<p><strong>Illu Illalu Pillalu Serial Today Episode </strong>అమూల్య లేచిపోయింది అని భద్రావతి పెళ్లి వాళ్ల ముందే రామరాజుకి చెప్పి నీ నుంచి నీ పిల్లల వరకు అందరికీ లేచిపోవడం వెన్నతో పెట్టిన విద్యే కదా.. మరి నీ కూతురు లేచిపోయింది అని చెవిలో చెప్పడం ఏంట్రా.. గొప్పగా చెప్పుకో అని అంటుంది. ఎవరు లేచిపోయారు ఎవరి కూతురి గురించి ఇలా మాట్లాడుతున్నావ్ అని భద్రావతి మీద సీరియస్ అవుతాడు. కూతురు లేచిపోయింది అనగానే కోపం వచ్చిందా.. అది లేచిపోకపోతే నీ కూతురు.. కొత్త పెళ్లి కూతురు ఎక్కడరా అని భద్రావతి అంటుంది. </p>
<p>భద్రావతి పెద్దమ్మ భద్రావతిని తిడుతుంది. ఎదిగిన ఆడపిల్లని ఎవరైనా ఎత్తుకుపోతే ఆ బాధ వాడికి ఇప్పుడు తెలిసిందా.. నా చెల్లిని వాడు తీసుకెళ్లిపోయినప్పుడు.. నా మేనకోడల్ని వాడి కొడుకు తీసుకెళ్లిపోయినప్పుడు నేను ఎంత బాధ పడ్డానో మీకు తెలీదా.. వీడిది మాత్రమే బాధ ఎదుటి వాళ్లది కాదా.. వీడిది మాత్రమే గుండె కోతనా ఎదుటి వాళ్లది కాదా అని భద్రావతి తిడుతుంది. వనజ రామరాజుతో ఇదేంటి అన్నయ్య గారు ఆవిడ అలా అంటుంది.. అసలేం జరుగుతుంది అని అడుగుతుంది. లేచిపోయింది అని చెప్తే అర్థం కావడంలేదా అమ్మా నీకు అని భద్రావతి వనజని అడుగుతుంది. కూతురు లేచిపోయినా ఆ విషయం కప్పిపుచ్చి మమల్ని వెర్రివాళ్లని చేస్తున్నారు.. మేం సంబంధం అడిగినప్పుడు చదువు పూర్తవ్వాలి అని అన్నారు.. కానీ మీరే వచ్చి సంబంధం అడిగినప్పుడే డౌట్ వచ్చింది అని అంటుంది. వనజ భర్త అయితే మళ్లీ మళ్లీ నా భార్య అడిగింది కదా.. నా కూతురు దించిన తల ఎత్తదు అని చెప్పి మమల్ని ఫూల్స్‌ని చేశారు అని కోప్పడతారు.</p>
<p>ఇంతలో విశ్వక్ చేతికి మెల్లెపూలు చుట్టుకొని ఎంట్రీ ఇస్తాడు. చందు, సాగర్, ధీరజ్ విశ్వక్‌ని కొట్టి మా చెల్లి ఎక్కడా అని అడుగుతారు. విశ్వక్ తన పేరు చెప్పేస్తాడేమో అని వల్లీ చాలా టెన్షన్‌ పడతుంది. మీ చెల్లి జీవితం మల్లెపూలులా నలిగిపోయింది. నేనేం మీ చెల్లిని తీసుకెళ్లలేదు.. తనంతట తనే నా దగ్గరకు వచ్చింది. మీ చెల్లి రాత్రంతా నాతోనే ఉంది అని విశ్వ అంటాడు. రామరాజు విశ్వని ఒక్కటి కొట్టి ఏం అనుకుంటున్నావ్‌రా నా కూతురి కోసం నా కూతురు ప్రాణం పోయినా నా పరువు పోయేలా చేయదు అని అంటాడు. అవునా ఈ మాట ఇంతే ధైర్యంగా చెప్పు అని అమూల్యని కారులో నుంచి తీసుకొస్తాడు. అమూల్యని చూసి అందరూ షాక్ అయిపోతారు. అమూల్యని తీసుకొచ్చి రాత్రి నా కోసం వచ్చేసింది.. ఇద్దరం రాత్రంతా సరదాగా గడిపాం.. ఇప్పుడు చాలా జాగ్రత్తగా మీ ఇంటికి తీసుకొచ్చేశా అని విశ్వ అంటాడు. </p>
