<p><strong>Illu Illalu Pillalu Serial Today Episode </strong>అమూల్య నర్మద, ప్రేమలకు వల్లీ చేసిన దారుణం గురించి చెప్తుంది. ప్రేమ కోపంతో వల్లీ అంతు చూస్తా అని అంటే అమూల్య ఆపేస్తుంది. నాన్న ఏరి కోరి తీసుకొచ్చిన సంబంధం వల్లీ వదిన.. తనే నా జీవితం నాశనం చేసింది అంటే నాన్న ఊరుకోరు.. అన్నయ్య కూడా వదినను వదిలేస్తాడు.. నా జీవితం ఎలాగూ నాశనం అయిపోయింది.. కనీసం వాళ్లని అయినా సంతోషంగా ఉండనివ్వండి.. ఈ విషయం ఎవరికీ చెప్పను అన్నారు. చెప్తే నా మీద ఒట్టు అని అమూల్య అంటుంది. దాంతో నర్మద, ప్రేమలు సైలెంట్ అయి అమూల్యని ఇంటికి తీసుకెళ్తారు.</p>
<p>వల్లీ ఇంటి దగ్గర వంట చేసి బాక్స్ రెడీ చేస్తుంది. అమ్మానాన్నలు అమూల్య కాలు పట్టుకొని ఉంటారు.. ఇక నాకు ఏ ప్రాబ్లమ్ ఉండదు అని అనుకుంటుంది. ఇంతలో భాగ్యం, ఇడ్లీబాబాయ్ వచ్చి ప్లాన్ ఫెయిల్ అయిందని అమూల్య హాస్పిటల్‌కి వెళ్లిందని చెప్తారు. మీరు నాకు పెళ్లి చేశారా లేక చావుని తెచ్చారా అంటుంది. వల్లీ వాళ్లు హాస్పిటల్‌కి బాక్స్ తీసుకెళ్తుంటే ఎదురుగా నర్మద వచ్చి నిల్చొని ఎక్కడికి అని అంటుంది. అందరికీ భోజనం తీసుకెళ్తున్నా ఎందుకంటే నాది మానవత్వం ఉన్న మనసు కదా అంటుంది. నీది మానవత్వం ఉన్న మనసా.. మామయ్య గారు హాస్పిటల్‌ పాలవ్వడానికి కారణం నువ్వు.. చేయాల్సిన దారుణాలు, ఘోరాలు చేసేసి ఏమీ తెలియని నంగనాచిలాగా అన్నం తీసుకెళ్తున్నావా.. అన్నం.. అంటుంది. మేం ఏం చేశాం అని వల్లీ కంగారు పడుతుంది. దాంతో నర్మద విశ్వక్‌ని ప్రేమించమని అమూల్యకి చెప్పింది నువ్వు కాదా.. అని అంటుంది. భాగ్యం కూడా కంగారుగా మా అమ్మాయి మీద అంత నింద వేస్తావేంటి అని అంటుంది. </p>
<p>వల్లీ నర్మదతో నీ దగ్గర ఏం ఆధారాలు ఉన్నాయి అని అంటుంది. దాంతో నర్మద ఆధారాలు కావాలా అని అమూల్యని పిలుస్తుంది. ప్రేమ అమూల్యని తీసుకొని వస్తుంది. ఆధారాలు కావాలి అన్నారు కదా చూడండి.. మీరు చేసిన నీఛమైన దుర్మార్గం గురించి మొత్తం చెప్పేసింది అని నర్మద అంటుంది. వల్లీ కావాలనే ప్లేట్ తిప్పేస్తుంది. వల్లీ వదినకు ఏ పాపం తెలీదు అని చెప్పు అమూల్య అంటుంది. దాంతో నర్మద వల్లీని లాగిపెట్టి కొడుతుంది. నా కూతురినే కొడతావా అని భాగ్యం అంటే తల్లి వయసులో ఉన్నావ్ అని ఊరుకున్నా లేదంటే నిన్ను లాగిపెట్టి కొడతా.. ఏ తల్లి అయినా కూతురికి అత్తారింట్లో బుద్ధిగా ఉండమని చెప్తుంది కానీ నువ్వు ఇలా కొంపలు కూల్చడం నేర్పిస్తున్నావ్.. నువ్వు ఆడదానివేనా.. సిగ్గు అనిపించడం లేదా.. నీ పెళ్లి ఒక అబద్ధం.. నీ చదువు అబద్ధం.. నీ నగలు అబద్ధం.. అసలు నీ బతుకే అబద్ధం.. ఛీ.. నీ నిజస్వరూపం తెలిసి కూడా అక్క లాంటి దానివి అని మామయ్యకి చెప్పకుండా వదిలేశా,, కానీ ఈ ఇంటి ఆడపిల్ల జీవితం నిప్పుల్లో పడేస్తావని అనుకోలేదు.. అమాయకురాలి జీవితం నాశనం చేస్తావా.. మామయ్య గారిని హాస్పిటల్ పాలు చేస్తావా.. ఈ సారి మాత్రం నిన్ను క్షమించను.. ఇప్పుడే నీ సంగతి తేల్చుతా అని అంటుంది. </p>
