<p><strong>Illu Illalu Pillalu Serial Today Episode</strong> ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(ఆగస్టు 13న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong> ఇలాంటి భర్త నాకు అవసరం లేదు..</strong> ప్రేమ, ధీరజ్‌లను కలపాలి అని రామరాజు ఫ్యామిలీ ప్రయత్నిస్తుంది. రామరాజు ప్రేమతో దూరం పెంచుకుంటూ పోతే మనుషుల మధ్యే కాదు మనసుల మధ్య కూడా అందుకోలేనంత.. తేరుకోలేనంత దూరం పెరిగిపోతుంది. తెలిసి తెలిసి మీ ఇద్దరూ అలాంటి పరిస్థితి తెచ్చుకోకండమ్మా అని చెప్తారు. దానికి ప్రేమ మామయ్య, మీ అందరి మీద నాకెలాంటి కోపం లేదు. కానీ ధీరజ్‌ నాకు వద్దు అని అంటుంది. నర్మద ప్రేమతో ఏంటి ప్రేమ ఇంతమంది బతిమాలుతున్నారు.. చివరకి మామయ్యగారు కూడా నచ్చజెప్పుతున్నారు. అయినా కూడా నువ్వు ఇంకా అదే మొండితనంతో ఉంటావేంటి? అని అడుగుతుంది. మొండితనం కాదక్కా బాధ. కోపం రాగానే వీడు నాకు ఇచ్చిన మాట తప్పాడు ఆ కల్యాణ్ గురించి చెప్పేశాడు.. రేపు కోపం వస్తే ఇంకేమైనా చేస్తాడు కదా. వీడు నన్నెప్పటికీ అర్థం చేసుకోలేడు. నేను అమాయకత్వంతో, అజ్ఞానంలో చేసిన ఒక చిన్న తప్పుని అందరి ముందు చెప్పి నన్ను నవ్వులపాలు చేశాడు. నా గురించి అందరు చెడుగా మాట్లాడుకోవడానికి అవకాశం ఇచ్చాడు. ఆడపిల్ల మనసుని అర్థం చేసుకోని భర్త నాకు అవసరం లేదు.. అని ప్రేమ వెళ్లిపోతుంది. </p>
<p><strong>లక్షలు నొక్కేయ్ నాన్న..</strong></p>
<p>ప్రేమ, ధీరజ్ విడిపోయారు అని వల్లీ, సుకన్య, ఇడ్లీబాబాయ్, భాగ్యం తెగ సంబరపడిపోతారు. వల్లీ జరిగింది అంతా తల్లీదండ్రులకు పూస గుచ్చడంతో భాగ్యం తెగ ఆనంద పడిపోతుంది. భాగ్యం కూతురితో చూడమ్మడు శత్రు శేషం అస్సలు ఉంచుకోకూడదు.. నీ కాపురాన్ని కూల్చేసిన వాళ్లలో ఒక తోడుకోడలి కాపురాన్ని కూల్చేశావు. ఇక నర్మదా కాపురాన్ని కూడా నాశనం చేసేశావు అనుకో ప్రతీకారానికి ప్రతీకారం పూర్తయిపోతుంది అని చెప్తుంది. ఇక రామరాజు రెండు మూడు రోజులు ఊరు వెళ్లిపోతారని ఈ లోపు తన భర్త దగ్గర చేరి భర్తకి తెలీకుండా రైస్‌మిల్లలో లక్షలు నొక్కేయమని వల్లీ తండ్రికి చెప్తుంది. నాన్న గారు మీరు లక్షలు నొక్కే పనిలో ఉండండి.. నేను వాళ్ల కాపురం నాశనం చేసే పనిలో ఉంటా అని చెప్తుంది. </p>
<p><strong>ALSO READ: <a title="Godavari Serial Today August 13th: 'గోదావరి' సీరియల్: తల్లీ, పెళ్లాం మధ్య ఇరుక్కున్న మురళీకృష్ణుడు! జాను ఇంటి దగ్గర సింహాద్రి రచ్చ!" href="https://telugu.abplive.com/entertainment/tv/godavari-serial-today-episode-august-13th-2026-written-update-in-telugu-in-star-maa-jio-hotstar-256211" target="_self">Godavari Serial Today August 13th: 'గోదావరి' సీరియల్: తల్లీ, పెళ్లాం మధ్య ఇరుక్కున్న మురళీకృష్ణుడు! జాను ఇంటి దగ్గర సింహాద్రి రచ్చ!</a></strong></p>