<p>రామరాజు మామూలుగా నీ కూతురిని ఇలా చూస్తే నీ గుండె పగిలి చావాలి కదా మరి ఇలాగే ఉన్నావు అంటే నీది గట్టి గుండె కానీ చస్తావ్.. ఇక నుంచి ప్రతీ క్షణం మానసికంగా చస్తావ్.. ఎందుకంటే ఒక రోజు అంతా నీ కూతురు నాతో ఉంది.. అయినా సరే నీ కూతురిని నేను పెళ్లి చేసుకోను.. నాతో తిరిగిన దాన్ని పెళ్లి చేసుకోవడానికి ఎవరూ ముందుకు రారు.. పెళ్లి పెటాకులు లేని నీ కూతుర్ని రోజూ చూస్తూ అవమానంతో చస్తావ్ అని విశ్వ అంటాడు. మా చెల్లిని మామమాటుల చెప్పి మోసం చేస్తావా అని అమూల్య అన్నలు విశ్వని కొట్టడానికి వెళ్తే అమూల్య అన్నల్ని ఆపి మేం ఇద్దరం పెళ్లి చేసుకున్నాం అని అందరితో పాటు విశ్వ, భద్రావతిలకు కూడా షాక్ ఇస్తుంది. </p>
<p>భద్రావతి విశ్వతో ఏంట్రా దాన్ని పెళ్లి చేసుకున్నావా అని అడుగుతుంది. లేదు అత్త నేను అస్సలు పెళ్లి చేసుకోలేదు.. ఏంటే డ్రామాలు అడుతున్నావా.. నీ మెడలో నేను ఎందుకు తాళి కడతాను.. అని అడుగుతాడు. బామ్మ వెళ్లి విశ్వని ఒక్కటి కొట్టి మీరు పెళ్లి చేసుకోకపోతే పెళ్లి చేసుకున్నాం అని ఎందుకు ఆ అమ్మాయి చెప్తుందిరా.. అని అంటుంది. వాళ్లు పెళ్లి చేసుకోలేదు నాకు తెలుసు అని భద్రావతి అంటే వాళ్లు ప్రేమించి పెళ్లి చేసుకున్నారు.. వాళ్లని ఆశీర్వదించండి అని అంటుంది. అమూల్య అన్నలు విశ్వక్‌ని కొడితే బామ్మ ఆపి ఇష్టప్రకారమే మీ చెల్లిచేసుకుంది అని చెప్తుంది కదా వదిలేయండి అర్థం చేసుకోండి అని బామ్మ అంటుంది. </p>
<p>అమూల్య తండ్రి దగ్గరకు వెళ్లి నాన్న చాలా పెద్ద తప్పు చేశాను నన్ను క్షమించండి అని కాళ్ల మీద పడితే రామరాజు దూరంగా వెళ్లిపోతాడు. వేదవతి అమూల్యని కొట్టి నువ్వెంత నీ వయసు ఎంత లేచిపోయి పెళ్లి చేసుకున్నంత పెద్ద దానివి అయిపోయావా.. వాడు నిన్ను మోసం చేస్తాడని చెప్తే విని మేం చూపించిన పెళ్లి చేసుకుంటా అని చెప్పి ఇంత పని చేయడానికి మనసు ఎలా వచ్చిందే.. నువ్వు నా కడుపున చెడ పుట్టావే నిన్ను చంపేయాలి అని అంటుంది. నీ కూతురు ఇప్పుడు చేసింది తప్పు అయితే పాతికేళ్ల క్రితం నువ్వు చేసింది ఏంటి.. మీరు ఎంత పగ అని కొట్టుకున్నా ఆ దేవుడు ఈ ఇంటి బిడ్డని ఆ ఇంటికి ఆ ఇంటి బిడ్డని ఈ ఇంటికి పంపాడు అది అర్థం చేసుకొని రెండు కుటుంబాలు కలవండి అని బామ్మ చెప్పి అమూల్యని తీసుకొని ఇంట్లోకి వెళ్తుంది. పిల్లలను పెంచలేని నువ్వు బతకడం ఎందుకయ్యా ఎక్కడైనా దూకి చావు అని వనజ అనేసి కొడుకుని తీసుకొని వెళ్లిపోతుంది.</p>
<p>బామ్మ రేవతితో కొత్త కోడలికి హారతి తీసుకురమ్మని అంటుంది. హారతి వద్దు ఏం వద్దు అని భద్రావతి అంటే బామ్మ తిడుతుంది. మరోవైపు రామరాజు ఇంట్లో అందరూ చెట్టుకో మనిషి అయి బాధ పడుతూ ఉంటారు. వేదవతి ఇంట్లో అన్నీ విసిరేసి ఏడుస్తుంది. అమూల్య ఇలా చేయదు దీని వెనక ఏదో ఉంటుంది అని నర్మద అంటుంది. మా కడుపున చెడ పుట్టింది.. పుట్టగానే చంపేసున్నా బాగున్ను అని వేదవతి ఏడుస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
2 months ago
9 