<p>అమూల్య వల్లీని క్షమించమని అంటుంది. ప్రేమ, నర్మదలు ఊరుకోరు.. తను చేసింది వదిలేస్తే నా జీవితం తిరిగి వస్తుందా.. దాని వల్ల తన కాపురం కూలిపోతుంది కానీ ఇంకేం జరగదు.. హాస్పిటల‌లో ఉన్న నాన్న పెద్ద కోడలు ఇలా చేసింది అంటే తట్టుకోగలరా.. నాన్నకి ఏమైనా అయితే మనం తిరిగి తెచ్చుకోగలమా.. అమూల్య చేతులెత్తి దండం పెట్టి వదిలేయమని అంటుంది. మామయ్య గారు పూర్తిగా కోలుకొని వచ్చాక.. అమూల్య సమస్యకి ఒక పరిష్కారం దొరికాక అప్పుడు నీకు ఉంటుంది.. అప్పటి వరకు ఏ క్షణం ఏం జరుగుతుందా అని చస్తూ బతుకు అని నర్మద వల్లీకి వార్నింగ్ ఇస్తుంది. </p>
<p>నర్మద తండ్రి హాస్పిటల్‌కి వస్తాడు. హాస్పిటల్‌లో అందరితో మాట్లాడి.. వేదవతికి ధైర్యం చెప్తాడు. నర్మద తండ్రిని చూసి ఏడుస్తుంది. ఆడపిల్ల లేచిపోతే ఏ తండ్రి పరిస్థితి అయినా ఇదే అమ్మా.. లేచిపోవడాలు ఏదో సాధించినట్లు ఇలా నలుగురిలో బిల్డప్.. ఖర్మ ఎలా ఉంటుందో చూశావా అమ్మా.. ఐదుగురు పిల్లలు ఉన్న మీ మామయ్య పరిస్థితే ఇలా ఉంటే.. ఒక్కగానొక్క కూతురు ఉన్న నా పరిస్థితి ఏంటో అర్థమైందా అని అంటాడు. నాన్న ఎక్కడున్నాం.. ఏం మాట్లాడుతున్నాం,, అని తెలీదా.. దాని కంటే నువ్వు వెళ్లిపోతే బెటర్ అనేస్తుంది. సారీ అమ్మా ఆయన్ని అలా చూడటంతో నన్ను నేను చూసుకున్నట్లు ఉంది.. ఎవరూ ఏం అనుకోవద్దు అని అంటారు. సాగర్‌తో మాట్లాడాలి అని తీసుకెళ్తాడు. ఇక చందు వల్లీ వాళ్ల గురించి అడిగితే పెద్ద వాళ్లు కదా రెస్ట్ తీసుకుంటారు అని ఇంట్లో ఉన్నారు.. తోడుగా వల్లీ ఉందని అంటుంది నర్మద.</p>
<p>ప్రసాద్ రావు సాగర్‌తో ఏజెంట్ రేపే లాస్ట్ రోజు అన్నాడు.. రేపు పది లోపు డబ్బు ఇచ్చి ఆఫర్ లెటర్ తీసుకో అంటాడు. నాన్న పరిస్థితి అని సాగర్ అంటే నువ్వు లెటర్ తీసుకున్నా లేకపోయినా మీ నాన్న పరిస్థితి మారదు..డబ్బు తీసుకొని రా నేను అక్కడే ఉంటా అని అంటాడు. నర్మద సాగర్‌తో ఏమైంది నాన్న ఏం అన్నారు అంటే ఏం లేదు అని సాగర్ అనేస్తాడు. నర్మద వేదవతిని తినడానికి పిలుస్తుంది. ప్రేమ ధీరజ్‌ని తినడానికి పిలుస్తుంది. నాకు వద్దు అని ధీరజ్ అనేస్తాడు. చందు, తిరుపతిలను పిలిచినా వాళ్లు వద్దు అనేస్తారు. ఇంతలో రామరాజు కళ్లు తెరుస్తాడు. దీంతో ఇవాళ్టి ఎపిసోడ్ పూర్తయిపోతుంది. </p>
2 months ago
8 