<p><strong>మీరు పెద్ద గయ్యాలి.. </strong></p>
<p>వేదవతి హాల్లో ఉన్న ధీరజ్‌ని చూసి నర్మదతో పాపం చిన్నోడు చాలా బాధపడిపోతున్నాడే అని అంటుంది. ప్రేమ అపార్థం చేసుకుంటూ చివరికి ధీరజ్ నాకు వద్దని వరకు వచ్చిందంటే బాధ లేకుండా ఎలా ఉంటుంది? అని నర్మద అంటుంది. అంటే అన్నానంటారు కానీ చిన్నోడు కూడా నాలాగే నోట్లో నాలుకులేని అమాయకుడే నాలాగే చాలా సున్నితమైన మనసు. ఎవరైనా ఏదైనా ఒక మాట అంటే, బాధపడతారు తప్ప నోరు తెరిచి ఒక్క మాట కూడా మాట్లాడలేం మేము అని వేదవతి అంటే.. దానికి నర్మద జోకులు ఆపండి.. మీరు నోట్లో నాలుకులేని అమాయకురాలా? మీ మనసు వెన్నపూస కంటే సున్నితమా? పాత సినిమాల్లో గయ్యాలి క్యారెక్టర్లు అన్ని తీసుకొచ్చి గ్రైండర్లో రుబ్బితే ఎంత గయ్యాలితనం ఉంటుందో అంత గయ్యాలి మీరు.. ఏమైనా మిమ్మల్ని భరిస్తున్నందుకు మావయ్యగారికి సహన సామ్రాట్.. సహనదాత లాంటి అవార్డ్స్ ఇవ్వాలి అని నర్మద సెటైర్లు వేస్తుంది. శ్రీరామ.. శ్రీరామ నీ కడుపులో ఇంతుందంటే అని వేదవతి అంటుంది. </p>
<p><strong>ఆ కోతిని ఇంటికి తీసుకొస్తా.. </strong></p>
<p>ఇద్దరూ ధీరజ్‌ని ఓదార్చాలి అని ధీరజ్ దగ్గరకు వెళ్తారు. వేద కొడుకుతో చిన్నోడా ప్రేమ గురించి నీకు తెలిసిందే కదా? మొదట ఆవేశపడుతుంది..తర్వాత పశ్చాత్తపడుతుంది.. తన మాటలకు నువ్వేం బాధ పడకురా.. అని చెప్తుంది. ఇక నర్మద అయితే ప్రేమ ఒక అర్థం పర్థం లేని కోపంలో ఉంది ధీరజ్.. అందుకే నిన్ను అర్థం చేసుకోలేకపోతుంది. త్వరలోనే తనే అర్థం చేసుకుంటుంది..నువ్వు బాధపడకు అని నర్మద అంటుంది. చందు, సాగర్, తిరుపతి, అమూల్య వచ్చి బాధ పడొద్దు అని ఓదార్చుతారు. దానికి ధీరజ్ నేనేం బాధ పడటం లేదు.. ప్రేమకి నేను అంటే చాలా ఇష్టం.. నాకు అది అంటే చాలా ఇష్టం.. మీరు కూడా ఆ కోతి ఇంట్లో లేకపోతే బాధ పడిపోతున్నారు కదా.. అందుకే దాన్ని ఎలా ఇంటికి తీసుకురావాలని తెగ ఆలోచించేస్తున్నా అని అంటాడు. చిన్నోడా ఎంత ఎదిగిపోయావురా అని వేద అంటే.. లాస్ట్ ఇయర్ నుంచి ఇదే హైట్ అమ్మ పెరగడం లేదు అని ధీరజ్ సెటైర్లు వేస్తాడు. ఎలా అయినా ప్రేమని ఇంటికి తీసుకొస్తా అని అంటాడు. </p>
<p><strong>ALSO READ: <a title="Karthika Deepam 2 Serial Today August 13th: కార్తీకదీపం 2 సీరియల్: రెస్టారెంట్ ఎవరిది? మాలిని 5 లక్షలు ఆఫర్! జ్యోత్స్న నిర్ణయమేంటి?" href="https://telugu.abplive.com/entertainment/tv/karthika-deepam-2-serial-today-episode-august-13th-2026-written-update-in-telugu-in-star-maa-jio-hotstar-256195" target="_self">Karthika Deepam 2 Serial Today August 13th: కార్తీకదీపం 2 సీరియల్: రెస్టారెంట్ ఎవరిది? మాలిని 5 లక్షలు ఆఫర్! జ్యోత్స్న నిర్ణయమేంటి?</a></strong></p>
