్రావతి వాళ్లు కండీషన్ పెడతారు. రామరాజు, వేదవతి ఒప్పుకోరు.. పెళ్లి వద్దు.. పిల్లా వద్దు అని అంటే ధీరజ్ మాత్రం అమ్మాయి నచ్చింది అని అందరి ముందే తనని పెళ్లి చేసుకోమని ప్రేమని బతిమాలుతాడు. దాంతో రామరాజు, వేదవతి, నర్మద, సాగర్, చందు, వల్లీ, అమూల్య, తిరుపతి అందరూ ఛీ ఛీ అని వెళ్లిపోతారు.</p>
<p>ధీరజ్ చేతిలో గులాబి పట్టుకొని ప్రేమని ఒప్పించే పనిలో పడతాడు. ప్రేమ వెంటే తిరుగుతాడు. ఇంట్లో అందరూ గొడవలు పడుతూ ఉంటే ప్రేమ, ధీరజ్ మాత్రం పరుగులు తీస్తారు. అందరూ అలా స్టాట్యూలా ఉండిపోతే ప్రేమని బతిమాలుతూ ధీరజ్ తిరుగుతాడు. చివరకు ధీరజ్ తనకి దండం పెట్టినట్లు ప్రేమ ఊహించుకుంటుంది. ప్రేమ అంతా ఊహించుకొని ధీరజ్‌ని చూసి పెద్దగా నువ్వుతుంది. ధీరజ్ వింతగా చూస్తాడు. </p>
<p>నర్మద ప్రేమతో ఏంటి మీ ఇద్దరి మధ్య రొమాన్స్ గుర్తు చేసుకున్నావా అని అడిగితే లేదక్కా నాకు ధీరజ్‌కి పెళ్లి చూపులు జరిగితే ఎలా ఉంటుందో ఊహించుకున్నా అని చెప్తుంది. ఇంతకీ ఏం ఊహించుకున్నావ్ అని నర్మద అడిగితే ధీరజ్ నన్ను ఒప్పించడానికి కాళ్లు పట్టుకొని బతిమాలాడు అక్క అని చెప్తుంది. ధీరజ్ కూడా ఆ మాటలు వింటాడు. ధీరజ్ కోపంగా చూస్తే ప్రేమ గిల్లేసి కలలు కనే స్వేచ్ఛ కూడా నాకు లేదా అని అడుగుతుంది. </p>
<p>కామాక్షిని తీసుకొని వల్లీ వస్తుంది. మా నాన్నతో తేల్చుకుంటా అని కామాక్షి ఇంట్లోకి వెళ్తుంటే భాగ్యం ఆపుతుంది. నువ్వు తేల్చుకోవాల్సింది మీ నాన్నతో కాదు మీ అమ్మతో అని అంటుంది. కామాక్షిని వెనక డోర్ నుంచి పంపిస్తారు. వేదవతి అమూల్యతో నీకు ఈ పెళ్లి చేస్తుంది నీ సంతోషం కోసం ఈ పెళ్లి చేసుకొని నువ్వు సంతోషంగా ఉండు మమల్ని సంతోషంగా ఉంచు అని అంటుంది. ఇంతలో కామాక్షి వస్తుంది. నువ్వు ఎందుకు వచ్చావే అని వేదవతి అడిగితే ఎప్పుడు వచ్చావు అని అడగాలి ఎందుకు అని కాదు అని అంటుంది. నా చెల్లి పెళ్లి చూపులు గురించి నాకు ఎందుకు చెప్పలేదు అని కామాక్షి అడిగితే నువ్వు అక్క కట్నం కూడా అడిగి మా పరువు తీస్తావని చెప్పలేదు అని వేదవతి అంటుంది. </p>
<p>కామాక్షి ఉడికిపోయి వెళ్లిపోతుంటే వల్లీ, భాగ్యం ఆపుతారు. ఇప్పుడు నువ్వు వెళ్లిపోతే పెళ్లికి నీ పట్టు చీరలు, కట్నకానుకలు పోతాయని చెప్పడంతో మళ్లీ లోపలికి పరుగులు తీస్తుంది. మా చెల్లిని నేను రెడీ చేస్తా నువ్వు వెళ్లు అని కామాక్షి వేదవతిని పంపేస్తుంది. తర్వాత భాగ్యం, వల్లీ అక్కడికి వెళ్లి.. కామాక్షిని కూడా రెడీ చేస్తారు. పెళ్లి కూతుర్ని తీసుకురమ్మని చెప్తే కామాక్షిని పెళ్లి కూతురు అన్నట్లు పెళ్లి కొడుకుని కన్‌ప్యూజ్ చేస్తారు. పెళ్లి కొడుకు కామాక్షినే పెళ్లి కూతురు అనుకుంటాడు. వేదవతికి ఏదో తేడా కొట్టి కామాక్షిని కూల్‌ డ్రింక్స్ తీసుకురమ్మని పంపేస్తుంది. అయినా పెళ్లి కొడుకు కామాక్షినే చూస్తాడు. దాంతో అందరూ వింతగా చూస్తారు. అమూల్యతో కూల్‌ డ్రింక్ ఇవ్వమని కామాక్షి చెప్తే తను వద్దు మీరు ఇవ్వండి అంటాడు. అదేంటి అని అందరూ అడిగితే కాబోయే భార్య చేతితో ఇస్తే బాగుంటుందని కామాక్షిని అంటాడు. అందరూ షాక్ అయిపోతారు. దీంతో ఇవాళ్టి ఎపిసోడ్ పూర్తయిపోతుంది. </p>
<p> </p>
3 months ago
8 