<p><strong>నీ మీద చాలా కోపం వచ్చిందక్కా.. </strong></p>
<p>సేనాపతి భద్రావతితో గుడిలో నీ మీద చాలా కోపం వచ్చింది.. ప్రేమని వాడితో వెళ్లిపోమని చెప్తావా అని అడుగుతాడు. దానికి భద్రావతి అదంతా నా గేమ్‌రా.. ప్రేమ అసలే వాడి మీద కోపంగా ఉంది.. నా డ్రామాతో వాడి మీద ఇంకా రగిలిపోయింది.. అందరి ముందు కల్యాణ్ ప్రస్తావన తెచ్చి అవమానంతో చచ్చిపోయాలా చేశాడని ప్రేమ ధీరజ్ మీద కోపంగా ఉంది.. అందుకే నలుగురిలో అవమానించి నడివీధిలో జాకెట్ చింపేసినా మొగుడు కావాలి అంటే వెళ్లిపో అని ప్రేమకి విషం ఎక్కించా., అక్కడిక్కడే ప్రేమ వాడు వద్దు అని అందరి ముందు చెప్పుతో కొట్టినట్లు చేశా.. ఇప్పుడిప్పుడే ప్రేమ నన్ను నమ్ముతుంది. నా అబద్ధాలతో తన మనసు పూర్తిగా మార్చేస్తా.. వాడు ప్రేమ మెడలో కట్టిన తాళి వాడి ముఖాన విసిరి కొట్టేలా చేస్తా అని భద్రావతి చెప్తుంది. </p>
<p><strong>విడాకులు ఇచ్చేయ్..</strong></p>
<p>ప్రేమ కోచింగ్‌కి రెడీ అయి బయటకు వచ్చి ధీరజ్ లేడు.. కారు లేదు ఏంటా అని చూస్తూ ఉంటుంది. ఇంతలో వల్లీ ప్రేమని చూసి కాసేపు మాటలతో కుళ్లబొడిసేద్దాం అనుకుంటూ ప్రేమ దగ్గరకు వెళ్తుంది. ప్రేమ బాగున్నావా అని అడుగుతుంది. నీకెందుకు అని ప్రేమ అంటే అట్టా అంటావేంటి సెల్లాయ్ ఎంత కాదనుకున్నా నువ్వు నా తోటి కోడలివి.. నా సొంత సెల్లెల్లాంటి దానివి.. అసలుకే మొగుడిని వదిలేశావు.. ఒక అక్కగా నాకు బోలెడంత బాధ ఉంటుంది సెల్లాయ్ అని అంటుంది. దానికి ప్రేమ నీ నాటకాలు ఎక్కడైనా ఆడు నమ్ముతారు.. నా దగ్గర కాదు. ఎందుకు పిలిచావో అది చెప్పు అని అంటుంది. కల్యాణ్ గాడితో నువ్వు వెళ్లిపోయావని ధీరజ్ అందరి ముందు చెప్పినందుకు నేను ఎంత బాధపడుతున్నానో.. నీ కాపురం కూలిపోయిందుకు నేను ఎంత కుమిలి పోతున్నానో నీకు తెలీదు.. ధీరజ్‌కి మీ కుటుంబంపై పగ తప్పా నువ్వు అనుకున్నట్టుగా నీ మీద ప్రేమ లేదు.. అందుకే అంత గొడవ చేసి నిజం చెప్పి మీ వాళ్లు అవమాన పడేలా చేశాడు.. ముందు ముందు ఇంకా ఇంకా ఉంటుంది. .. జీవితాంతం బాధపడుతూ కుమిలి కుమిలి ఏడ్చే బాధ నీకు తప్పాలి అంటే ఒక్కటే మార్గం ధీరజ్‌కి విడాకులు ఇచ్చేయ్ అని వల్లీ అంటుంది. దాంతో ప్రేమ లాగిపెట్టి ఒక్కటిస్తుంది వల్లీకి. దీంతో ఇవాళ్లి ఎపిసోడ్ పూర్తయిపోతుంది. </p>
<p><a title="ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి." href="https://telugu.abplive.com" target="_self">ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</a></p>
2 months ago
4 
